الموضوع: النقل المباشر لاحداث الاضراب -الجزء الثالث

المشاركة الأصلية كتبت بواسطة ainshouka

الناس اللى بتفضل ان مبارك يستمر لغاية نهاية فترته الرئاسية

انا عارف انهم مش اقل وطنية منى وانهم بيحبوا البلد دى مثلى وبيتمنولها الخير وهم خايفين عليها زى برضه

دلوقتى انتوا بتقولوا ان التنازلات دى اللى اخدناها من مبارك كافية عشان نصمت لغاية انتهاء مدته
طب ازاى اصدق واحد زى دا بعد اللى عمله فينا
اطلاق صراح المساجين والمسجلين خطر فى وجه الشعب وتزايد دور الاعلام المصرى لزيادة ارهاب الشعب بمدى الخطورة حتى يقضى على هذه الثورة

استئجار البلطجية للتأييد ومسكتوش على كدا وسايبينهم يهاجموا المعارضين للحكم ودلوقتى اصبح قتالا مريرا بين الطرفين الخاسر فيها هى مصر

من الذى بيده القرار لمجئ هولاء البلطجية الشباب ام مبارك

من الذى يعرف نتائج مثل هذه المواجهات وقرر ان يستمر فيها الشباب ام مبارك

مبارك الان يضحى بشعبه من اجل البقاء فى الحكم

مبارك فى خطابه امس لم يذكر اى شئ سوى القليل ولم يخبرنا عن اى شئ مثل قانون الطوارئ مثل تعيين ابنه خليفة له مما يدل على سوء نيته والالتفاف حول الثورة ليقضى عليها

بدأ فى خطابه بان هذه الثورة مدعومة بقوى سياسية تريد القضاء على الوطن مع العلم ان الكل يعلم ان هذه المظارة شعبية خالصة لم يقفز عليها احد

على فكرة قرار اطلاق سراح السجناء لا يستطيع ان يتخذه حبيب العادلى منفردا بل يجب ان يكون بقرار رئاسى ( منقول من المصرى اليوم)

وبعدين بالنسبة انه يقعد لبقية مدته عشان مينفعش يخرج متهان ويبان انه رجل مطرود خاصة بعد نصر اكتوبر

اولا اللى عمل نصر اكتوبر بعد ربنا طبعا هو السادات وليس مبارك
ومبارك طول فترة رئاسته وهو صاحب الضربة الجوية الاولى مبيكرم بكدا واحنا مقولناش حاجة

بس مش عايزين نخلط الامور ببعضها اكتوبر دى نقطة وادارته لامور البلد دى نقطة تانية وطوال الثلاثون عاما لم نر منه خيرا
بل يزداد حال البلد من سئ الى اسوأ واخيرا انتهى المطاف بانتخابات مزورة كلية والاطاحة بكل المعارضة حتى يهيئ لوريثه الشرعى من ان يمسك بأمور البلد

وفى حاجة كمان هو قال فى خطابه ان المحكمة حتنظر فى الطعون المقدمة ضد الاعضاء فى المجلس ولم يقل بحل المجلس يعنى ممكن نلاقى قرار المحكمة - مش مستبعد- انها تنجح الناس الموالين للنظام

وفى الاخر يطلع المجلس رسمى ويستمر حال البلد ويمشى هو ويجيب ابنه عشان يكمل هذه المهزلة

ازاى بعد ماالثورة حققت كل هذه النجاحات نتركها كده تخمد ودم اللى ماتوا فيها كده يروح هدر بدون ثمن

ياريت متنسوش ان احنا كلنا كشعب سهرنا تحت بيوتنا عشان نحميها من بلطجية النظام فى وقت كل كبارات وحرامية البلد والامن هربوا منها وسابونا لوحدنا لكن نجحنا فيها

وبعد كل دا لسه ممكن نصدقه انه ممكن يمشى ويسيب البلد

30 سنة من الوعود الجوفاء وحيصدق المرة دى!!!!!!!!!!!!!!!!

عمركوا شفتوا الثعلب اتقلب بقى عصفورة؟؟؟!!!!!!!!