الأفاضل أعضاء المنتدى
إدارة المنتدى
كريم منير
يارب تكونوا بخير , وتطمنونا عليكم عندما يتم توصيل النت
عرض للطباعة
الأفاضل أعضاء المنتدى
إدارة المنتدى
كريم منير
يارب تكونوا بخير , وتطمنونا عليكم عندما يتم توصيل النت
انا في السعودية لكني متواصل مع ناس كتير في المنتدى و هم الحمد لله بخير و منتظرينهم يطمنونا اكثر بنفسهم لما النت يرجع
و ربنا يحفظ مصر و اهلها ياااااااارب
الحظر مازال قائم
يا رب طمنا علي اعضاء وعضوات المنتدي والاداره ونشوفكم قريبا علي صفحات المنتدي لما النت يرجع تاني.
bemo,ire
كلمت أحمد كمال أول أمبارح و هو بخير و الحمد لله
و كريم منير كلمنى إمبارح بيطمنا عليهم و بيطمن على المنتدى.....قولتله متقلقش أنت سايب وراك رجالة فى المنتدى.
ربنا يطمنا عليهم المنتدي من غيرهم مخيف عامل زي البيت المهجور
هو النت لسه قاطع فى مصر ؟!
كانوا قالوا أنه هيرجع امبارح أو أول امبارح
النت قطع وآخر شركة أيضا قطعت النت لديها - نور -
النت جه يا رجالة. النت جه!!!!
وانا الحمد لله كنت نزلت يوم جمعة الغضب و شفت الويل بس الحمد لله إني رجعت.
يا رب يكون الجميع بخير إن شاء الله.
النت رجع النهارده
الانترنت لسه راجع حالاً
عود احمد يا رجاله
و طمنونا عليكم
أنا عايز أحط بنزين يا رجالة, حد يعرف محطة ناحية أكتوبر فيها بنزين؟
ألف حمد الله علي السلامة للرجالللللللللللللللللة
الحمد لله ان النت رجع، يا اخوانى لازم كلنا نبقى على مستوى الموقف اللى بلدنا فيه و صوت العقل يغلب.
احنا ربنا سترها معانا لغاية دلوقت، بس لازم كلنا نتحرك علشان الشباب يفهم ازاى نحافظ على اللى عملوه.
العند ليه حدود و لازم ندى النظام فرصة اخيرة يبتدى ينفذ اللى قاله و لو خلف كلامه، يبقى احنا عارفين هنعمل ايه.
ارجوكم ارجوكم لازم نتحرك و نتكلم مع بعضنا و نهدى الأمور.
الحمد لله الأوضاع مستقرة وربنا يعدى الباقى على خير
النت رجع النهارده الاربع الساعه 12 الضهر والحمد لله الى الان الاوضاع مستقرة
حمداً لله على سلامتكم .
حمد لله على السلامه
والله هوا ده الكلام المظبوط
وانا من منتدانا أعلن كل الحب والتقدير للقائد المحترم محمد حسنى مبارك وابلغه أنه سوف يظل فى القلب مهما تبدلت بنا الأزمنه
واشكر له حكمته فى التعامل مع الموقف واتمنى ان تستطيع الحكومه الجديده ان تحقق كل تكليفاته حتى انتهاء فتره ولايته
كل الحب ولأحترام لهذا القائد المحترم
مع احترامى لكل الاعضاء ...
حد يفهمنىبالعقل و بالراحة ... ازاى فيه حد ممكن يحب الرئيس مبارك ؟؟!!!!!
احتمال انا اكون عايش على المريخ و مش بعانى من غلاء الاسعار ولا مشاكل انقطاع الكهرباء و المياه و عدم توفر اشطوانات الغاز و الفساد
يا افندم ماحدش قال ان احنا بنحبه, احنا بنحب بلدنا.
وبعدين الراجل طلع امبارح وقال إنه مش هيترشح وإنه هيعمل تعديلات في الدستور وسمعنا رئيس الوزراء الجديد بيتكلم وكلامه كان كويس, ندي فرصة بقى للتَغيير, احنا عمرنا معملنا ثورة زي ديه قبل كده فـمستحيل نقول إن مش هيبقى فيه تَغيير.
لكن لو الناس فضلت في التحرير تتخانق كده هتلاقي نصهم بكرة أموات عالأرض!!
السلام عليكم
انا شاكر لحضرتك الرد
كام مرة الرئيس قال انه حيعمل اصلاحات ؟؟
كام مرة قال انه حيعدل الدستور ؟؟
مين هو رئيس الوزراء ده ؟؟ ( حسب معلومات .. تلميذ للرئيس و كانوا فى القوات الجوية مع بعض و ممكن نسأل عنه الناس الى كانوا فى الطيران المدنى)
مين يضمن ان الناس حتتظاهر تانى و يطلبوا ان الرئيس يرجع تانى و يبقى ( رئيس للأبد حتى النهاية ) ؟؟؟
الناس فعلا بأدوا يضربوا بعض فى ميدات التحرير و ربنا يستر
ربنا يطمنا عليكم جميعاً .. وكمان على البلد ... الخسارة تزداد كل يوم فى أعمال الشركات.
تحياتى
محمد