جروب خالد سعيد جروب صهيونى يهدف الى خلخلة النظام فى مصر

**AHMED1718** · 02-02-2011 01:19 PM

فعلا يارجالة حرام بجد نستمع لمثل هؤالاء الصهاينة اللى بيستغلو طيبة شعبنا

ياجماعة انا عمرى مكنت سياسي علشان متفتكروش انى جاي اأيد حزب معين

انا ولا معارض ولا مؤيد

انا مؤيد لحاجة واحدة متفق عليها من المثقفين والناس المتعلمة وهيا مصلحة بلدنا

مبارك ده لو خاين زى مبيقولو فعلا كان سابها ومشى بس والله العظيم الراجل ده ليه الجنة ده مستحمل قسوة

شعب فى مقابل مصلحة وطن

احنا عايزين ايه اكتر من اللى قدمه خلونا واقعيين و حتى لو فيه قصور مفيش نظام كامل ف اى دولة واحنا بدأنا على او الطريق

بخصوص بقا الجروبات اللى على الفيس بوك

اول حاجة الناس دى مش موجودة ف مصر نظرا لقدرتهم على الولوج للانترنت ايام مكانش فيه ف مصر

الناس دى كل اللى عليهم تسخين الشعب

زيها زي بالظبط قناة الجزيرة اللى بتركز اشد التركيز على الناس اللى اتضربت من اسبوع واول يوم مظاهرات

دلوقتى بعد خطاب الريس امس قامو ببث فيديوهات قديمة قبل الخطاب ترفض وجود مبارك

ياترى مصلحتها ايه ولمين

تانى حاجة مجنانى

البرادعى واللى جاى يحط نفسه مثل اعلى لينا وعايز يرشح الراجل ده انا كارهه وده عمره مينفع يبقا رئيسنا لان مفيس رئيس بيصطاد ف الميا العكره

وزويل اللى كان ممنوع من دخول مصر خوفا على حياته مع احترامى ليه بس انتا جاى دلوقتى ليه

ياجماعا ابعدو عن المنتيات وحافظو على بلدنا

واخيرا عمر اللى جاى مهيبقا اسوء من اللى فات ادوه فرصة حرام عليكو اللى بيحصل فينا ده

تزكروا أمجاده متفكروش ف المساوىء فقط

**الطنطاوي** · 02-02-2011 01:35 PM

بلاش شغل العاطفة ده

الظاهر ان ال 30 سنة عملوا عشرة كبيرة عندنا

**remomemo** · 02-02-2011 01:39 PM

فيه ايه بجد ايه الحنان اللى نازل علينا ده تجاه راجل قاتل ومنافق ده حتى ما بعتش اى واحد من عصابته يعزو الناس فى اولادهم اللى اتقتلو
مش ده اللى قطعو قلبنا على حفيده لما مات طب يحاول استرضاء الناس حتى بواجب العزاء
لا خطاب فى قدر كبير من الخداع وكمان التكبر
هرانا انا خدمت الوطن حربا وسلاما بقالنا 30 سنى بيعايرنا بالضربة الجوية لما صدعنا

**النوبي** · 02-02-2011 01:44 PM

المشاركة الأصلية كتبت بواسطة الطنطاوي

بلاش شغل العاطفة ده

الظاهر ان ال 30 سنة عملوا عشرة كبيرة عندنا

هههههههههههههههههههههه
اه والله عندك حق تخيل كده لو كان مشي كنت هحس ان فيه حاجه ناقصه
بس مش اي حاجه لا ده قفص حديد محاوطني من كل حته
ده ايه الراجل اللزقه ده
تخيل كده
ناس تموت بسببه وباوامره وليه الجنه
ناس تسرقنا وتنهبنا ويبقي ليه الجنه
عايز يخلد في الحكم هو وابنه وليه الجنه
علي النعمه انا بتحسر علي الناس اللي ماتت فطيس بسبب ان واحد وخداه الوطنيه وجاي يقولي الريس ليه الجنه
واحنا ايه بقي كلاب ده احنا لو كلاب بجد وعمل ربع اللي عمله مش هيشم ريحه الجنه
دي واحده دخلت النار في قطه
واولا واخيرا لانحسبه من الاخيار ولا من الكفار بل حسابه عند الواحد القهار

**dr.amr** · 02-02-2011 01:48 PM

المشاركة الأصلية كتبت بواسطة نور القمر

مباركلو مشي دلوقت امريكا هتفرض علينا احد عملاءها وغالبا هيكون البرادعي وهنكون نسخة تانية من العراق
ايه المشكلة لو قعد الكام شهر الفاضلين
انا مستبشرة خير في احمد شفيق
لو كنتم شوفتوه امبارح في العاشرة مساء كنتم حسيتم بالامل في مصر

بغض النظر عن انه قعد يستظرف نفسه كتير امبارح

وقعد يعاكس من الشاذلي

ويديها محاضره في السابوتاج

بس انا فعلا مستبشر به خيرا

اللي شوفته في مطارات مصر وطائراتها يقول ان الراجل ده بيشتغل فعلا وعايز يخدم بلده

حتي لو بيطلع لنفسه فلوس كتير بس بصراحه مطارتنا بقت عالميه

ولسه لم ينتهي العمل فيها

بعيدا عن اني مش طايق مبارك

لكن اتمني استمرار احمد شفيق

واتمني استبعاد الفقي وسامح فهمي والست عائشه عبد الهادي

**mobitic** · 02-02-2011 01:50 PM

المشاركة الأصلية كتبت بواسطة النوبي

هههههههههههههههههههههه
اه والله عندك حق تخيل كده لو كان مشي كنت هحس ان فيه حاجه ناقصه
بس مش اي حاجه لا ده قفص حديد محاوطني من كل حته
ده ايه الراجل اللزقه ده
تخيل كده
ناس تموت بسببه وباوامره وليه الجنه
ناس تسرقنا وتنهبنا ويبقي ليه الجنه
عايز يخلد في الحكم هو وابنه وليه الجنه
علي النعمه انا بتحسر علي الناس اللي ماتت فطيس بسبب ان واحد وخداه الوطنيه وجاي يقولي الريس ليه الجنه
واحنا ايه بقي كلاب ده احنا لو كلاب بجد وعمل ربع اللي عمله مش هيشم ريحه الجنه
دي واحده دخلت النار في قطه
واولا واخيرا لانحسبه من الاخيار ولا من الكفار بل حسابه عند الواحد القهار

**zaza_lanos** · 02-02-2011 01:53 PM

المشاركة الأصلية كتبت بواسطة dr.amr

مبارك مش عايز يمشي علشان خايف علي نفسه

مش عايز الانتربول يطارده

بيفكرنى بحركة عبدالناصر والتنحى
انا ممكن انزل مظاهرة تايد لو الكلام ده نابع منه
مش مستنى حد يكتبهوله

-

-

الموضوع: جروب خالد سعيد جروب صهيونى يهدف الى خلخلة النظام فى مصر

LinkBack

أدوات الموضوع

عرض

جروب خالد سعيد جروب صهيونى يهدف الى خلخلة النظام فى مصر - انشر الموضوع فى :

-

-

-

-

-

-

المواضيع المتشابهه

جروب لفيات 127

البرجسي جروب

عرض من يونايتد جروب

جروب اسكندريه

جروب لينا علي فيس بوك

الكلمات الدلالية لهذا الموضوع

المفضلات

المفضلات

ضوابط المشاركة