الموضوع: معركة ميدان التحرير .... الآن

المشاركة الأصلية كتبت بواسطة sara2001

دكتور محمد
احمد شفيق طلع وقال هيحاسب المقصرين
وانه بيعتذر عن المهزله اللي حصلت امس
ياريت تقول لي ليه سايب المهزله لغاية دلوقتي
ولا مش من سلطته انه يقبض على المهاجمين دلوقتي غير لما يخلصوا مهمتهم

في ملحوظه صغيره عايزه اقولها
منذ انسحاب الأمن ويحدث عندنا يومياً في الشارع
هجوم مسلح من البلطجيه
امس لم يحدث اي هجوم طوال اليوم

يا استاذة سارة
مفيش امن حاليا في الدولة
الشرطة منهارة واي تصرف منها حتي لو ضد بلطجي هايبقي ارهاب وووو وهيعرضهم لانتقادات رهيبة والوزير الجديد عايز يحسن صورتهم
الجيش اوامره انه ميضربش نار غير بتصريح من اعلى مستوي في الجيش و ده اللى فهمته من قائد قوات الجيش في الهرم لما اشتكيت له من بلطجية في شارع الملك فيصل الساعة 11 الظهر بيوقفوا العربيات ويفتشوها وبياخدوا منها حاجات قالي هابعت دبابة تلف بس مقدرش اضربهم ولا اقبض عليهم مش عايزين صدامات

المشاركة الأصلية كتبت بواسطة dr ahmed

د محمد
أكيد حضرتك متأكد إن تقييمى الحالى لا علاقة له بانتمائى السياسى لإنى لا أنتمى لأى جهة سياسية من الأساس
ثانيا أنا مش عارف كمية التفاؤل اللى عند حضرتك دى مصدرها ودليلها إيه
أحمد شفيق يبدو حتى الآن لا يعرف شئ عن الدولة فلا هو يعرف من فعل (كما يدعى) ولا قادر على السيطرة على الوضع
أين وزير داخليته الجديد وأين جنوده؟
أحمد شفيق أصبح حاليا شريك فى فضيحة الفراغ الأمنى ، وحتى اجتماع وزير الداخلية الجديد لتدبير الخط الأمنية الجديدة تبعها ثانى يوم هجوم شلل البلطجية على المتظاهرين مما أظهر جليا خطته الأمنية الجديدة وهى امتداد الخطة السابقة
أحمد شفيق ظهر كثيرا جدا فى فترة قصيرة وأبدى ترددا كبيرا فى الحكم على أمور كثيرة وأقسم كثيرا بالله وبشرفه ولا أطمئن لمن يستخدم هذا الأسلوب
واخيرا هل يوجد عندنا رئيس وزراء يصنع قرار؟؟؟؟
أجبنى!
لا يحدث
كل رؤساء الوزراء ينفذون توجيهات الرئيس الرشيدة

لقد تحملنا جزءا كبيرا من المشقة فلا مجال إلا لإكمال مشوار التطهير بالكامل
لا ينفع أن تشيل لوزة يمين وتقول نستنى شوية لما نشيل اللوزة الشمال بعد 9 أشهر ونتعرض لبنج تانى وعملية تانية وألم تانى
شيل اللوزتين مرة واحدة
وبأى صفة يحكم مبارك الآن؟ مبارك فقد الشرعية من يوم 25 يناير

لو محاولتش اتفائل هاموت من السكر يا دكتور احمد
والله السكر عندي ايام المظاهرات ما عدا ال400 اليومين اللى فاتوا وخصوصا من امبارح بيوصل ل550 ومفيش اي حل مش قادر اقفل التليفزيون واقلب بين المحطات
وانت عارف كويس جدا ان مفيش حاجة اسمها وزارة الداخلية في الاقسام دلوقت وان وجودهم لمجرد اثبات انهم موجودين مش اكتر انما ميقدروش يعملوا اي تصرف وهايشوفوا ايام سودة الفترة الجاية
وان الرئيس مبارك مالهوش اي علاقة بالحكم دلوقت نهائي والجيش هو اللى بيتحكم في كل حاجة في البلد من ورا الستار
ومن الناحية الدستورية مبارك هو رئيس البلاد حتي الان ولا مفر من ذلك الا بانقلاب عسكري يلغي الدستور وهو ما لن يحدث
وحتي اجراء انتخابات قادمة هو الرئيس
وتقديمه استقالته الان سيدخل البلاد في فوضي دستورية وتشريعية ولن يمكن اجراء اي تعديلات وستتم اي انتخابات في ظل ما هو موجود الان

المشاركة الأصلية كتبت بواسطة mahmoudysf

هذا كان ردي على الدكتور محمد
فيما يخص احمد شفيق
وكان رده بتهكم علي بانني لحقت احكم علية
الراجل ده مش محتاج اكتر من الكام لقاء اللي عماهم فى الاعلام عشان اعرف احكم علية كويس
وهو احمد شفيق امتداد لمرحلة سابقة ولا يصلح رئيس وزراء لمصر
لو فيه دكتور بنج شاطر مش معنى كدة انو ممكن يبقى جراح شاطر

طبعا مالهوش لازمة نحكم على احمد شفيق دلوقت
الراجل مسك منصبه وكلنا لومنا مبارك انه مكانش بيخرج للشعب وانه اتاخر جدا في الحديث للشعب اخر مرتين ولما احمد شفيق بيحاول يتواصل وبشكل سريع وعمل 3 لقاءات في يوم واحد وتاني يوم اجتماع مع القوي المختلفة وتصريحات رسمية مش عاجبنا
هو اي حد هايمسك البلد هيقدر في يومين يغير الدنيا وتبقي ربيع والجو بديع ؟؟؟؟؟
ومفيش اي حد فينا يقدر يقول انه خبير ويحكم عليه من لقاء في التليفزيون وفيه اكتر من عضو هنا قالوا انهم خدموا معاه او اشتغلوا معاه وانه محترم جدا وجاد جدا في شغله
والمطلبو يعمل ايه علشان تقتنعوا بيه ؟؟؟؟؟؟؟

المشاركة الأصلية كتبت بواسطة sunset

طيب ما يقبضوا عليهم قبل ما يروحوا ؟
كفاية إستخفاف بعقول الناس بقى
الاعلام المصري مجند الان لترهيب الشعب

مش فاهم تقصد ايه بالظبط ؟
وهلاعلام الخنزيرة والعبرية والبي بي سي مجند لمصلحة مصر ؟؟؟؟؟؟؟