كلنا مصريين تعالوا نتكلم بهدوء وبعقل

**Sharky** · 02-02-2011 10:15 PM

يا احمد

مش حيقدروا والله مصر اتغيرت
و قلت و مازالت بقول مصر قبل 25 يناير كانت فى حالة سيئة و رغم كده حصلت المظاهرة رغم انف الجميع

**mfarag** · 02-02-2011 10:28 PM

المشاركة الأصلية كتبت بواسطة sharky

يا احمد

مش حيقدروا والله مصر اتغيرت
و قلت و مازالت بقول مصر قبل 25 يناير كانت فى حالة سيئة و رغم كده حصلت المظاهرة رغم انف الجميع

يا استاذ

اذا كان دلوقتى و الدنيا ملتهبة

و العالم كلها متابعة

قدروا يطلقوا البلطجية على المتظاهرين

**Sharky** · 02-02-2011 10:53 PM

فين دلليك على انهم من اطلقوا هؤلاء الناس ؟؟؟؟

ليه مايكونش دول ناس عادية من اللى بتاكل يوميا عن طريق عملها اليومى
و هذه المظاهرات التى طالت لم تحقق لهم احلامهم بل اضاعت عليهم قوت يومهم الذين كانوا يحصلون عليه ايام النظام القديم و بعد ما رأو انه سيقوم بالتغيرالذين يطالبون به استشاطوا غضبا من استمرار المظاهرات ووقف حالهم رغم تحققيق مطالب المتظاهريين !!!!!

**mfarag** · 02-02-2011 11:01 PM

المشاركة الأصلية كتبت بواسطة sharky

فين دلليك على انهم من اطلقوا هؤلاء الناس ؟؟؟؟

فعلا انت حقيقى بتسال - مش هاقولك افتح الجزيرة ولا بىبى سى ولا العربية

شوف منى الشاذلى دلوقتى

طيب هافترض

فين الريس - فين النائب - فين رئيس الوزراء

دة كان ممكن يحصل فى اسوء بلاد العالم فى مجاهل افريقيا

لو حسنى ملاك بعد اللى حصل على شاشات العالم

كان استقال هو و حكومتة و حزبة

**Sharky** · 02-02-2011 11:09 PM

المشاركة الأصلية كتبت بواسطة mfarag

فعلا انت حقيقى بتسال - مش هاقولك افتح الجزيرة ولا بىبى سى ولا العربية

شوف منى الشاذلى دلوقتى

يا استاذ و الله فاتح كل القنوات و حتى الان لم ارى الدليل على ان مبارك هو من اصدر تعليمات لهؤلاء الافراد !!!

لعلم حضرتك انا نزلت مظاهرات 25 و 28 يناير و ضد النظام قبل بدايته لإتخاذ خطوات فعليه للإصلاح

اللى حضرتك عايزه و غيرك الان
صدقنى سيجعل البلد فى طريقها للفوضى و بهذه الطريقة لن تجد من يحافظ على امنك و امن غيرك

تذكر كلامى هذا جيدا
لكنه للأسف سيكون فى وقت لن نستطيع فيه التغير و لن يكون امامنا غير الندم و التحسر على ما فعلناه فى بلدنا

**hossaam** · 02-02-2011 11:11 PM

المشاركة الأصلية كتبت بواسطة Sharky

فين دلليك على انهم من اطلقوا هؤلاء الناس ؟؟؟؟

ليه مايكونش دول ناس عادية من اللى بتاكل يوميا عن طريق عملها اليومى

واضح ان فه ناس كتير مش متابعة

انا برضه مش هقولك الكارنيهات والبطايق اللي اتمسكت معاهم...وشفناها على التلفزيون

يا ترى مصطفى الفقي..مصدق عندك..وهو حزب وطني...طلع على الجزيرة وبصراحة احسده عليها
قال "...بدون ذكر اسماء محدده..هؤلاء البلطجية تابعين لاشخاص في الحزب الوطني"

