إتقوا اللــــــــــــــــــــــ ه يا مصريين

**som3aa** · 03-02-2011 01:37 AM

مشكلة مصر الحقيقية ان فيها جهلة كتير و متعصبين و بيضروا نفسهم قبل غيرهم من غير علم بجهلهم دا
و المشكلة الاهم انهم عايزين كل حاجة تجيلهم لحد عندهم ببلاش و منغير اى تعب او مجهود و عايزين كل حاجة منغير اى تضحية و لا كمان يصدقوا اى حاجة تتقالهم و سهل يضحك عليهم !!!!!!!

انا فى رايى مصر مستحيل تتقدم طول ما فيها كل العدد دا من الجهلة و عدد كبير جدا من الاميين اللى باى كلمة او فلوس تضحك عليهم

**Abomar77** · 03-02-2011 01:38 AM

حسبي الله ونعم الوكيل ....

اللهم أهلك الظالمين بالظالمين وأخرجنا منهم سالمين

**Ayman-Ahmed** · 03-02-2011 01:40 AM

المشاركة الأصلية كتبت بواسطة abomar77

حسبي الله ونعم الوكيل ....

اللهم أهلك الظالمين بالظالمين وأخرجنا منهم سالمين

اللهم امين ويارب لا تحاسبنا بما فعل ويفعل السفهاء وازح الغمة يا الله واظهر نور الحق واعدل بيننا وبينهم يارب واجعلنا من عبادك الصالحين

**م.احمد زكريا** · 03-02-2011 01:41 AM

انه زمن الفتنة
الهم اخرجنا منها بسلام يا رب

**amrelsaqqa** · 03-02-2011 01:51 AM

ايه المشكلة ما هى امريكا مليانة جهلة

المهم القيادة ويبقى فيه عدد لا بأس به من العقلاء والحكماء

**som3aa** · 03-02-2011 02:00 AM

ايه المشكلة ما هى امريكا مليانة جهلة

المهم القيادة ويبقى فيه عدد لا بأس به من العقلاء والحكماء

ممكن برده بس فى امريكا فى نظام الكل ماشى عليه و برده الجهل دا بيعمل مشاكل ليهم , بس انا شايف ان فى امريكا اللى عايز حاجة بيضحى و يتعب علشانها مش بيقول عايزها تجيلى لحد عندى و يبقى مش عايز يضحى شوية علشان يجيله اللى هو عايزه

**cayman69300** · 03-02-2011 02:44 AM

فعلا العنوان ممكن يكون غريب شوية
بس دى الحقيقة
انا مش هقول الكلام الفارغ بتاع ( اللى اعرفة احسن من اللى معرفوش - دة شبع و خلاص لكن الجديد لسة هياكل ............................. كل الكلام دة هرتلة )
انا مش متفق مع سياية الريس ........... لية ؟
عدم معرفته ( دة لو كان صح ) بما يحدث فى البلد و تقديم اللى حواليه تقارير مخالفة لا ينفى مسئوليته عن الخطا
يعنى بالبلدى هو لو عارف ان البلد خربانة فطبعا دى مشكلة و هو لازم يتحاسب عليها و لو مش عارف ان البلد خربانة فدى مشكلة اكبر لانة الريس و مش عارف الناس اللى تحتية بتعمل اية
بس الحكاية عايزة اتزان & مش تربسة دماغ و لازم يرحل لازم ينزل
الحكاية مش كدة
لو مشى اية اللى هيحصل
1- لا تغيير للدستور
2 - لا تغيير فى مجالس الشعب
3 - لا تغيير فى مجلس الشورى
4 - الاسراع فى اختيار حكومة انتقالية ( ستتحول الى حكومة انهازية تلحق تكبش اللى هى عايزاه قبل الانتخابات الحقيقية
)
5 - ضعف جبهة مصر بصورة عالية جدا مما سيسمح للاعداء انهم يفحتونا ( اسرائيل & قطر & امريكا او اى دولة بنت ستين فى سبعين )
6 - انهيار الدولة بدون قومة ( كورسات ادارة الاعمال " قاعدة " اى تغيير جذرى فى اى منظومة فى وقت قصير == انهيار )
فابراحة كدة و نفكر شوية شوية
و كمان عايزين نخلى الريس يكر لينا اسماء ولاد الكلب اللى احنا عارفينهم و نلم الفلوس و القصور اللى ضربوا عليها عوافى
مش كدة يا رجالة
لكن رئيس جمهورية جديد و نائب جديد و رئيس وزارة جديد و 14 وزير جديد و مجلس شعب جديد و مجلس شورى جديد و بالمرة شعب جديد علشان نبقى طقم جديد كلنا
هدوء لو سمحتم
و فى الاخر اقسم بالله العلى العظيم و حياه اولادى انا لست ضمن اى سياسة فى البلد و مليش فى الكلام دة

