ارجوكم...اللي عنده حل للوضع الراهن في مصر يكتبه هنا
انا فكرت وجالي حل وبشجع كل الناس ..المعارضة لمبارك والمؤيدة له انها تفكر بدون عناد لحل للازمة اللي احنا فيها...اكيد كل حل هيحتوي علي اتجاه الشخص وده مش عيب...هنتحاور ونجمع الحلول بحيث اننا يمكن ربنا يوفقنا (اللهم ارزقنا الحكمة والتوفيق من عندك)..ونلاقي حل نقدر نوصله للناس في الشارع ونكون علي اتصال بيهم...لازم نستغل رجوع النت لمصر.
انا هقول اللي عندي:
احنا (الانتفاضة) ممكن نوجه خطاب للرئيس...
الشعب يوجه خطاب الي الرئيس مبارك
ما يريده الشعب هو استقرار البلاد...وعلي ذلك يتوجه الشعب المصري للرئيس مبارك امام كل دول العالم بتعهد بعدم التعرض له ولا توجيه اي اتهامات له بخصوص اي قضايا مالية او انسانية او سياسية و ذلك اذا اعلن مبارك تنحيه عن الرئاسة وترك السلطة وترك القصر الجمهوري والسفر خارج البلاد اذا اراد وفض الحكومة و اعلان رئيس المحكمة الدستورية العليا رئيسا مؤقتا للبلاد والذي بدوره يتعهد بالجلوس مع ممثلي الانتفاضة والاجتماع علي حكومة مؤقته ايضا لا ينتمي اعضاؤها لاي حزب او تجمع ولكن من مواطني الشعب المخلصين
واعلان فض مجلسي الشعب والشوري و واستعداد البلاد لخوض انتخابات نزيهه تحت اشراف القضاء العادل بعد الاجتماع لتغيير الدستور لمصلحة المواطن المصري
انا مش عارف ايه الترتيب اللي المفروض نمشي بيه في تغيير السلطة بس خطاب زي ده هيبدا يخلي مبارك يفكر تاني ونرمي الكرة في ملعبه ونشوفه هيعمل بيها ايه
ايه رايكم....الي عنده اضافات او تعليقات يقولها ضروري