مش عايز اسبق الأحداث كل واحد يقول إيه وضع مصر دلوقتي
عرض للطباعة
مش عايز اسبق الأحداث كل واحد يقول إيه وضع مصر دلوقتي
ان شاء الله الاحسن
مصر بتتبهدل
وشكل حسني هرب
و الجيش نزل يموت الناس
وعصابات النهب نزلت
فيه محاولات لسرقه المتحف المصري و الشباب بتدافع عنه
المحلات عماله تتقلب
قطعوا النت و المحمول و الارضي ومش عارف اكلم مصر لحد دلوقتي
انا هتجنن من موضوع السلب والنهب ده شكله شئ منظم وموش ممكن الشباب اللى فى المظاهرات يكون هو اللى بيعمل كده
امبارح اتصلت بزوجتى فى مصر بتقول لى انه فى ناس حرقوا مرور المعادى واخدوا العربيات اللى كانت موجودة فيه بعد لما فكوها على شكل قطع صغيرة زى وكالة البلح واخدوا لوحات السيارات شئ غريب جدا دول اكيد ناس بلطجية وعصابات
وسمعت انه فيه ناس حرقوا قسم البساتين كمان
الوضع الامنى اعتقد اصبح سئ جدا
ياريت الناس تبلغ زوجاتها واولادها ما ينزلوش الشارع ابدا فى الوقت الحالى
إن شاء الله إلى الأفضل .... الشعب المصري واعي جدااا ومحترم جدااا أما عن أعمال النهب اللى بتحصل فده شيء طبيعي في أي بلد بيحصل فيها ثورة ... في ظل غياب كاملة للسلطة التنفيذية ... والأمور هترجع لطبيعتها بالتدريج.
ثورة!!!!!!!!!!
أنت بتسمي دي ثوره
دول شوية عيال زبالة ولاد .......
المفروض الجيش يصضرب في المليان دلوقتي
شبكة فودافون رجعت وكلمت ولادى فى مصر الان
الوضع فى منطقة المعادى سئ جدا والبلجية فى الشوارع بيسرقوا المحلات والسيارات اللى واقفة والناس بدات تكون مجموعات حراسة من كل عمارة
لا يوجد اى شرطة فى الشوارع على الاطلاق
لازم الجيش يمسك البلد لازم
البلد بتضيع لو استمر الوضع كدة الناس موش هتلاقى مواد غذائية تاكلها
لازم حسنى يتنحى ويسلم البلد لواد تانى ترضى عنه الناس
البلد بتغرق ياجماعة والله بتغرق
ربنا يستر
ربنا يستر
شكله لاااااااااااااااااا
احنا بقالنا عقود مهانين
مين منا مرحش مستشفى حكومى وشاف المرضى عاملين ايه هناك
وازاى الفقير ميقدرش يتعالج فى مصر
مين منا مشفش فيديوهات تعذيب الشرطة للشعب
مين منا محسش بالقهر على تصدير الغاز لاسرائيل
مين متخنقنقش لما المياه والكهربا اتقطعوا والعبارة غرقت والقطارات اتحرقت
مين منا مش بيخاف من البلطجية والشمامين اللى ساكنين فى العشوائيات
مش كل ده نتاج النظام الحالى ، مش هوا ده النظام اللى وصل الشعب للياس وفساد وتحرش وخوف وقهر
خلينا نشم نفسنا شويا ، خلينا نعيش بنى ادمين مرة واحدة فى حياتنا
يا جماعه الظاهر إنه مش فاهم احنا بنتكلم في إيه
شكله فاهم إن احنا في زيمبابوي ولا حتة تانية
يا اخي حرام عليك والله .الناس دي اشرف ناس.خير شباب مصر بيقدم روحه فداءا للوطن املا في الحصول علي غدا افضل ومستقبل أمن وتعليم افضل.
انزل شوف الناس عايشه ازاي ومدي الفقر والقهر اللي وصلوا ليه.
الشباب و الشيوخ والاطفال والسيدات قدموا ارواحهم عن طيب خاطر وبتفاني شيديد في حب الوطن.
الناس اللي مش عاجباك دي بتحاول تغير وضع شاذ بقاله 30 سنه عشان اولادي واولادك واجيال كتير تعيش بكر امه ونتعامل علي اننا بني أدمين جوه بلدنا وبره بلدنا .عندي كلام كتير ارد بيه عليك بس هأجله لحد ما ترد علي.
أولي بأه يا باشمهندس شويه( الناس المحترمه جدا) اللي هم مش زباله ابدا مش عاجبينك في ايه؟منك لله يا اخي فورت دمي.
bemo,ire
R.N.N | شبكة رصد البيت الأبيض : لا إتصال لنا بحركة الإخوان المسلمين ولدينا معايير في التعامل مع الحركات السياسية
ههها أظن ياجماعة الصورة كدة أكتملت تماما مبارك يتشال أوكي مافيش أي مشكلة:ok: ومحبب علي قلب وزارة الدفاع المصرية والأمريكية
تغيير نظام الحكم ويطلع من الجيش أنسواhttp://www.nilemotors.net/Nile/image...in1%5B1%5D.gifhttp://www.nilemotors.net/Nile/image..._49%5B1%5D.gif
وكلوا بالهداوة
ونضرب عصفورين بحجر واحد نشيل سوزان وجمال(مبارك) من الحكم ونضرب القطاع الأمني الشرطي المتوحش والمستقوى في مقتل(لايصح أبدا وجود قوى في الدولة تقترب من القوي العسكرية لأنه يخل بموازين السلطة والقرارت الداخلية بالبلد وهذا مالا يرغب به أحد)
وأغلب الظن سيتم محاكمة العادلي وعز عسكريا والله أعلم
وأن شاء الله لا أعتقد تعريض أرواح المواطنين للخطر بقدر الأمكان تجنبا لبدأ نظام حكم جديد تحت رعاية الجيش ومتضمن لذكرى سيئة مع المواطنين:15_2_143:
______________________________
اللي بيقول زباله فعلا الزباله تتقرف منه
احنا اللي كنا بنطلع في مظاهرات و بناخد معانا كولا و بصل و مناديل بخل و مستعدين للقنابل المسيله للدموع
و حوالي 300 شهيد سقطوا
شوف ملحمه السويس العظيمه
و الملحمه الاكثر من روعه هو اللجان الشعبيه تبع وزاره الدفاع
و الواحد يقعد في عز التلج من الساعه 7 بعد صلاه العشا لحد 8 الصبح
الشباب اللي كان بيتقال علينا جيل فاسد و ملهوش فيها
شوف انيس منصور كتب علينا ايه
عفوا شباب هذا الجيل فعل ما عجز ابائنا و اجدادنا على فعله
و راينا بقى فوق الجميع
احنا جيل وقع جهاز الشرطه من غير ما يهاجمه
احنا جيل كانت مظاهرتنا بتضرب من الشرطه و في نفس الوقت كنا بنمسك الناس اللي بتحدف طوب
احنا جيل حارب جميع الجبهات الداخليه في مصر
الشرطه و النظام و البلطجيه و الاخوان و الاحزاب المعارضه
و كانت المظاهرات بتطلع بالنهار و بالليل كنا بنحارب البلطجيه و الحراميه
عفوا لقد انتصرنا رغم انف الجميع