الموضوع: كلنا مصريين تعالوا نتكلم بهدوء وبعقل

المشاركة الأصلية كتبت بواسطة Col. Eng. Khaled

يعني الجيش أعلن حياده بتكسير أمر مباشر من القائد الأعلى للقوات المسلحة - رئيس الجمهورية - و قاعد معاه القائد العام للقوات المسلحة - وزير الدفاع - ما سابوش بعض قدام الدنيا كلها ؟

يا مثبّت العقل و الدين يا رب

المشاركة الأصلية كتبت بواسطة misoalex

هو الجيش اعلن حياديته بمزاجه ؟!!!!!!!!

هو الجيش نزل الشارع بمزاجه ؟


وهو الجيش كان بيفتش الناس الى داخله ميدان التحرير امبارح ويتأكد انهم مش من الداخليه او مثيرى الشغب وجابوهم ادام التلفزيون والعالم كان بيعمل كده بمزاجه ؟!!!!!!!!!!!

وهو الجيش الى فتح الطريق للبلطجيه والجمال والحصان والى راكبينه ومعاهم سلاح ودخلهم على الناس الى فى الميدان انهارده كان بمزاجه ؟!!!!!!!!!!!!!

انت فاهم وانا فاهم يا سياده العقيد

والناس كلها كانت منتظره ان الجيش يعمل انقلاب ويعزل الرئيس
ولكن ده مستحييييييييييييييييل مستحيييييييييل كان يحصل
الجيش مش خاين عشان يخون القائد الاعلى للجيش (الرئيس)

المشاركة الأصلية كتبت بواسطة Col. Eng. Khaled

يا فندم ردي على الأحداث موجود باللون الأحمر في توقيعي

كان لي رد قبل إشتعال الوقف يا ريت حضرتك تقراه :-

http://www.nilemotors.net/Nile/3873258058-post2119.html

و مع كامل إحترامي لشخص و فكر حضرتك (و أرجو عدم إساءة الفهم) لي تحفظ على الجملة في كلام حضرتك

أعلاه من الناحية المهنية .

كمان عايز أضيف إن ممكن جدا الخيل و الجمال بالناس إللي راكباها من نزلة السمان إللي قوتهم معتمد تماما على السياح ......... مش بعيد ، عن نفسي أعتب على الجيش إنه حاول يتعاون بالتفتيش .

المشاركة الأصلية كتبت بواسطة misoalex

يافندم انا اخو حضرتك الصغير ومينفعش ازعل منك وانا اقصد بجمله ( حضرتك فاهم وانا فاهم ) ان الجيش فى الاول والاخر ماهو الا جهه بتتحرك بأوامر من القائد ومينفعش مينفذهاش او يأخذ موقف او امر من دماغه والا تبقى خيانه

وانا كنت فرحان جدا ان الجيش بيفتش الناس الى داخله ميدان التحرير ويتأكد من شخصيتهم كويس وميحصلش زى الى حصل انهارده وفعلا امبارح مسكو ناس مندثين واحتجزوهم يعنى موقف كويس يحسب لهم

يجى انهارده يتغير موقفهم تماما تماما ويفتحو السكه لمثيرى الشغب والبلطجيه ويسبهوهم على الناس ويقفو يتفرجو
ولما ولعت جابو العربيات وعملهوها جدار عازل بين الاتنين

طيب لو انا كلامى غلط والجيش مش بياخد اوامر ليه سابهم يولعو فى بعض انهارده بالذات بعد خطاب الرئيس

وطبعا مش مشكله الخيل والجمال جابوها منين وانا بكلم حضرتك دلوقتى اهو مزيعه فى التلفزيون المصرى بتكلم لواء اسمه محمود خلف خبير عسكرى وبتسأله نفس السؤال الجيش امبارح كان بيفتش الناس ويتأكد من شخصيتهم وانهم معهمش اى سلاح ليه انهارده سابهم على المتظاهرين
يعنى السؤال على لسان المصرين مش انا بس

أشكر لحضرتك ذوقك الرفيع أخي الكريم و لك مني كل التقدير ، و إن كنت أخي الصغير "سنا" فأنت الكبير "مقاما"

أما عن تصدّي القوات المسلحة الموجودة أمامنا جميعا ، فأرجو توضيح رأيك عن كيفية منع الدواب و راكبيها

و لا تنسى الدعاء لي بالمقدرة على الرد الصحيح عسى أن يوفقني الله ، و صدقني بمجرد قراءتي لما لا أعرفه

سأصارحك بأني لا أعلم .

المشاركة الأصلية كتبت بواسطة otefa

ده تفسيري المتواضع

http://www.nilemotors.net/nile/199121-a.html

باشمهندس / محمد

أشكر حضرتك السعي الدائم في البحث و هذا عهدي بك

رأيي الشخصي مصر ولّادة بالقادرين على حكمها عسكريون أو مدنيون

و إن كنت أميل للعسكريين (لموضوع يطول شرحه حتى و لو شفهيا) و الفئتان بهما الصالح و الطالح .