ياريت تقول يا دكتور
انا مش مع الفوضى
ولا مع التعتيم والاعلام الموجه كما يحدث
رأيى وضحته اكتر من مرة فى اكتر من موضوع
وده اقتراحى
اتمنى معرفة رأى حضرتك ان كان هذا يثير الفوضى او يدعم الاستقرار
http://www.nilemotors.net/Nile/19928...post3873264155
احنا ادمنا الغاز المسيل خلاص :36_1_31:
الأقلية دول يا دكتور محمد هم نقطة القوة الوحيدة الباقية للمفاوضين إذا كان هناك تفاوض
السيد الفاضل عمر سليمان أعلن أنه لن توجد مفاوضات فى وجود مظاهرات!
جميع وكالات الأنباء تتحدث عن اعتداء عناصر من الشرطة فى لباس مدنى وأعوانهم من البلطجية على المتظاهرين تحت غطاء أنهم مؤيدى مبارك! ويوجد شهود عيان وصور وإثباتات شخصية أخذها المتظاهرون من الكلاب على الخيول والجمال .. مؤيدوا مبارك الذين يحملون معهم قنابل غاز!!!!!!
3 قتلى جدد و500 مصاب
كل الوعود تتآكل من الآن
لا وعود لهذا النظام
لا حل لهذا النظام إلا الرحيل الآن وإلا لن يرحل ابدا أبدا ولن يكون اقرب للرحيل من اليوم ومن يظن غير ذلك واهم واهم واهم
ياريت حد يقول السيناريو اللي قاله عماد اديب
لالالالالا بالعكس انا شايف الحوار دلوقتى وجايبن عمار الشريعى واتكلم كلام جامد جدا بصراحه وبيقول ان السينايرو الى بيحصل بتاع السجون والبلطجيه من تدبير العادلى وكان بيأدب الناس ويقولهم لو مشيت ده مصيركم
ودلوقتى بيقولو ان الطرفين بيتابدلو القنابل المولتوف والاخوان بيقولو الجهاد حتى الموت !!!!!!!!!
انتوا عارفين لو الاخوان مسكوا البلد ايه اللى هيحصل اكيد انتوا عارفين طبعا
مش معقول ننسي اللي حصل من يومين بالظبط و قبلها بيومين
البلطجية استباحوا البيوت .... اخرجوا من الميدان
الجيش نازل يقتل الكل .... اخرجوا من الميدان
النهاردة مجزرة و بكرة مجزرة و بعده برضوا حيكون مجزرة .... اخرجوا من الميدان
اشاعات اشاعات يروجها النظام و لا تتحقق
و ميين عين الاعلام اللي بتخف دي بتحسسني ان احنا في عصر التلفزيون اللي بيقفل الساعة 1 بالليل و يقعد يقول وششششششش لحد ما يفتح تاني يوم الساعة 10 الصبح
ماهو ده تفكير عواجيز النظام اللي افتتحوا التلفزيون في الستينات و كانت فرحتهم لا توصف بهذا الاختراع السحري
يا ناس العالم كله يراقب الوضع في مصر 24 ساعة
و نذكركم اننا في عصر الانترنت و الفضائيات و الاتصالات.