يا بروتناوية, أنتم بخير؟؟

**Raul_7** · 02-02-2011 02:22 PM

حمد لله على سلامة الكل يا رجالة, وإن شاء الله المحنة ديه تعدي على خير قريب.

المشاركة الأصلية كتبت بواسطة tayer

تمام يا محمود
الربوه عملا قلق

آه واللهِ يا أبوطارق بس الياسمين عاملة شغل حلو أنا كنت واقف معاهم امبارح.

والدبابة يوم لما قعدت تضرب جابتلي سرع بصراحة.

يلا ربنا يستر.

**jisso82** · 02-02-2011 02:34 PM

الحمد لله على كل شىء و الحمد لله على سلامة الأعضاء اللى طمنونا عليهم و شكرا ليك يا محمود على الموضوع

**Raul_7** · 02-02-2011 02:42 PM

المشاركة الأصلية كتبت بواسطة jisso82

الحمد لله على كل شىء و الحمد لله على سلامة الأعضاء اللى طمنونا عليهم و شكرا ليك يا محمود على الموضوع

العفو يا هيثم و حمد لله على سلامتك.

**saryrabie** · 02-02-2011 03:21 PM

ميييييييين هنااااااااااااك؟؟؟
اقف مكانك وطلع اللي ف جيبك
اثبت احسلك الشومه ف ايدي

مكنتش اتخيل اني اقف ف الشارع طول الليل ومعايا شومه ومستني اي بلطجي يقرب من بيتي او يقرب من جيجي

مش مشكله المهم مصر تبقى بخير وتتغير
والحمد لله مصر اتغيرت
وكله يهون علشان مصر

المهم دلوقتي الناس ترجع بقا لبيوتها ونحاول نصلح اللي فات علشان مصر
خالص تحياتي لكل البروتوناويه ويارب الكل يكون بخير

**ayman_83** · 02-02-2011 03:57 PM

الحمد لله كله تمام
وبجد ربنا يستر من الايام الجايه ومصر هتحتاج من 10 الي 15 سنه عشان ترجع لما قبل يوم 25 وربنا يقوينا
انا ماسك 300 سلاح وبعمل دوريات في العجمي والمنشيه محدش يقلق اللي في المناطق دي

**Shamaa17** · 02-02-2011 04:29 PM

الحمد لله كويسين و أكتسبنا خبرات كمان
و إن شاء الله الناس تعقل و تخلص على خير

**shakshak2011** · 02-02-2011 05:24 PM

الحمد لله .. كله تمام .. الواحد فعلاً مش مصدق إيه الى بيحصل فى البلد ..

و كله كوم و الى بيحصل دلوقتى كوم .. يعنى أنا نزلت يوم 25 و نزلت إمبارح و كل الناس الى شفتها كانوا ناس محترمين جداً .. و ناس نضيفة .. لكن الى شفتة النهارده من أشكال الناس الى نازله تهتف للرئيس حاجه بجد قمة فى الإجرام .. كلها ناس رد سجون .. و قرايب ليا شغالين فى الحكومه قالولى إن المديرين بيدفعوا فلوس للسواقين و الناس الغلابة عشن ينزلوا يهتفول للرئيس

خطه والله مجرمه .. جوع الناس و خليهم عاوزين القرش بأى طريقة .. و بعدين خلى الفلوس تمنها النفاق

يعنى إحنا كنا هنهدى شويه بعد الخطاب العاطفى بتاع الرئيس إمبارح .. و هنعدى كل الخداع الى فيه و اللعب على المشاعر .. لكن بعد الى حصل النهارده .. محدش هيسكت .. ده إحنا مسكنا ضابط شرطة فى الدقى من 3 أيام بيضرب رصاص حى على الشباب الى فى الشارع .. و الأهالى شبه قتلوه تقريباً .. الى عمل الفوضى فى البلد هو النظام الفاسد الى بجد بعد النهارده كتب نهايته بنفسه

**hanyetsh** · 02-02-2011 09:35 PM

ربنا يسترها

**Osama.shihata** · 03-02-2011 01:01 AM

الحمد لله يا محمود ان كل الزملاء بخير
اللهم احفظ بلدنا
وجنبنا الفتن ماظهر منها وما بطن
اللهم انصرنا على من عدانا واخرج الظالمين من بيننا
تحياتى لكل البروتونية المصروية وشعب مصر
عاشت مصر حرة