بعد خطاب الرئيس مبارك

**otefa** · 02-02-2011 12:30 PM

المشاركة الأصلية كتبت بواسطة m.zaher

الله يسلمك يا بشمهندس

اللى اقصده ان بمجرد خروج الجيش من الشوارع و رجوع الشرطه تاني هاتحصل مهازل كبيره و انتقام كبير من النظام للشباب

أن شاء الله مش هايحصل لأن الفيلم أكبر من ألي معظم الناس شايفه
الهدف كان تقليم أظافر الجهاز الأمني وكشف مراكز القوى به تمهيدا لأمساك الجيش بزمام الأمور وهذا ماتحقق بدعم المتظاهرين
وهذا كان واضح تماما من مباركة الجيش للثورة

**biomedo** · 02-02-2011 12:35 PM

يعني احنا استنينا 30 سنه و مش عارفين نصبر 6 شهور .
مبارك لو مشي دلوقتي هتبقى فوضه عىلشان احن منعرفش حد غيره و لازم ندي نفسنا فرصه نعرف اي حد تاني.
الايام اللي جايه هتوضح حاجات كتيير يا ريت نصبر.

بالله عليكم نصبر علشان مصر متخربش

مش عاوزين ناس طماعه تبقى رؤساء ببلاش

حبيب العادلي الله يحرقه هو السبب

**mfarag** · 02-02-2011 12:37 PM

بسم الله الرحمن الرحيم

اكيد شعر الكثير بالارتياح من خطاب الرئيس مبارك على الاقل لانة اوجد نور فى النفق

ولكن

احتوى على العديد من المغالطات و المناورات

و بداية
لا اعتقد ان مبارك ممكن ان يستمر ( على الرغم ان المظاهرات الحالية ممكن يعملوا محاولة ) ولكن الغرض الاساسى الابقاء على النظام والحزب الوطنى و ترتيب البيت لما بعدة و ذلك من خلال

اولا : ربط مبارك بين المظاهرات و التخريب و الفتنة التى حدثت و كان المتظاهرين هم المسئوليين عن التخريب - مش مبارك و العادلى و الموامرة لاشاعة الفوضى و ترهيب الشعب المصرى

ثانيا : مظاهرات اليوم المحركة من الحزب الوطنى اساسا - بوجود بعض الناس التى تخاف من التغيير بعد حالة الانفلات الامنى و قيام فضائيات رجال الاعمال بتخويف الناس من حالة الفضاء الدستورى والفوضى المنتظرة -- وتسعى المظاهرات كما ورد الان الى الاحتكك بالمتظاهرين مع اتهامهم بالمسئولية عن احداث الشغب.

ثالثا : عدم ادراج المادة 88 و التى تعنى الاشراف القضائى الكامل عن الانتخابات - يا فرحتى اعمل مية انتخابات من غير اشراف قضائى كامل وزورهااااا براحتك

رابعا : الحديث عن تغيير مواد الدستور التى تنظم الترشيح - طيب ما هيا اتغيرت قبل كدة و ممكن تتغير تانى و ثالث و رابع من غير من نصل لنتيجة و ممكن تضع شروط تنطبق فقط على عمر سليمان فقط وعم عبدة بتاع الفول - فالناس ترشح عمر سليمان طبعا و نرجع لازهى عصور الديمقراطية .

خامسا : الكلام عن الالتزام باحكام محكمة النقض فى مجلس الشعب كلا فاضى و ضحك على الدقون لية - لان عشان محكمة النقض تحكم فى العدد دة من الطعون على الاقل عدو سنوات و بعديها تجرى انتخابات طيب خلال الفترة دى اية الحل .

وطبعا لو كان عند النظام نية كان نفذ احكام الادارية العليا الموجودة اساسا

مع العلم ان حتى الغير مطعون فيهم - كلنا عارفين عملية انتخابهم كانت ازاى من تقفيل صناديق و تزوير بواسطة شرطة وبلطجية .

