أرجـــو الإفــادة فى ضعف تكيــف فيـــرنا موديــل 2004
السلام عليكم اولا انا معجب جدا بالمنتدى ده و بالمعلومات الرهيبة الى بيقدمها و انا دايما حريض على زيارته يوميا و ان كانت ديه اول مرة اشارك.
انا معايا عربية فيرنا 2004 مشكلتى من البداية بدات ان التكييف كان ضعيق و مش بيسقع و بعدين اشحنه فريون يبقى كويس لمدة شهر تقريبا و بعدين يرجع زى ما كان و فضلت كده مرتين لحد ما بتاع التكييفات قالى ان الكمبريسور(الكباس)عايز يتغير و بالفعل جابلى واحد استيرا و ركبتو و الكلام ده كان فى نهاية الصيف الى فات و اشتغل كويس لمدة شهرين تقريبا و بعدين دلوقتى جيت اشغلو تانى لقيت نفس المشكلة و انو مش بيسقع بردو رغم ان الفريون فيه 20 و الكمبريسور شغال فا رحت لبتاع تكييفات قالى لا العيب ده ان الكويل(الثلاجة) الى هية مكانها ورا درج التابلوه بتسرب الفريون و لازم تتغير. و انا بصراحة مبقتش عارف اعمل ايه بجد تعبت عايز تساعدونى فى
1- لو حد عندو فكرة المشكلة ديه ممكن تكون ايه يقولى
2-لو حد يعرف الكويل(الثلاجة) ده بيتباع فين و بكام يقولى عشان مش لاقيه
3-و اذا كان ممكن يتصلى او يتلحم لو حد كان جرب قبل كده
و انا شاكر جدا و اسف على الاطالة
