اللي بقالوا 30 سنة مش بيصلح مش هيصلح
و إنت مش شايف البلطجه و القتل اللي بيحصل في الميدان
قولوا الحق
عرض للطباعة
اللي بقالوا 30 سنة مش بيصلح مش هيصلح
و إنت مش شايف البلطجه و القتل اللي بيحصل في الميدان
قولوا الحق
يا عزيزى ميدان التحرير الان يجمع افراد من معظم فئات الشعب ..قد يختلفون كتير فى انتمائاتهم او افكراهم و علامهم ولكنهم يتفقون فى شىء واحد فقط و هو انهم سوف يضحون بالغلى و الرخيص فى سبيل تحقيق مطلبهم
هناك مؤمرة حقيقية من اعوان النظام المنهار مازالت تحاول تدبير اى مؤمرات جديدة للقضاء على اعتصام الشعب فى التحرير
و اهم مؤمرة هى ما يقدمة وزير الاعلام من صورة كاذبة عن ما يحدث على ارض الواقع ..اعداد المصريين بالالاف فى ميدان التحرير و لكن لا يوجد قناة واحدة تستطيع عرض ما يحدث بالفعل من ميدان التحرير لان المنظر سيكون مفاجئا للجميع
تكتفى كل القنوات بتصوير جزء صغير من ميدان عبد المنعم رياض حتى تصور المعتصمين على انهم قلة قليلة لا تمثل كل المصريين ..
ارجوكم تنبهو لابعاد المؤمرة لنها تدبر بعناية و خبث شديد لانة يشارك فيها مذيعين و مخرجين و مصورين مستمرون فى تزوير الواقع و تزيف الحقيقية على معظم القنوات التى تنقل ما يحدث و تقوم بتزييف الواقع بشكل محترف و منظم
حرااااااااااااام عليكم شوفوا حضارة و حب الشباب لمصر
قارنوهم مع زبانية مبارك
حسبي الله و نعم الوكيل
YouTube - Egypt: A New Spirit of National Pride
ربما الماء يروب
ربما الزيت يذوب،
ربما يحمل ماء في ثقوب ،
ربما الزاني يتوب ،
ربما تطلع شمس الضحى من صوب الغروب ،
ربما يبرأ شيطان من الذنب ، فيعفو عنه غفار الذنوب،
.إنما لايبرأ الحكام في كل بلاد العرب من ذنب الشعوب
السلام عليكم وعلي اهل مصر وعلي مصر
انا بدات استوعب ايه اللي بيحصل وايه اللي حصل...ياريت تقروا بالتفصيل عشان نفكر في اللي حصل مع بعض ......مع بعض .....مع بعض ..........مع بعض
مبارك زي ما قلت مليون مرة ثعلب ماكر جدا...ولكن "و يمكرون ويمكر الله والله خير الماكرين"...ونسال الله ان ينصرنا ويكون في صفنا ولا يخذلنا ولا يذلنا ويذل الظلمة والفاسقين
تعالو نشوف ونحلل وده رايي وارد الخطا ووارد الصواب
1- علي غير توقع تخرج مظاهرات يوم الجمعة وتكون الشرطة في الشارع والامن المركزي علي اساس يعني علي حسب فكر مبارك واعوانه "مين دول يعني دول شوية عيال تافهه..رشقلهم عربيات الامن المركزي في الشارع يرعبوهم ويصفوهم وشوية قنابل غاز علي علي.......هتدبر"
2- فجاة الشعب والعيال اللي هو استهزأ بيهم صمدوا صمد رهيب لدرجة انهم عملوا رعب للامن المركزي نفسه..رجالة من ظهور رجالة.....مبارك "ايه ده ايه العيال دي ايه اللي بيعملوه ده...وكمان الاحزاب انضمتلهم...ده انا هبهدلهم ولاد ال.....وكمان الاحزاب اللي سايبهم شفقة مني عشان شكلنا امام العالم طلعوا عن طوعي........يا ولاد ال..........."
3- مبارك للشرطة والداخلية كالعادة..."ايه يا ولاد ال......مش عارفين تلموا شوية عيال.....اعملولي قرد بس العيال دي تتفرق حالا...."