سادسا : استمرار بعض الوزاراء مثل انس الفقى ( الكدب حصرى على التلفزيون المصرى ) - وسياسة الاعلام حتى بعض تغيير الحكومة - من خلال تحريض الجيش على المتظاهرين

الخلاصة : ما يجرى هى محاولة لاجهاض ماحدث وتفريغة من محتواة ( مش شرط ابقاء مبارك ) - لكن المحافظة على النظام و الحزب

**Beam28** · 02-02-2011 12:38 PM

ما يجلعني متفائلا هو وجود الفريق احمد شفيق في رئاسة الوزراء واعتقد ان هذا الرجل قادر على صنع تغيير حقيقي

**Sharky** · 02-02-2011 12:42 PM

المشاركة الأصلية كتبت بواسطة hellboy

انا متفائل جدا ان غدا ان شاء الله احسن من الامس ,حد عنده الاحساس ده؟؟

انا عندى نفس الإحساس اللى عندك

**ABDULLAH AHMED** · 02-02-2011 12:44 PM

يا جماعة كفاية الراجل ما هربش
وبعد كده لو مبارك حيقعد كمان 50 سنة بس نبقى قعدين في امان يبقى يقعد
معلش الواحد اتخنق من اللي شافه الايام اللي فاتت

**pro_samir** · 02-02-2011 12:48 PM

المشاركة الأصلية كتبت بواسطة hemalotfy

اكيد ان شاء الله الحكومة الجديدة هتصلح ما افسدته الحكومة السابقة الفاشلة الفاسدة
وان شاء الله بكره هيكون افضل من انهارده وامبارح
انا مفائل خير ان شاء الله
التغير قادم للافضل باذن الله
يبقى ليه لازمة الشباب اللي موجود دلوقتي في الميدان ؟!
عايزين بقى نشوف الحكومة الجديدة حتقدر توفي بوعدها؟!
عايز حالنا يتصلح ونمشي مصالحنا من جديد بدل العطله دي!
عايز شوية هدوء الحكومة تشوف المجرمين والمفسدين والهاربين من السجون
عايزين نحاكم كل واحد فاسد مجرم تسبب في اي اذى حصل في مصر

الشباب اللي فاضل بقى هو اللي يرحل عن الميدان ولو متحقشش حاجة الميدان مش بعيد

للأسف في كلام من ناس كتير جدا ان اللي موجودين لحد دلوقتي في التحرير ما بين أحزاب معارضه بتستغل الموقف وبين اخوان بيولوعوها أكتر وبين ناس مش فاهمه حاجه

الكلام ده من اصحابي اللي لسه هناك بيحاولو يفهمو الناس انهم يمشو وبيقولو معظم الناس هناك مش عارفين هم عايزين إيه أصلا

ومن اللي شايفه بنفسي عندنا الاخوان هم اللي بيولعو الدنيا علشان المظاهرات تخرج تستمر

لدرجة اني فكرت اطبع منشورات و انزل في المظاهرات المؤيده لمبارك زي ما ناس كتير عملت .. ليس تأييدا لمبارك ولكن يمكن الناس اللي لسه عايزه تشيله فورا تفوق شويه وتحس بخطورة اللي بتعمله

**M.Osman** · 02-02-2011 12:50 PM

يعني راجل في منصبه هيضحك علينا ؟
و بعدين حتى لو ضحك علينا... احنا خلاص عرفنا السكة

ميدان التحرير

**ahmed_su** · 02-02-2011 12:50 PM

الرئيس ورغم كل الاختلاف معه

الا انى بعد كابوس الايام السابقة وتحولنا الى غفراء

مقمين فى الشوارع انا معه تماما فيما قاله فى خطابه

الاخير - مجرد ايام معدودة حدث ماحدث - فما بالك

لو حدث فراغ فى السلطة مع عدم وجود اتفاق من اى قوى

سياسية بل مجموعة من الافاقين والانتهازين الذين ركبوا موجة الشباب

سواء البرادعى او الاخوان او الاحزاب التى ليس لها اى وزن بل كل ماكانت تقوم به

لعق حذاء الرئيس - لو ذهب هذا الراجل بتلك الطريقة الله وحده اعلم

بما سيحدث لهذا البلد - الرجاء الاستماع لصوت العقل - لقد حصلنا

على الكثير مما كنا نريده وما كان حلما من كام اسبوع اصبح واقعا