عاجل اعمل اية في الفلوس اللي حلتي في البنك

**أحمد كمال** · 27-01-2011 10:45 PM

المشاركة الأصلية كتبت بواسطة egyptawy2010

طيب معلش يعنى ايه لن تتاثر الاموال الا فى البنوك؟

يعنى لو حصل سرقة ولا نهب ولا اى حاجة هل من حقك تطالب البنك بفلوسك

سرقة و لا نهب ايه هي خزنة كاشير محل بقالة يا جدعان

خزن البنوك مصفحة و مؤمنة ....

و بعدين يعني هو كل باكو جوة خزنة البنك مكتوب عليه دي الالف جنيه بتاعة احمد و دي بتاعة محمد؟

ما ياما حصلت حوادث سرقة بنوك ...... فيه بنك قال للناس اجري العب بعيد فلوسك اتسرقت ......

المشاركة الأصلية كتبت بواسطة osama

السلام عليكم مش عارف اعمل اية في ظل الاوضاع في مصر والمظاهرات ياتري هل اكون امين علي فلوسي اللي في البنك وعلي فكرة هي في بنك عام زي الاهلي ومصر والقاهرة ياتري لو الاحداث اللي في مصر تصاعدتت هل هيكون في تاثير علي مودعي البنوك او يحصل زي تونس اية الحل

يا جماعة ماتخافوش عالفلوس

و بعدين الضرر الرهيب هيبقى لو كل واحد نزل سحب فلوسه لأسباب عديدة

1- البنوك هتنهار و معاها الاقتصاد الوطني بكل شركاته و رموزه ....... مفيش بنك في العالم ممكن يستحمل Bank Run ..... و مش مصدقينني خشوا على جووجل و اكتبوا Bank Run .......

2- البنك اكتر مكان امن لحفظ فلوسك عشان لو حصل سلب و نهب ..... تفتكر بيتك اسهل و لا البنك؟ تفتكر مين اسهل يتسرق؟

المشاركة الأصلية كتبت بواسطة egyptawy2010

طيب ده بالنسبة لامان البنك

طيب وبالنسبة للتضخم يعنى لو محوش 10 الاف فجاة ممكن يبقوا 5 ولا 4 عشان الجنيه خسر 50 % من قيمته بين يوم وليلة

هل ده ممكن يحصل

دي بقى ربنا العالم ...... ربنا يستر ........

**zeyad1810** · 27-01-2011 10:50 PM

المشاركة الأصلية كتبت بواسطة adham

التضخم هو ان الاسعار تغلى مش ان الفلوس تقل (التعريف الاقتصادي ببساطة هو زيادة عرض النقود بالنسبة للمطروح من السلع)

يعني فلوسك 10 الاف جنية زي ماهما بس بدل مايجيبووا 100 كيلو لحمه يبقوا يجيبوا 50 كيلو بس
لأن الكيلو بقى ب 200 جنية بدل مكان ب 100 جنية

كلام حضرتك سليم
وماحدش يخاف على فلوسة فى البنوك

**Boory** · 27-01-2011 10:52 PM

طب سؤال فني ... اللي معاه فلوس أحسنله يحولهم دولار أو يورو و ألا يخليهم جنيه مصري و خلاص

**human** · 27-01-2011 10:53 PM

حطهم فى بنك اجنبى
خساره فيهم الفلوس
لغايه ما مصر ترجع حره :)

**Adham** · 27-01-2011 11:10 PM

المشاركة الأصلية كتبت بواسطة boory

طب سؤال فني ... اللي معاه فلوس أحسنله يحولهم دولار أو يورو و ألا يخليهم جنيه مصري و خلاص

لو عايز استثمار طويل او متوسط الاجل و بارباح كبيرة يبقى اشتري بجزء منهم اسهم في البورصة اللي اسعارها في الارض و اقل من اسعار ازمة 2008 بس اختار اسهم الشركات القوية ماليا و بلاش حديد عز او هرميس او اية اي سي او الصعيد او اجواء او اي شركات اصحابها ممكن يهربوا او يكونوا مشبوهين

يعني ممكن الحديد و الصلب او العربية للشحن و التفريغ او اوراسكوم او المصرية للاتصالات او الوطنية للذرة او الزيوت المستخلصة او كابو او العربية لحليج الاقطان او بوليفارا او المنتجعات لان دي شركات قوية ماليا و اصولها تساوي اكتر من قيمة سهمها لو اتقسمت على عدد الاسهم

وقت الازمات تصنع الثروات