عاوز افهم ازاي هعمل الرخصة ؟!!

**SNIPER_333** · 01-04-2008 10:11 PM

دلوقتي ياباشا في واحد عاوز يبيع عربيته لواحد
بس الرخصة باسم ورثة فلان فلان ( اللي هوا ابو الشخص البائع )
+ بنفس الوقت هينقل مكان المرور من مكان لآخر + يجدد الرخصة ويثبت الموتور علي الرخصة لأنه استيراد مستعمل !

المهم انه الحمد لله عمل الحوارات دي بس الرخصة طالعة بالاسم القديم للمالك بتاعها ..(ورثة فلان .)
يعني الرخصة طالعة

والسؤال هو
ايه اللي ناقص عشان تتحول اسم الرخصة من ورثة فلان .. الي اسم المشتري ؟

في ناس بتقول حاجات بس مش واضحة اوي عن الشهر العقاري / مبايعة / وووو
وفي ناس تانية بتقولك لالالا اسال محامي وحوارات
وبصراحة انا جالي حول

ان شاء الله ازاي ننقل الملكية وبعديها تغير الرخصة وهل يستلزم فحص ولا لأ؟.
ياريت اللي عنده خبرة ومعلومات يفيدنا ... وجزاه الله كل خير

**Nader** · 01-04-2008 10:20 PM

الورثة هيعملوا توكيل لواحد فيهم وهو الي

هينقل الملكية للمشتري الجديد .... او تلم الورثة

كلهم ويروحوا الشهر العقاري يمضوا واحد واحد

طبعاً حل غير عملي.

بعدين تاخد العقد من الشهر العقاري تروح على قسم

المرور الذي يتبع سكنك وترخص.

بالنسبة للفحص فهتلاقي تاريخ الفحص مكتوب على

الرخصة القديمة بس لو هتنقل ملكية هتفحص.

**Nader** · 01-04-2008 10:38 PM

لو هتنقل باسمك يبقى هترخص وتنقل ملكية

او الراجل يعمل لك توكيل بيع للنفس وللغير

التوكيل دة بيكون غير قابل للالغاء من قبل

البائع وتمشي بالتوكيل والرخصة القديمة

لو الرخصة لسة سارية وانت مش عاوز تفحص

دلوقتي.

هو في حاجة تانية كمان انك ممكن تسجل بس

متمضيش كمشتري في العقد وبالتالي تقدر

تمشي بالعقد والرخصة القديمة، يعني هتكون

مسجل في الشهر العقاري بس مش مرخص العربية

باسمك.

غير كدة لو هترخص يبقى هتفحص.

**جمال** · 02-04-2008 01:38 AM

طالما هتنقل ملكية وتطلع الرخصة باسمك يبقى لازم تفحص حتى لو السيارة لسه فاحصة امبارح

**جمال** · 02-04-2008 02:42 AM

ممكن يسجل فى عدم وجودك وفى الحالة دى بتاخد عقد البيع المسجل و تمشى بيه لحد اول تجديد وتفحص وتجدد باسمك
لو رحت معاه ووقعت مشترى يبقى لازم تنقل ملكية فى خلال فترة معينة ( اعتقد شهر )

**SNIPER_333** · 02-04-2008 03:04 AM

يارب استر ... هو الراجل شغاللي في متقلقتش وانها بتاعته هو ووو
ادعولي يا اخواننا تخلص علي خير عشان انا علي اخري خصوصا انه بيركنها تحت قريب من بيتي فصباح الاستفزاز :d