4- مبارك....."واضح انكوا خوفتوا وانا لازم اتدخل....تعالوا يا وزراء...اجتماع....هنعمل معاهم ايه...(بدا مبارك ذو الخبرة العسكرية والدهاء الكبير يخطط...راجل عسكري يا جماعة مش سهل..ده غير انه مصري برده محدش ينكر)
5- "العيال دي عملوا شوشرة ولازم يتفرقوا.....احنا هندي نفسنا وقت نكسب فيه ارض..انا ولا هرد علي مظاهرات ولا اللي حصل...خليهم الفار يلعب في عبهم وياكلوا في نفسهم"
6- وبعدين ياريس "اخلوا الشوارع خالص سيبكوا منهم....وافتحوا الاقسام للمساجين وهددوهم كلهم وارعبوهم انهم يهجموا علي الشعب ويعملوا اللي هم عايزينه ومحدش هيتعرضلهم...وشوية المخبرين بتوعنا كمان طلعوهم علي الناس ارعبوهم واسرقوهم...خلينا بقي نشوف الناس اللي في التحرير ديهترجع بيوتها ولا ايه"
7- "يا ولاد ال..........العيال دول عملوا ايه ....عملوا شرطة ذاتية اقوي من اي شرطة في العالم....نظموا امن وسلام في بيوتهم بشوية عصا وسكاكين...انتوا طلعتولي منين"..الشباب:.."الحمد لله ربنا هو الناصر"
8- مبارك.."خليهم كده شوية اهم في الاخر المجرمين دول المخبرين والامناء دول مالهمش دية عندنا....ولما يشوفوا شوية ميتين علي مصابين هيخافوا ....وكمان عشان نكسب وقت كمان والناس تتعب وحظنا حلو بقي احنا اخر الشهر وكل الناس مقبضتش"..(للاسف مكنش فيه ترتيب استراتيجي للثورة..كان لازم تستني المرتبات والناس تعمل حسابها في اكل وشرب وبنزين..معلش فاتت علينا ما نا برده مش عسكريين..تتعوض ان شاء الله)
9- المعارضة تبدا تظهر والبرادعي ووووو..........ومبارك هيشكمهم وفعلا قعدهم خلاص في بيوتهم ده ان مكنش خلاهم يؤيدوه..هنكمل..
10- مبارك يقول خطاب اهبل عشان يستفذ الشعب زيادة وميتكلمش فيه عن اي حاجة خلاص من اللي حصلت عشان الشعب يفهم انه لسه في السلطة وانه بكده بيتعامل مع خيانة عظمي في الدولة لا يهم ان يتكلم عنها لانه بيتعامل معاها حاليا...شوية الناس الميتين دول شوية خونة لا يستحقوا الكلام عنهم
11- كل اللي يتكلم عنه مبارك تغيير حكومة ثلاثة ارباعها من الحكومة القديمة....منظر يعني...عشان برده يدي نفسه وقت ويبين قادم العالم انه هيبدا اصلاحات
12- الشعب واعي وعارف ان مبارك مسيطر تماما بكل جوارحه علي مصر وعلي كل ذرة رمل فيها ومش هيسيبها غير بطلوع الروح فيرفض الشعب
13- يبدا مبارك ينزل الجيش عشان يبدا يهدي الناس شوية...كر وفر.. معلم...عشان الناس تقول الجيش هيحمينا...ولا اعتقد ابدا ان الجيش كان له اي دور غير بسيط جدا .......منظر بس
14- الشعب بدا يتطمن وفجأة زاد الهجوم من البلطجية....ايه ده ازاي بقي...هما مش خايفين من الجيِش..خليكوا اذكياء بقي وكملوا بذكاؤكم...ما اصلا الجيش لسه مع مبارك...وقال ايه الجيش بيمسك المجرمين شوية صور كده علي الماشي والجيش ماسكهم ومعاهم مسروقات وكده...فيلم عربي يعني
15- الامور هديت شوية والشباب اعلنت عن مظاهرة سلمية تماما....الوقت بيعدي والناس مش عارفة تاكل ولا تعيش...والشباب اعلن كمان عن مسيرة جمعة الرحيل...
16- مبارك....يا ولاد ال..........انتوا عاوزين تيجوا القصر كمان ..........لا ده انتوا دستوا في الطين........ده انا هوريكم العين الحمرا اللي عمركم ما شفتوها
17- مبارك يقول خطاب عشان يخلي الناس تعيط...مش عارف عيطوا علي ايه...خطابه كله تهديد ووعيد...
18- الناس تكمل مظاهرات وترفض....
19- اوباما يطلع يقول انا كلمت مبارك وقلتله غير النظام حالا...ميعرفش ان الراجل عدي جدا...ومش هيسمح ولا يسمعكلام اوباما...عنده حق مين ده الي طالع يقول كلام مالوش لازمة..وانت مالك انت يا اخي ما الشعب بيقول انت مين دخلك...بس مبارك علي حق من وجهة نظره...هو عارف ان امريكا ولا اسرائيل هيقدروا يعملوا حاجة لان مصر مش زي العراق ولا تونس ولا فلسطين...مصر ليها كيانها وجيشها وشعبها واستقلالها...فهو ولا هامه كلام اي حد بيتكلم معاه يقول ابدا التغيير..دي عالم ولاد ......