لما سئل...هل للسلطات علم بذلك قال" اعتقد ان النظام رأى انه يتركهم على اساس انه اختلاف في جهات النظر"

**misoalex** · 02-02-2011 11:14 PM

المشاركة الأصلية كتبت بواسطة col. Eng. Khaled

يعني الجيش أعلن حياده بتكسير أمر مباشر من القائد الأعلى للقوات المسلحة - رئيس الجمهورية - و قاعد معاه القائد العام للقوات المسلحة - وزير الدفاع - ما سابوش بعض قدام الدنيا كلها ؟

يا مثبّت العقل و الدين يا رب

هو الجيش اعلن حياديته بمزاجه ؟!!!!!!!!

هو الجيش نزل الشارع بمزاجه ؟

وهو الجيش كان بيفتش الناس الى داخله ميدان التحرير امبارح ويتأكد انهم مش من الداخليه او مثيرى الشغب وجابوهم ادام التلفزيون والعالم كان بيعمل كده بمزاجه ؟!!!!!!!!!!!

وهو الجيش الى فتح الطريق للبلطجيه والجمال والحصان والى راكبينه ومعاهم سلاح ودخلهم على الناس الى فى الميدان انهارده كان بمزاجه ؟!!!!!!!!!!!!!

انت فاهم وانا فاهم يا سياده العقيد

والناس كلها كانت منتظره ان الجيش يعمل انقلاب ويعزل الرئيس
ولكن ده مستحييييييييييييييييل مستحيييييييييل كان يحصل
الجيش مش خاين عشان يخون القائد الاعلى للجيش (الرئيس)

**Col. Eng. Khaled** · 02-02-2011 11:17 PM

المشاركة الأصلية كتبت بواسطة misoalex

هو الجيش اعلن حياديته بمزاجه ؟!!!!!!!!

هو الجيش نزل الشارع بمزاجه ؟

وهو الجيش كان بيفتش الناس الى داخله ميدان التحرير امبارح ويتأكد انهم مش من الداخليه او مثيرى الشغب وجابوهم ادام التلفزيون والعالم كان بيعمل كده بمزاجه ؟!!!!!!!!!!!

وهو الجيش الى فتح الطريق للبلطجيه والجمال والحصان والى راكبينه ومعاهم سلاح ودخلهم على الناس الى فى الميدان انهارده كان بمزاجه ؟!!!!!!!!!!!!!

انت فاهم وانا فاهم يا سياده العقيد

والناس كلها كانت منتظره ان الجيش يعمل انقلاب ويعزل الرئيس
ولكن ده مستحييييييييييييييييل مستحيييييييييل كان يحصل
الجيش مش خاين عشان يخون القائد الاعلى للجيش (الرئيس)

يا فندم ردي على الأحداث موجود باللون الأحمر في توقيعي

**Sharky** · 02-02-2011 11:35 PM

المشاركة الأصلية كتبت بواسطة hossaam

واضح ان فه ناس كتير مش متابعة

انا برضه مش هقولك الكارنيهات والبطايق اللي اتمسكت معاهم...وشفناها على التلفزيون

يا ترى مصطفى الفقي..مصدق عندك..وهو حزب وطني...طلع على الجزيرة وبصراحة احسده عليها
قال "...بدون ذكر اسماء محدده..هؤلاء البلطجية تابعين لاشخاص في الحزب الوطني"

لما سئل...هل للسلطات علم بذلك قال" اعتقد ان النظام رأى انه يتركهم على اساس انه اختلاف في جهات النظر"

و الله متابع و نزلت مظاهرات 25 و 28 و اقسم بالله لست من الحزب الوطنى بل من اشد المعاديين له و للنظام

بالنسبة للبطاقات و الكارنيهات ذكر عن طرق عمروا دايب فى الحياة انها كانت مسروقة

لو حد اتى لى بدليل واضح ان مبارك اصدر تعليماته لهؤلاء البلطجية

يبقى فى الحالة دى ساغير رأى تماما و سأكون مع الرأى برحيله من السطة فورا و محاكمته على ذلك