يااخوانى فى الله واعضاء نايل موتورز الكرام
انا مش عاوز الناس تنسى ان مصر بتقع دلوقتى مبقاش موضوع رئيس يمشى لا دة خراب مستعجل وطال كل الناس يا جماعة انا شفت ناس مش فاهمة هى واقفة لية فى ميدان التحرير وشفت ناس واقفة علشان واخدة فلوس ويحسبو على
المتظاهرين وناس عاوزة تستغل الظروف وتبدا تولع الدنيا واخرين يريدون التغيير بمطالب لاحزاب معارضة واستغلال الوضع الراهن --- وحركة الشباب المصرى الامين اللى عندة ولاء وكرامة ونزل طالب بالتغيير اول يوم واستجابلة السيد الرئيس محمد حسنى مبارك
وانا بقول صوت العقل بينادى هذة الايام بان مصر اهم استقرارها وامانها فى الوضع الراهن بل اهم من مطالب شعب قد بدا فعلا بالبدا بتحقيقها ---- فلن يفيدنى خراب ولا احتلال يدب ارض مصر
يا اخوانى فى الله انا عاوز الناس تفوق للنقطة كويس كفاية اننا بقينا عايشين فى خوف وذهب الامان وربنا يستر ومفيش حاجة تانية نفتقدها ايضا عاوز الناس تفهم هى عاوزة اية وتفوق للوضع الحالى وتبص للوضع ككل بنظرة اوسع وتحكم عقلها وضميرها
خالصة لله سبحانة وتعالى وبعد دة تشوف اية الاولويات وتبدا تعمل بيها وانا بقول ان ميدان التحرير موجود مش ماشى لازم يكون وايضا وفقا للدستور قضاء فترة الحكم وعيب نبان ان مفيش ولاء حتى بعد خطاب الرئيس محمد حسنى مبارك ونطلب برحيل او مش رحيل
الرئيس بلدة مصر وسوف يظل ويموت فى ارض وطنا الحبيب والخطاب كان واضح وصريح وفى نقاط بتتحقق بسرعة فائقة ولن يفيدنا الاستعجال لان المتضرر الشعب المصرى باكملة 85.000.000 فرد وليس 200.000 او 1000.000
حتى مش دول الشعب المصرى كلة ولايحكمو بصوت شعب مصر باكملة انا برفض دة ياريت نفوق قبل ما يحدث ازمة سياسية والبلد تقع وتباعا كل البلاد العربية حتقع وحيبقى السبب فى دة المظاهرات !!! ومطلب اخر الوزير حبيب
العادلى قد اوجد مشاكل وادى بذلك الى الوضع الحالى والنظام الان قد تغير والحياة بدات تعود لاستقرارها بارجو منكم الاكمال فى حركات ايجابية واراء بنائة مفيدة لاستقرار وامن هذا الوطن وشكرا
المفضلات