الموضوع: كاسيت اوبترا 2011

المشاركة الأصلية كتبت بواسطة jiji1710

انا عندي سؤال
ليه انا حاسة انو العربية خفيفة وبتعوم مني على الطريق خصوصا في الملفات موش تقيلة زي التويوتا كورولا
و اضح ان عربيتك جديدة ( الف مبوك على العربية و ربنا يديكى خيرها و يبعد عنك شرها ) يستحسن تضبطى زواية فى بريدجستون فرع عماات العبور و ابقى طمنينا
اما بالنسبة لاستهلاك البنزين يا ريت حد يقلي بتمشي معاه كام كيلو لما تتفول عشان انا حاسة انها بتستهلك بنزين خصوصا اني باخد كل يوم طريق القاهرة السويس لاني ساكنة في الشروق وبمشي على سرعة 120-130
طبعا استهلاك البنزين بيزيد مع السرعة العالية علشان توصلى للاستهلاك الامثل تكون السرعة حوالى 100 كم و ال RPM مايزدش عن 2.5
على العموم متوسط الاستهلاك بيكون 200 كم فى ال 20 لتر بيزيد او يقل حسب حفاظك على RPM
وهل فيه اي خطر على العربية لو دست بنزين فجاة وبطريقة قوية شوية عشان اطلع من اي زنقة على الطريق وتلاقي العداد يوصل لحد 4000 لفة في الدقيقة
عادى بس ما تعمليهاش كثير خليها فى الطواريء فقط لعدم ارهاق الماتور
وسؤال اخير صيانة ال 5000 كيلو الاولين التوكيل حيعمل ايه في العربية؟ تغيير زيت وايه تاني

http://www.nilemotors.net/Nile/185871-5000.html
الموضوع دة فية صيانة ال 5000
خلى بالك صيانة ال 5000 مجانية كمصنعية لكن بتتحملى تكلفة الزيت و الفلتر
و بالتوفيق

بصى مش عايز ادخلك فى حاجات فنية فى العربية
بس ببساطة العربية بيبقى ليها مقايس تسمى ضبط زواية
العربية بتترفع على ونش زي الى فى البنزينة الي بيغسلوا العربية و هى مرفوعة علية
و بيتوصل ببعض القطع على عجل العربية و القطع دى بتتوصل على جهاز كمبيوتر و بيقيس الجهاز بعض اجزاء العفشة و بيتم تعديل ربط العفشة بمقايس معينة
و دة بيمنع عومان العربية او ان العربية تلاقيها بتحدف يمين او شمال لوحدها
و دة اسمة ضبط زواية العربية
و دة لية ناس متخصصين فى الموضوع دة
و طبعا حسب جهاز الكمبيوتر كل ما يكون حديث كل ما كانت المقاسات تضبط احسن
و بالتوفيق فى القرار السليم

بجد حاجة جيدة جدا
و انا عارف ان فية بنات كثير جدعان
و بيعتمدوا على نفسهم
بالتوفيق