مش عارف هل دة طبيعى ؟

**top_10group** · 27-01-2011 04:43 PM

انا معايا النترا 2009 عاملة 24000 ك العربية ناعمة وجميلة مكنتش بحس انها محتاجة تربط عفشة فى الاول يعنى كنت بعمل الصيانة ومحسش بفرق لانها كانت بتبقى اصلا مظبوطة.
لكن دلوقت بعمل الصيانة وبعد حوالى 3000 ك بتبقى العفشة عايزة تتربط فمش عارف هل دة من الطريق ولا من ايه ( انا ساكن فى حدائق الاهرام والطرق هناك مش متظبطة) بس انا بحاول امشى بالراحة وبحزر على قد ما اقدر.
فهل كدة العربية محتاجة تتربط عفشة بس ولا يكون فيه حاجة فى العفشة بايظة وعاما انا طبعا مستنى صيانة ال 25 وهقولهم على الموضوع ده بس كنت عايز اعرف منكم هل دة طبيعى ولا لا.
شكرا لاعضاء المنتدى الكرام واسف للاطالة.

**Haitham10** · 27-01-2011 05:56 PM

ماجد باشا احنا في مصر

يعني نادرا تلاقي اسفلت متساوي او ناعم

طبيعي اي عربيه بتحتاج تربط عفشه كل فترة ولازم تهتم بصيانة العفشه اول بأول وخد حذرك في الطرق الغير ممهدة لانها بتدمر العفشه

لو المكان الي انت فيه يوميا بتمر عليه غير ممهد اتمني انك دايما تراجع علي عفشتك اول بأول وان شاء الله مفيش اي حاجة بايظة