تجربــتى مع فيـــرنا 2008 -1600 سى سى بعــد شهـــر من الإستعمــال

السلام عليكم ورحمة الله
انقطعت عن المنتدى لمدة شهر .. وهي مدة تجربتي مع الفيرنا تقريباً ..
تعليقي انها عربية جيدة جداً
ميزاتها
سحب شديد .. شكل مريح .. مقاسات مريحة .. نقل سلس ..استهلاك بنزين ممتاز
عيوبها
الدوكو ..ضعيف
ماتور عالي نسبياً

حاجات مش عارف عندي انا بس ولا لأ.. وياريت حد يفدني فيها
الانذار مش بيطلع صوت خالص .. عند الضغط على الريموت .. بس هو شغال عادي
بعد ما بتعدي ال120 .. مافيش صفارة انذار
بحس برعشة خفيفة في الدبرياج في الطلعة او النقلات
الاريال بيطلع لوحده حتى لو كنت بشغل السي دي مش الراديو
بسمع صوت تكتكة في الكاويتش الشمال اللي ورا .. وكان في زلطة في الكاويتش بس انا مش لاقي حاجة
ارجو الافادة

كل الحاجات ده طبيعية جداا

"الانذار مش بيطلع صوت خالص .. عند الضغط على الريموت .. بس هو شغال عادي
بعد ما بتعدي ال120 .. مافيش صفارة انذار ,الاريال بيطلع لوحده حتى لو كنت بشغل السي دي مش الراديو"

ده مش عارف محستش بيها "بحس برعشة خفيفة في الدبرياج في الطلعة او النقلات"

كل الحاجات دي طبيعية يا باشا و بجد هي عربية تحفة لو عاوز اي حاجة اتفضل

اقتباس:

---

الانذار مش بيطلع صوت خالص .. عند الضغط على الريموت .. بس هو شغال عادي
بعد ما بتعدي ال120 .. مافيش صفارة انذار
بحس برعشة خفيفة في الدبرياج في الطلعة او النقلات
الاريال بيطلع لوحده حتى لو كنت بشغل السي دي مش الراديو

---

نفس الموضوع عندى انا كمان

جايبها برضه من شهر

الانذار ماشتغلش غيرلما العربيه اتفتحت بالمفتاح من من الريموت

دى الحاله الوحيده اللى الانذار اشتغل وطلع صوت

والباقى كله طبيعى وفى العربيه عندى انا كمان

طب معلش يا جماعة سؤال أخير
الباب لما يكون مفتوح والمفتاح في الكونتاكت .. المفروض يكون في صفارة انذار برضة مش شغالة .. عادي برضه؟

أيوه أيه صحيح حكاية التكتكه اللي موجوده في العجله الورانيه الشمال دي عندي برده ومطلعه عيني مش عارف ايه سببها !؟؟

اقتباس:

---

المشاركة الأصلية كتبت بواسطة aymanassem

طب معلش يا جماعة سؤال أخير
الباب لما يكون مفتوح والمفتاح في الكونتاكت .. المفروض يكون في صفارة انذار برضة مش شغالة .. عادي برضه؟

---

عادى برضه :-)

هو كله عادى ولا انتوا سلمتوا امركوا لله
امال لو اكتر من شهر هيحصل ايه
او لو كانت مستعملة
انا ع وشك استلام الفيرنا الله اعلم امتى دعواتك تبقى قبل ر مضان 2010

اولا مبروووووووووك عليكم الفيرنا
بس ياريت حد يفيدني اشترى الفيرنا والا لا
واعتقد ان صوت التكتكة في العجل ممكن تكون سهلة في التوكيل والا محدش سال عليها هناك

كل الامور دى عاديه جدا ماعدا صوت التكتكه و اكل البنزين لانها بتاكل بنزين جامد جدا

صوت التكتكة ،، غالبا بتكون حصوة صغيرة دخلت في الكاوتش أو الطاسة ،،

شوية و بتروح لوحده ،،


عادي برضه ،،،

ههههههه ،،،

او سلم نفسك للعدالة و القانون هياخد مجراه

انا شايف ياجماعة ان ستهلاك البنزين كويس جداً

اتنا سافرت بيها من السويس للاسكندريه صحرواى

فى حدود 350 كيلو تقريبا

اخدت منى ب 50 جنيه بنزين رايح بس

انا عربيتى 1600

اعتقد انها فعلا بتاكل بنزين زياده اوى

ولا انتوا ايه رايكم

مع العلم

متوسط السرعه كام 130

ساعات كنت بطلع ل160 بس المتوسط 130 او 140

اقتباس:

---

المشاركة الأصلية كتبت بواسطة hesham2h

اتنا سافرت بيها من السويس للاسكندريه صحرواى

فى حدود 350 كيلو تقريبا

اخدت منى ب 50 جنيه بنزين رايح بس

انا عربيتى 1600

اعتقد انها فعلا بتاكل بنزين زياده اوى

ولا انتوا ايه رايكم

مع العلم

متوسط السرعه كام 130

ساعات كنت بطلع ل160 بس المتوسط 130 او 140

---

افضل استهلاك للبنزين على الاطلاق على سرعة 90 بدون تكيف

هي بتعمل معايا لتر لكل 11 كيلو في المتوسط بس لسه يمكن عشان في التليين بعد كده بيقولوا بتعمل لتر/ 13 بنزين 92 بدون تكييف

ياجماعة حرام عليكو والله أيه الكلام ده ورغم كل اللى قلتوه عربية ممتازة
مش قادر أقول حاجة لكن عندما تريد شراء سيارة فيجب أن تسأل خبير مش أى واحد جاب العربية لإنى عادة المصريين مجرد مايجيب أى عربية تبقى ممتازة وينصح الناس بيها نصيحة للأخ MH Deeb
متشتريش الفيرنا وياريت عربيات غبور عموما لإنه من الآخر كده حرامى ومش هو بس هو والشركة الأم وده عن تجربة مريره معاه والحمد لله ربنا تاب عليا وبعتها

اقتباس:

---

المشاركة الأصلية كتبت بواسطة kmansy

ياجماعة حرام عليكو والله أيه الكلام ده ورغم كل اللى قلتوه عربية ممتازة
مش قادر أقول حاجة لكن عندما تريد شراء سيارة فيجب أن تسأل خبير مش أى واحد جاب العربية لإنى عادة المصريين مجرد مايجيب أى عربية تبقى ممتازة وينصح الناس بيها نصيحة للأخ MH Deeb
متشتريش الفيرنا وياريت عربيات غبور عموما لإنه من الآخر كده حرامى ومش هو بس هو والشركة الأم وده عن تجربة مريره معاه والحمد لله ربنا تاب عليا وبعتها

---

دي تجربه شخصية فرديه ومش عامة والدليل ان العربية منتشره انتشار رهيب لدرجه ان فيه منها تاكسي وكمان اعادة البيع حافظه سعرها ..