اقتباس:
المشاركة الأصلية كتبت بواسطة ghazy12
يستنى حتى نهاية فترته الرئاسيه, و يرحل تماماً بعدها, و ده لاسباب...
1- الدستور فيه ثغرات و اخطاء فاااااادحه و للاسف الراجل ده لو تنحى
مش هنعرف نغير الدستور إلا بعد تولي رئيس آخر منصب الرئاسه,
و الرئيس الجديد لازم يكون متفصل على القوانين اللي احنا اصلاً رافضينها
في الدستور للاسف و ده لان الدستور لم يتم تغييره او تغيير القوانين
اللي عليها التركسز الاكبر و المتعلقه بمن يصلح للترشح للرئاسه, و الفتره
الرئاسيه, و الاشراف القضائي... المواد 76 و 77 و 88 (دول الاهم)
لكن ده لا يمنع ان فيه مصااااااايب تانيه في الدستور و تناقضات للاسف...
2- حل مجلس الشعب و الشورى من سلطات رئيس الجمهوريه فقط
يعني مش هنقدر نحلهم, يبقى وجوده مهم لكده...
و انا شايف في موضوع المجلس ده ان فيه نوع من انواع المماطله
و نشر المعلومات الغلط (او معلومه من طرف واحد) و هو الطرف
اللي على هواهم للاسف و هي دي الجمله الشهيره جدااا اللي بيرددوها..
هنعدل الدستور ازاي لو حلينا مجلس الشعب..!!؟؟؟ الناس خافت و قالت صح
طيب يا جماعة الخير لو تم النظر في الطعون هياخد وقت مش قليل
و من بعده لو تم قبول الطعن و ثبات التزوير في اغلب الطعون المقدمه
هيتم حل المجلس و اعادة الانتخابات تاني, و ده هياخد بحد ادنى اسبوعين
و من بعده تقديم مواد الدستور اللي عايزيين نغيرها و يتم اقرارها خلال
70 يوم تقريباً, و ده بعد دراستها و خلافه...
طيب ما يحل المجلس اسهل و يخلصنا من غير لا محاكم و لا طعون,
و يعيد الانتخابات تاني, و كده يبقى كسب وقت..!!! ليه المماطله..؟؟
3- عدم حدوث فوضى سياسيه و صدامات بين الاحزاب و التيارات المعارضه
المختلفه و ده هيحصل هيحصل لو الراجل ده تنحى دلوقتي للاسف,
و هنلاقي التخبط و التناقد و الصدامات لا حصر لها و تكاد تكون السيطره
عليها مستحيله, و هيكون فيه مصاااااااايب سوده كتييييير احنا في غنى عنها
في النهايه انا من الناس اللي هموت و اسمع خطاب تنحى مبارك,
لكن الصالح العام و المنطق و العقل و الواقع بيقولوا انه يستنى حتى نهاية
فترته الرئاسيه افضل للجميع مع الالتزام بتنفيذ المطالب و الاصلاحات...
ده رأي بشكل عام, و اتمنى اشوف عهد جديد لرئيس جديد في مصر
علشان انا كنت فاقد الامل في البلد و في التغيير و في الاصلاح بصراحه...
تحيـــاتي...
هوه ده الكلام الصح يا ريت الكلام ده يوصل للناس كلها الى عاوزينه يمشى دلوقتى قبل بكره و حتلى لو مشى من بكرة كده كده الحاجات الى هما عاوزنها تتعدل مش هتتعدل دلوقتى لازم هتعد 6 شهور حتى ييجى معاد نهايه الولايه و ييجى رئيس جديد فللصالح العام كده كده مش هتاخدو الى انتو عاوزينو دلوقتى فسيبوه يعد فترته و بعدين يمشى
و بصراحه الراجل ظبط لغايه دلوقتى حاجات كتييير و غير ناس كتييير من كام سنه اما سمعنا عن عمر سليمان قولنا ده راجل كفاااءه يا ريت يمسك مصر و دلوقتى اما ظهر اسمو بتقولو لا مش عاوزينو و كتيير من ده
للصالح العام و مظهرنا امام العالم عشان ميقولوش دى الناس عملت مظاهرة اطاحت بالرئيس فورا
خليهم يقولو عملنا مظاهرة ادت الى استقاله الحكومه و تعيين حكومه جديده و قام الرئيس ببعض التعديلات فى النظام و من ثم انهى ولايته بسلام
مش كده و لا انا غلطان