تحذير هام لكل من يمتلك سيارة مؤمن عليها فى ظل الاحداث الحالية

**A.Saad** · 27-01-2011 02:47 PM

تحذير هام لكل من يمتلك سيارة مؤمن عليها
وثائق التأمين لا تغطى احداث الشغب والاضطرابات
يعنى لو حد عربيته حصل لها تكسير او حريق بسبب المظاهرات
لن يستطيع صرف تعويض عنها

كل واحد يكلم شركة التأمين بتاعته علشان يطلب ملحق اضافى لتغطية اخطار الشغب والاضطرابات
طبعا الموضوع مش سهل دلوقت واى شركة هترفض
لكن
لو عايز ميتراجعش ويصعد الموضوع للمدير العام او مدير الفرع
لان ده اللى حصل معايا اليوم والموظفين رفضوا لحد مارحت للمدير العام
المعدل بتاع الملحق ده هيكون المفروض اقل من المعدل اللى انت مامن بيه
بيكون من ربع الى نصف المعدل اللى انت مـأمن بيه

**sayed911** · 27-01-2011 06:07 PM

طيب ما فلنفترض يا اخي انه العربية لاقدر الله اتدغدغت وشركة التأمين رافضة التعويض مش ممكن الإنسان يستنى لحد ما القلبان ده يعدي الكام شهر دول وبعد كده يقدم العربية للتأمين على انها كانت مركونة ونزل لقاها كده مخبوطة بقى حصلها اللي حصلها وها يبعد عن شبهة الشغب والتجمعات ولا ده يبقى تحايل ؟

**ramy87** · 27-01-2011 06:11 PM

ربنا يستر و يعدي اليومين دول على خير

**A.Saad** · 27-01-2011 07:38 PM

المشاركة الأصلية كتبت بواسطة sayed911

طيب ما فلنفترض يا اخي انه العربية لاقدر الله اتدغدغت وشركة التأمين رافضة التعويض مش ممكن الإنسان يستنى لحد ما القلبان ده يعدي الكام شهر دول وبعد كده يقدم العربية للتأمين على انها كانت مركونة ونزل لقاها كده مخبوطة بقى حصلها اللي حصلها وها يبعد عن شبهة الشغب والتجمعات ولا ده يبقى تحايل ؟

شركات التأمين بتكون مشترطة فى الوثيقة الابلاغ عن الحادث فى خلال 72 ساعة او اقل
ده معناه ان تأخير الابلاغ بيخلى ليها الحق - من خلال المعاينة - فى رفض الاصلاح
ولو الحادث غالبا اتركن هيبان وقت المعاينة انه مركون
كمان حوادث الشغب هتكون
تكسير زجاج وفوانيس
حريق
اتلاف اطارات اتلاف لجسم السيارة
يعنى مش هيبان انها حادث تصادم