الموضوع: أنقذوا مصر

رايك محترم جدا و عقلانى و يا ريت الناس تحاول تفهم
البلد هتتحرق و ربنا يعديها عل خير

المشاركة الأصلية كتبت بواسطة zalabany

أنا معاك يا باشا في ان مبارك ما يسيبش دلوقتي بس مش عارف حاسس انه تلبيته للمطالب في حاجه غلط عشان قانون الطوارئ ومواد الدستور زي 88 اللي ما زكروش واللي بدأ يقلقني دلوقتي المظاهرات المؤيده لمبارك واللي غالب هما رجالة الحزب الوطني وناس زقينهم ولسه كمان محاولته الإحتكاك بالمعارضين هاتبقى مجزرة
بالإضافة للسيناريو بتاع اختفاء الشرطة وظهرور البلطجية اللي منهم رجالة شرطة وفتح السجون وكم الإشاعات الرهيب اللي ظهر ده غير التعتيم الإعلامي الغريب للتلفزيون المصري
انا بصراحة ما بقتش عارف عايز حد يقولي الشرطة راحت فين
السجون ما اتأمنتش ليه وهرب منها المساجين بالتتابع
ليه خطابة ما شملش المادة 88 ليه ما شملش قانون الطوارئ
بالنسبة لمناقشة مواد الدستور سرور هو اللي ناقشها قبل كده وهو اللي هايناقشها دلوقتي مش عارف ايه اللي هايجد الله أعلم

انا اؤيدك في كل كلمة و في كل حرف ,

انا كنت في المظاهرات معظم الأيام ,

المهم مش في اللي حصل , المهم في اللي جاي ,

انا عن نفسي مش نازل تاني المظاهرات و عايز الناس تهدى لغاية لما الصورة توضح اكتر ,

و الناس اللي عايز تولعها و ليها مصالح شخصية ,

ابوس ايديكم دي مصر بلدنا , و خايفين عليها .

..........................

المشاركة الأصلية كتبت بواسطة م.احمد زكريا

مش مهم هايتقال عليا إيه

في 25 يناير انا كنت مؤيد للمظاهرات ومعها قلبا وقالبا وكنت اتابع ما يحدث والهجوم على الشباب المحترم المثقف الذي كان يتظاهر وكنا ضد الأمن المركزي

مظاهرة جمعة الغضب غباء ووحشية واقول غباء قبل وحشية من الامن المركزي ، رايت ذبح وقتل للشعب كأن هناك مواجهة بين شعب محتل وعدو غاصب حتى انه مشهد لم اره في فلسطين

أنسحاب مفاجيء للشرطة وكاني امام فيلم سينمائي اكشن بإخراج ممتاز وسقوط لمدينة في يد الغزاه اللذين بدأوا في حرق المدينة التي استولوا عليها .... القاهرة تحترق على الهواء .. لا يمكن ان اصف مدى الالم والحزن في هذا اليوم شعب يقتل بعضه وبلد تحترق

حرق منظم لاقسام الشرطة والمرور المحاكم و الحزب ال..... ال..... (سبب الخراب الرئيسي) - فعلا في حاجة مش مفهومة - طبعا كله هايقولك الداخلية والحكومة لكن محدش عارف مين .. في خيانة عظمى

خطاب من الرئيس .. نائب رئيس (لا غبار عليه ) ... رئيس وزراء جديد (محترم جدا) ... وزير داخلية (مشهود له) ... وزير اقتصاد (مش عارف كانوا مخبينه فين) ........... الخ

خلال الفترة ظهور البرادعي والاحزاب و الاخوان ( كانوا فين قبل كدة ؟؟) .. ورفضوا الحوار مع الحكومة !!!!!!

وطبعا الملاحظ شكل المتظاهرين ونوعيتهم يوم 25 يناير وشكلهم في الايام التالية ؟!؟!؟!؟!؟

خطاب للرئيس كان لازم يكون من بدري
خطاب محدد ومنتصر لمطالب الشعب كله مش المتظاهرين فقط

مع كل اختلافي مع الحزب والحكومة والرئيس ولكن أثبت الرجل أنه رجل قوات مسلحة لا يقبل بالهرب وترك البلاد للفوضى والخراب كما فعل بن علي

رغم أني لم اتجند في الجيش إلا أني وبدون شعور أديت التحية العسكرية للرئيس

مصر ليست تونس لأسباب

- المساحة - عدد السكان - الموقع الجغرافي (قناة السويس ) - الالتزامات الدولية ( اتفاقة سلام مع اسرائيل - دور اقليمي من ينكره جاهل - قوه حقيقية للتوازن في المنطقة - علاقات مع اوروبا وامريكا)
لذلك انتقال السلطة يجب ان يكون منظم وانا اعلن أن في حاله وجود مرشح من الجيش للرئاسة فأنا معه لنتوازن مع العدو الاسرائيلي الكل حكومته عسكريين ( مصر بلد حرب مهما طال السلام)

على الوجه الاخر

ملايين الشباب و الشيوخ في الشوارع للدفاع عن بيوتهم واملاكهم ( سنج وسيوف وشوم ومسدسات حية مسدسات صوت ورشاشات ) إيه الإحنا فيه ده

إنهيار في الإقتصاد ( بورصة مغلقة - خسارة للمستثمرين الاجانب - خسارة للسياحة - قلة في امدادت الغذاء والبنزين - بعض التجار رفعوا الاسعار)

وعلى جانب اخر ارتفع سعر البترول والذهب ( مصائب قوم عند قوم فوائد)



نهاية الموضوع : تظاهر الناس واعلنوا مطالبهم وتحققت المطالب الاصلية بنسبة 95 %

يجب العودة للحياه الطبيعية واعطاء فرصة لفتح صفحة جديدة لمصر وصفحة جديدة وهي الاهم مع الشرطة لاني اعتقد اننا سنتعامل مع جهاز شرطة جديد تماما

اما التصعيد ومش هانمشي هو يمشي أو ما صدر عن إئتلاف المعارضة برفض الحوار ده كله دعوة لخراب مصر ولمصالح شخصية فقط


وأخيرا

اللهم أهلك الظالمين بالظالمين وأخرجنا من بينهم سالمين

الهم ولي علينا خيارنا يا رب العالمين

وصلى اللهم على سيدنا محمد وعلى اله وصحبه وسلم

بعد اللى قلته دة والخساير دى اللى هيا سببها تخطيط من هذا النظام الفاشى - عاير ترجع ورا مرة اخرى - اذا نستحق ان نوضع حميعا فى السجون لاننا مش على مزاج هذة الزمرة التى لن تسلم البلد لاهلة الا بالدماء