**al_manara** · 03-02-2011 02:49 AM

الشعب يذبح الان

رجاء من اخواني قرائة السطور بتفكر وتأنيِ والتفكير في شعب عددة حوالي 85 مليون (كم عدد الذين يعيشون حياة كريمة)
وهنا ساطرح بعض الاسئلة واترك الاجابات لكم

اولا
الخسائر هي من تولد الثورة لا الثورة تنتج الخسائر
فخسارة الانسانية تشعل ثورة
وخسارة الكرامة تشعل ثورة
وخسارة المواطنة والوطن تشعل ثورة

ثانيا
اين حق الشعب في الحياة ؟
اين التطلع لغد افضل ؟

ثالثا
ثلاثون عاما مضت اي 10950 يوم
ماذا حققت لنا الحكومة في السنين الماضية ؟
ما هي مكانة مصر من حيث الخدمات والتعليم والبحث العلمي ؟
ما هو حق المواطن ؟
ما مستقبل شبابنا واولادنا ؟
اين نحن في عصر العلم ؟
كم كانت ديون مصر الخارجية من 30 عاما والان كم هي ؟
اين حق العامل والمهندس والطبيب والعالم والمحامي والمحاسب وكل المهن الحرة في كلا من (علي سبيل المثال)
1- الصحة
2- التعليم
3- المواصلات
4- الخدمات المقدمة للمواطنين
5- الطرق والكباري
6- الاسكان
7- المرافق (الماء والكهرباء والغاز والتليفون )
8- البنية التحتية
9- المرور
10 - .................................................. .......

رابعا

ماذا قدمت لنا الحكومة من يوم 25 يناير ؟ اي علي مدار 8 ايام ؟
هل احترمت رغبات الشارع المصري ؟
هل احترمت دماء الشهداء ؟
هل احترمت الاسرة المصرية ؟
هل احترمت الشارع السياسي ؟
هل احترمت الحرية والتعبير عن الراى ؟
هل احترمت المطالب المشروعة كما اقر الجميع ؟
هل احترمت العلماء ورجال الدين والمثقفين ؟

هل احترمت ......؟ هل احترمت ............؟ هل احترمت ............؟

اقسم بالله ان قلبي يتوجع واشعر بألم شديد واسال الله ان يعيننا علي الصبر
ولا يستطيع لساني ولا يدي التحدث ولاكن
اليكم الواقع
صورتين فقط هي التي تتحدث

**ahmad--ezzat** · 03-02-2011 02:58 AM

انت مهذب جدا....

ان فرعون وهامان وجنودهما كانوا خاطئين....سوره القصص....وسبحان الله منطبقه تماما مع الطاغيه اللى بيحكمنا.....لازم يمشى...ولازم الحكومه تتغير مينفعش فروعون يقعد ويغير اللى تحتيه..... كفايا زل وهوان للشعب المصرى

كلامك كان ممكن يبقى صح من 10 او 15 سنه

انما دلوقتى لا والف لا

-

الموضوع: إتقوا اللــــــــــــــــــــــ ه يا مصريين

LinkBack

أدوات الموضوع

عرض

-

-

-

انا مش بحب سياسة الريس بس عايزه يقعد -

ردا علي بعض اخواني الاعضاء بما يحدث في مصر -

-

المواضيع المتشابهه

المحمول سبب 25% من حوادث السيارات .... إتقوا الله

كلنا مصريين

يا مصريين .. يا عاااااالم : هما دول المصريين

هما الايطاليين اصلهم مصريين ؟؟

الكلمات الدلالية لهذا الموضوع

المفضلات

المفضلات

ضوابط المشاركة