الموضوع: معركة ميدان التحرير .... الآن

المشاركة الأصلية كتبت بواسطة jato.33

الخطاب مكانش إمبارح كان أول إمبارح

وإلي حصل بعد الخطاب إن في ناس قعدت تقول في الميكروفانات وسط المتظاهرين إن الرئيس رفض مطالبهم ولازم يفضلوا على الرغم من إن ناس كتير لم تستطيع متابعة الخطاب أو سماعة ولكن الميكروفونات لم تنتظر ولا حتى دقيقة واحدة قبل ما كله يسمع كلام الراجل وده دفع كثير من الذين لم يسمعوا أن يحاولوا أن يجدوا وسيلة لسماعه حتى يحكموا بأنفسهم ويحكموا عقولهم ولما راحوا سمعوه في بيوت بعضهم أو وجدوا أي طريقة لسماع أجزاء منه قرروا الرحيل وبقي من ضحك عليه البعض وغرر به وخدعوه بأن هذا الخطاب كذب

وبعدين لو ما إتحاكمش وحسني موجود بكرة يتحاكم وحسني بره الحكم

وإن ما إتحاكمش على الأقل هيبقى من المطاريد لحد ما ييجي اليوم إلي يتمسك فيه

ده لو حد سمح للجيش بفرصة لإستعادة الأمن والسيطرة على الغوغائية التي إنتشرت في هذه البلد


وبعدين صحيح 30 سنة وعود كاذبة ولكن متنساش كان مين حولين حسني في هذا الوقت وأصبح مين حواليه دلوقتي ده لو كمل سنة أصلاً


يا جماعة نخشى أن يحدث ما لا تحمد عقباه

من لجوء الولايات المتحدة ودول الإتحاد الأوروبي عن طريق مجلس الأمن لفرض عقوبات على مصر بسبب العناد والكبر الذي ركب عقول من بقي في ميدان التحرير ولا تستبعد أن يحدث هذا الآن رئيس الدفاع الأمريكي و4 دول من أعضاء الإتحاد الأوروبي يتهجمون على بلدكم بكرة يحدث ما لا يمكن تداركه


إتقوا الله لو كنتم من أهل البلد دية حافظوا عليها

يا استاذ من حق ناس تقبل الخطاب و من حق ناس ترفضة

بس المذبحة اللى حصلت امبارح 5 قتلى و 1000 جريح و الفجر 5 من رصاص حى

يدل على ان النظام متغيرش

و بعدين مش فاهم عناد وكبر من المتظاهرين طيب ماشى خلى الريس هو الكبير و بكلمة واحدة ينقذ مصر من حرب اهلية

كلمة واحدة - يمشى باة

المشاركة الأصلية كتبت بواسطة jato.33

يخرب بيت الكفرة يا جدع

هوا عند وخلاص بنقول الراجل هيبقى على المعاش وهيغور في داهية إنتوا إيه الساعة عندكوا وقفت

لا تعليق على لهجة الحوار

اعتبرنى اقتنعت

طيب سوال

تقتنع ملايين مش مصدقين واحد كدب عليهم 30 سنة ولا تقنع الواحد دة يمشى

الرئيس بكلمة منة ينقذ البلد

كلمة واحدة

و مع ذلك مش عايز يقولها تفتكر لية

اة عشان يمشى بعد 6 شهور

طيب الراجل قعد 30 سنة - يعتبرهم رصيد اجازات و يطلع يصيف برة

يرحمنا

عايز تقول المتظاهربن غلطانين - ماشى نفرض - يسيب البلد تولع عشان العند

المشاركة الأصلية كتبت بواسطة sara2001

كان هينتهي من الأول لو اظهر اي نوايا حسنه في خطابه
كان هينتهي لو ما حصلتش مذبحة كوبري قصر النيل يوم 28
كان هينتهي لو حاكم حبيب العادلي والمقصرين محاكمه عادله
على الخيانه الأمنيه اللي حدثت واللي بوصف احد أعضاء الحزب الوطني
أشبه بالنكسه
هو ليه النت رجع دلوقتي بس
علشان الإنقسام اللي احنا فيه ده
هي الفوضى دي اللي عملها المتظاهرين ولا الحزب الحاكم
والفوضى موجوده واحنا في عهده ولا في عهد غيره
الموضوع هينتهي برحيله وبمحاسبة المقصرين
لازم محاسبة المقصرين الأول
علشان يبتدوا يثقوا ان في حد بيحترم عقولهم
ده حتى ما اعتذرش عن الشهداء ولا عن الخلل الأمني اللي حصل

+ 111111111111111111111111111111111111111