الحمد لله نحن بخير
أستاذ </B>mohamed_selim حضرتك في مصر؟
عرض للطباعة
الحمد لله نحن بخير
أستاذ </B>mohamed_selim حضرتك في مصر؟
الليل طويل
والإنتظار والترقب مميت
في انتظار الفجر بإذن الله
الشارع هادي جداً
مفيش حد من العمارات في الشارع
غير واحد رايح جاي كل شويه
والمدرعه مش موجوده
ممكن تكون في اول المنيل
ربنا يستر
الناس مش مطمئنه لنزول الأمن من بكره
مفيش ثقه مش عارفين الضربه ممكن تيجي من مين
هينزلوا يأمنوا الناس ولا هيضربوا في المتظاهرين ويعتقلوهم
الله اعلم
كل دي هواجس كلنا بنفكر فيها
خاصة ان الجيش محايد حتى الآن
ولم يحمي احد من السرقه والهجوم المسلح
بالعكس هما اللي كانوا بيطلبوا من الناس تنزل تحمي بيوتها
في ناس بتجري في الشارع حالاً
وبينادوا على بعض بقفل الكمين في اول الشارع
ربنا يستر ويحفظهم سالمين
يارب يارب يارب - يارب مايروح دم ابناءنا هدر - وتكون هذة الثوره فاتحة خير لكل شعب مصر - ويهدى الامن والجيش لصالح الشعب
اعتقد ان فيه مواضيع كثير في المنتدى أكدت وأنا أضيف صوتي لصوتهم ان الرعاع اللي عملو كده همه شويه بلطجيه مسرحاهم الداخلية علشان يرهبوا الشعب ويكون رجوعهم للشارع المصري لضبط الأمن يبقى مطلب شعبي لأنهم لو معملوش كده، مش هيعرفوا ينزلوا الشارع ثاني ويتكلموا مع حد لأن خلاص بقى فيه أزمة ثقة بين الشعب والداخلية "الخونة" عفوا لهذا التعبير لكن هو دا أنسب تعبير ممكن يتقال، من كام يوم بس كان مخبريهم بيسحلوا الشباب في المظاهرات ويضربوهم بالنار "لنعة الله عليهم، وأرواح الناس اللي ماتت في رقبتهم ورقبة الحاكم الظالم ليوم الدين، ونحتسبهم عند الله من الشهداء، عندي اثنين ماتوا في الشارع في المظاهرات، شباب زي الورد والله وكانوا في غاية الاحترام.
الحمد لله أعتقد أن الأمور استقرت دلوقتي، وشباب مصر .. الله يبارك فيهم ودايما يكونو سند وعون للبلد دي وقفوا فعلا وقفة رجالة .. ربنا يحميهم يا رب ويباك فيهم ويكون التغيير على اديهم مش على ادين أي حد ثاني .. علشان يتقال ثورة شباب ورجال مصر .. ولا تنسب لأي شخص أو جماعة أخرى بإذن الله.
مازلت مش باعرف انام خالص مهما حاولت
خايفه الموضوع يتحول لفوبيا
ولو نمت بأصحى كل ساعه تقريباً مفزوعه
انا عارفه ان الجو اهدأ من الأول
بس كل الأصوات بتزعجني
كفايه صفير الشباب علشان يتجمعوا المنذر بوجود خطر