يخرب بيت الكفرة يا جدع
هوا عند وخلاص بنقول الراجل هيبقى على المعاش وهيغور في داهية إنتوا إيه الساعة عندكوا وقفت
عرض للطباعة
يا استاذ من حق ناس تقبل الخطاب و من حق ناس ترفضة
بس المذبحة اللى حصلت امبارح 5 قتلى و 1000 جريح و الفجر 5 من رصاص حى
يدل على ان النظام متغيرش
و بعدين مش فاهم عناد وكبر من المتظاهرين طيب ماشى خلى الريس هو الكبير و بكلمة واحدة ينقذ مصر من حرب اهلية
كلمة واحدة - يمشى باة
مش مهم مين هيقنع مين
المهم مين هيخسر ومين هيكسب البلد هتتخرب ومحدش هيقنع حد بعد كده على حاجة سنلجأ لقتل بعضنا بعضً وليس إقناع بعضنا بعضاً
ولا أحد في يديه أن يقنع أحد الآن
وبعدين إنتا مش بتتكلم على واحد
حسني مش لوحده
حسني وراه جيش
ليس ضدك وليس ضده
لو هنتكلم على العدد
أكيد إلي كانوا متظاهرين قبل ما يقلوا حالياً مكانوش بالعدد الكافي إلي يخليهم في كفة الميزان مع الجيش كلة
الرئيس بكلمة منة ينقذ البلد
كلمة واحدة
و مع ذلك مش عايز يقولها تفتكر لية
اة عشان يمشى بعد 6 شهور
طيب الراجل قعد 30 سنة - يعتبرهم رصيد اجازات و يطلع يصيف برة
يرحمنا
عايز تقول المتظاهربن غلطانين - ماشى نفرض - يسيب البلد تولع عشان العند
كان هينتهي من الأول لو اظهر اي نوايا حسنه في خطابه
كان هينتهي لو ما حصلتش مذبحة كوبري قصر النيل يوم 28
كان هينتهي لو حاكم حبيب العادلي والمقصرين محاكمه عادله
على الخيانه الأمنيه اللي حدثت واللي بوصف احد أعضاء الحزب الوطني
أشبه بالنكسه
هو ليه النت رجع دلوقتي بس
علشان الإنقسام اللي احنا فيه ده
هي الفوضى دي اللي عملها المتظاهرين ولا الحزب الحاكم
والفوضى موجوده واحنا في عهده ولا في عهد غيره
الموضوع هينتهي برحيله وبمحاسبة المقصرين
لازم محاسبة المقصرين الأول
علشان يبتدوا يثقوا ان في حد بيحترم عقولهم
ده حتى ما اعتذرش عن الشهداء ولا عن الخلل الأمني اللي حصل
الناطق العسكري اعلن ان النيابة العسكرية بتحقق في الاحداث اللى بدات يوم 28 يناير ورئيس الوزارة اعلن حالا ان التحقيق سيشملما حدث بالامس
ياسارة هل كل شئ هايحصل في لحظة ؟؟؟؟؟؟؟؟
رئيس الوزارة بيقول انا لسة داخل مكتبي النهاردة يعين الراجل لسة مش عارف يبدا شغله وقبل ما يدخل كان في حوار مع ممثلين عن المعارضة ايه المطلوب تاني حالا؟
يا جماعة كل حاجة لازم تاخد وقت مش هاننام ونصحي نلاقي كل حاجة اتعملت
وهو وقادة الحزب الوطني مسؤلين عن كل ما جري ولكن هل سيتم عمل كل شئ في لحظة ؟
مبدئيا انسي ان الجيش يوافق انه يتحاكم او يتعدم الا في حالة واحدة فقط هي حدوث انقلاب ام غير ذلك فلن يحدث ابدا لانه القائد الاعلى للقوات المسلحة
المطلوب دلوقتى نهدا 6 شهور ونشوف ايه اللى هايحصل فيهم والله اتعملت التعديلات المطلوبة في كل المجالات هايبقي فيه انتخابات ديمقراطية كل واحد يختار اللى هو عايزه وربنا يستر علينا محصلش يبقي فيه ميدان التحرير تاني والمرة دي محدش هايمشي حتى لو افني الشعب
لكن دلوقت الانقسام مش في النت بس الانقسام حدا جدا في الشارع والطبقات اللى المفروض انها متوسطة بدات تتذمر بشدة وبدا يبقي فيه اتجاه معادي للثورة بشدة بسبب استمرار الوضع على ما هو عليه
رئيس الوزراء اعلن الان ان لو وزير الداخلية السابق ثيتت مسؤليته عن اي اخطاء سيحاكم عن الاخطاء التي ارتكبها