بنضّرب فى الشارع يعنى وصوتنا أتنبح
وأخينا كان عامل فيها دكر بط ولما سألنا عنه لاقناه برا بيصيف!!!
بالزمه دا راجل!!!
ولا هو عايزها على طبق فضه
والله لو شفته لديله بال....
عرض للطباعة
بنضّرب فى الشارع يعنى وصوتنا أتنبح
وأخينا كان عامل فيها دكر بط ولما سألنا عنه لاقناه برا بيصيف!!!
بالزمه دا راجل!!!
ولا هو عايزها على طبق فضه
والله لو شفته لديله بال....
بهذوء يا باشا
الحكاية مش سهلة
و لو بصيت على كل المعارضين و المرشحين هتلاقيهم و هما فى مصر بيتغلس عليهم و بتطلع عين ابوهم
فالراجل اللى متعود على شغل بلاد برة احترم نفسة و قال اشرب عصير بالشلايمو و يبلبط برجلية فى المية
و لما لقى لزمة لرجوعة اهو حجز و راجع
و متنساش ان اللعب قلب معاه بالوساخة لما طلعوا الصوت الخاصة باهل بيته على النت و عملولوا فضيحة بالجبنة
أصل بصراحه حاسس أننا أضحك علينا :)
قاعدوا يقللنا أنزلوا أنزلوا وفى الاخر ببص حولينا كلنا شباب ملناش علاقه أوى بالحياه السياسيه
دا مش لاقى شغل والتانى خاطب بقاله سنين
أمال فين الناس الى بتتغنى بالسياسه
فين الاحزاب والمعارضه
ولا أحنا نضرب ونتهان وهما يكلوها والعه
وبعدين لما الراجل ليه فضايح أساسا خليه يبلبط بقى لأنى برده لو شفته هديله بالى فلا رجلى :)
انا شايف ان اول واحد دعى للتغير وكان بحاول بكل الطرق انه يحرك الشعب لكن الشعب كان نايم تماما ..وحاول جمع توقعات عشان يقف للحكومة وبرضة محدش اهتم من الخوف .........واتعرض لحاجات كتير جدا من مضايقات الله اعلم بيها .....لكن لما شعر بوجود تكاتف نزل فورا ......والله اعلم بما فى النفوس
تمام
أنا لسه عارف دلوقتى من الاخبار أنه جاى النهارده
بس مش عارف ليه حاسس أن الراجل دا بيصتاد فى الميه العكره
وأول كلمه قالها لو عايزنى أبقى رئيس فى القتره الانتقاليه انا موافق!
يا عم خلينا فى الحنا في بس الاول وبعدين أبقى حقق أحلامك :)
فيه ناس كثير ومن سنين بتنادي بالتغيرات ولكن بيتقال عليها عملاء وبتعتقل وتتحارب وتتأذى
لكن الاخ ده ابن امبارح يعرف ايه اصلا عن مصر ؟ حد اعتقله قبل كدة ؟ اتعذب في سجون العادلي؟ ..
انا كل اللى عايزة ان الجمارك على العربيات تتلغى
و اجيب حتة المانى ( مستعملة لانى بحب التصليح مووووووووووووت ) و كمان البنزين يرخص
و اخر طلب من الاخر ان لوحة زهرة الخشخاش ترجع
و تبقى كدة اتعشت و ملت بطنها مية مية
الراجل اتعرض لمشاكل كتير جوا مصر ولو كان قعد في مص كان اكيد هتلفقله قضيه زي مستر ايمن نور وبعدين الراجل مغلطش في حاحجة هو قال انا عاوز اكون نواة التغير بس بشرط اني مدخلش حزب والراجل كان عنده حق انهي حزب تقدر تشترك فيه كلها احزاب صوريه وبعدين الظروف في مصر كلها ضده هو وجوده دلوقتي هيلم الشعب حواليه ودي فرصه ليه ولينا وبعدين احنا محتاجين نظاااام ننظم حياتنا وسياسيتنا واهم شئ التعليم والصحه والبنيه التحتيه
أنا و لا يهمني البرادعي أو غيره
المهم الناس فاقت و بدأت تقول لأ
لما أقطاب الحزب الوطني يطلعوا يقولوا احنا فهمناكو و لازم فعلا نسمع الشباب ,, فده في حد ذاته إنتصار حققه الشباب و لم يستطع تحقيقه البرادعي أو غيره
الشباب بعد ٢٥ يناير أصبحوا جزء من اللعبة و لم يعودوا في حاجة لشخص يمشوا وراه