+ حل مجلس الشعب والشورى
محاكمة حبيب العادلي واحمد عز
القضاء على مراكز القوى (صفوت الشريف - زكريا عزمي + ........)
الإعتراف بحدوث خياااانه من الشرطه وتوضيح من المتسبب فيها ومحاكمته
عرض للطباعة
يا جماعه لو سمحتوا اتجمعوا في موضوع واحد عشان نسمع بعض ونوصل لحل عملي
http://www.nilemotors.net/Nile/199177-a.html
إذا أردت أن تطمئن للحياة فأقطع رأس الحية لا ذيلها
طب وهيعدلوا الدستور ازاي وهما فاسدين؟
المطلب بتاع العادلي لو كان هو بادر بيه كان ناس كتير هديت صعب انه يتأجل
المطلب الأخير المقصود مش بس الأوامر بقتل المتظاهرين
مقصود بيه من المتسبب في احراق السجون وخروج البلطجيه وتسليحهم
واختفاء الأمن بكل طوائفه وانتشار الحرائق في كل مكان
دماء المئات إلي راحوا دوول ..في رقبة مين
وإلي قتلهم يأحمد
كان بيدافع عن مين؟؟؟؟وضربهم بأمر مين؟؟؟؟؟؟؟
ولله الأمـــــــــــر
سؤال بسيط ياجماعة ...
هل برحيل مبارك ترحل معة جميع ازمات ومشاكل مصر حتى نعلق الحل على شماعة رحيل مبارك ؟؟
هل لتغيير نظام بلد تستطيع بظغطة زر هدم كل شئ وبظغطة زر اخر تشيد كل ماهو جميل فى البلد ؟؟
هل السياسة هى فرض الرأى وعدم سماع الرأى الاخر .... اذا كان احد اهم اسباب المظاهرات عدم الاستماع لمطالب الشباب والتحاور معهم اذن لما تيجى الفرصة اننا نتكلم ونتسمع لا نرفض الحوار بدورنا بل بالعكس نسعى لة للوصول لمقترحات وحلول مرضية .
لو مبارك تنحى النهاردة .. تشوف ازاى الفترة اللى جاية لحين تعيين رئيس اخر ازاى فى بلد الحياة فيها واقفة من اكتر من اسبوع وفى ظل وجود احزاب منقسمة تتصارع لأخذ قطعة من التورتة ؟؟
مين ترشح خلفا لمبارك ؟؟
اعتقد قبل اى حاجة نجاوب على الاسئلة دى وبعدين نقرر نعمل اية مع ملاحظة ان الفتنة الداخلية اشد من الحروب واعتقد العراق خير دليل
ملحوظة انا غير مؤيد للنظام ولكن مؤيد لاستقرار البلد ... النظام كأى نظام فى الدنيا لة مساوؤة ومميزاتة وان كانت المساوئ طاغية فى الفترة الاخيرة ولكن وصلنا لمرحلة لابد من استخدام العقل والتحاور
الي كل من يقول يرحل مبارك الان ويتولي عمر سليمان .....دستوريا
اللي يتولي حكم البلاد بعد استقاله او اقاله او موت الرئيس هو رئيس مجلس الشعب
ويدعو لانتخابات رئاسيه خلال 50 يوم........
واخدين بالكو .......ساعتها حيتم ترشيح الرئيس بناء علي الفقره 74 في الدستور
الي كلنا بنصوت وعايزين نغيرها.....مش بس هيا لا الدستور كله......
يعني من الاخر لما حنمشي حسني دلوقتي حندي شرعيه لكن الاشياء الخطأ اللي احنا موحلين بسببها بقالنا سنيين
وساعتها الحزب الوطني حيرشح واحد اسوء منه وحينجح بفضل الماده88
حتقولو نلغي الدستور
قانونا للالغاء الدستور لازم قرار جمهوري من رئيس الجمهوريه
وحل مجلس الشعب قرار جمهوري لرئيس الجمهوريه
من الاخر ....دخلنا في متاهه الفرخه ولا البيضه
..........................
منكم حيقول طب يعمل حكومه ائتلافيه
الكلام ده لما يكون في ائتلاف اصلا
الناس اللي علي الساحه السياسيه كلهم ميسوش حاجه وميفرقوش عن مبارك شئ
.......................
منكم حيقول طز فيهم كلهم كله يمشي ونعمل كل حاجه من الاول....حقوله كلامك فعلا هو الصح لازم كل شى يتعدل ..الرئيس ...الحكومه ...الدستور ....النظام كاملا
بس للاسف بلد زي مصر بكل المتربصين بيها من بره ....ولكن المنتفعين بيها من الداخل .....حينهب ويخرب ويبهدل فيها وفي ناسها ...قبل من حقق اي شئ .....
لو كان فيه احزاب قويه في البلد الواحد يعرف اهدافهم وتوجهاتهم ....كان الواحد تقدم لهذه الخطوه بلا تفكير
البردعي.....اللي يشوف تاريخه في الطاقه الذريه واللي عمله في العراق وباكستان ......وانه كان تحت يد الامريكان ....يلطم لو وحيقول ماسخم من ستي الا سيدي
حزب الوفد اللي بلاتفاق مع الحزب الوطني سحب مرشحيه امام مرشحي الوطني ......لا يستحق اي احترام
الاخوان ...اللي لحد الان كل يوم براي في هذا الموضوع بالذات يجعلك تتسأل حيديرو البلد ازاي
والباقي لم يقدر ان يقنع معظم الشعب
رجاااااااااااء حار من ام واخت لكم ......... فرحت ودعت للشباب انه يقدر يغير حكمو عقلكو لكي نخرج من هذه المرحله بكل مكاسبها
فرحت لما اخير نطقها وقال انا ماشي
والي كل من يشكك انه مش حيعمل حاجه وان وعوده كلها معملهاش
حقوله قبل كده هو كان بيتكلم ومبيسمعش الشعب
دلوقتي هو وعد بعد ما الشعب اجبره علي هذه الخطوه.....مش بمزاجه هو وحزبه
وان معملش ميدان التحرير وكل ميداين مصر موجوده
واللي بيقول اللي الشعب مش حيقوم تاني.......حقوله بعد اللي حصل اليومين اللي فاتو
الشباب اللي في التحرير واللي في اللجان الشعبيه عند كل شارع اللي مينفعش بعد كده نقول عليه ميقدرش يعمل حاجه