20- رجال بلطجية او متظاهرين يؤيدوا الرئيس هاجموا المتظاهرين...........هما الاتنين بلطجية النظام اللي مش هيخلصوا لانهم كتير جدااااااااااا...ومتظاهرين ابرياء اتبلفوا واللعبة خالت عليهم لان الراجل لعبها صح...وكمان فيه منهم عايز يعيش وخلاص ادينا بناكل ونشرب وعايزين نرجع بقي لحياتنا الطبيعية وننزل نتفسح...واهو مبارك هيعمل تغيير وهيبدا يصلح...واهي امريكا والعالم في صفنا ومش هيقر يرجع في كلامه
21- الجيش اختفي
22- الناس بتقول انهم لاقوا هويات شرطة سرية مع المهاجمين...ازاي ناس بتهاجم ومعاهم بطايق عشان الناس تعرف انهم شرطة سرية...(ده تهديد واضح وصريح من مبارك للشعب..بيقولهم انتوا لوحدكم...عشان ينخوا
23- مبارك ساكت ومطلعش قال الناس دي مش تبعي ولا اي حاجة ولا اتكلم باي كلمة علي قتلي الشعب المصري...قتلهم بدماء باردة..حسي الله ونعم الوكيل
24- الجيش ساكت ومفيش اي اخبار عنه
25- الحكومة ساكتة..ومن هو مشاع عنه انه راجل تمام كل اللي قاله...."يا حبايب قلبي عرفنا انتوا عايزين ايه..متوجعوش دماغنا بقي"
26- الجزيرة كل كلامها مع المظاهرات
27- لا لا استنوا...فيه ناس خلاص هبطت وبدات تزهق وتتعب والاحزاب المعارضة اتظبطوا الظبطة الصح من مبارك.. وبقوا بيايدوه....الراجل واااااااااصل ومدقدق مش فرفور...ده رجل جيش
28- لعبها مبارك صح...وقع الشعب في بعضه...من اول ما بدا يخرج مظاهرات صغيرة جدا للاسف الشباب استهزأ بيها وقالوا دول ميكملوش 100 واحد حد هيبصلهم
هي دي اللعبة اللي بدات في النجاح من الان والشعب بدا يضرب في بعضه.......يا ناااااااااااااااااااااس في حد يامن منه بعد كده....
كملوا بقي قراية التوقعات هنا لاني مع الراجل ده:
http://www.nilemotors.net/Nile/199327-a.html
عايزين بقي نبدا نفكر نحل....بدلا من اللي بدا يؤيد يقول خلاص وينزل يضرب في اخوه...وبدل ما المتظاهر الرافض يضرب في اخوه اللي اتضحك عليه...لازم الشعب يتجمع تاني.......
مبارك صاحب العقل الماكر لعب ابسط لعبة عرفها الوجود ودخلت علي الشعب المصري....التفريق وذرع الفتنة
الحل الوحيد هو ان المظاهرات اللى جاية بدل متطالب برحيله تركز على حصول ضمانات حقيقية علشان يحصل انتقال سلمى للسلطة بعد انتهاء الفترة الرئاسية
انا للمرة الثالثة هحط لينك الشيخ الشعراوي رحمة الله عليه عشان فعلا انا بعيط كل ما اسمعه لعل الناس تعيط معايا وتفهم:
[youtube]http://www.youtube.com/watch?v=aT1OgjqkGCo[/youtube]
http://www.nilemotors.net/Nile/199177-a-38.html
فى الصفحة دى
الله اكبر................دي الكلمة الفاصلة ..........اسمعوها كويس من الشيخ العالم رحمة الله عليه
"اذا رايت معركة بين حق وحق..لايمكن توجد لان الحق واحد...ولاتطول معركة بين حق وباطل لان الباطل دائما زهوق"
اللهم اعلي كلمة الحق وازهق كلمة الباطل...........امين
اللهم ارنا الحق حقا وارزقنا اتباعا وارنا الباطل باطلا وارزقنا اجتنابا
[youtube]http://www.youtube.com/watch?v=qasaZVzWfIc&feature=related[/youtube]
مبارك لو الدنيا هديت مش هيسبها ابدا وهيمسك ابنة لانة هيصفى الناس دية بكل سهولة
لازم يمشى ويعد سلمان لحين اجراء انتخبات
رئيس الوزراء بيقول ان اللي حصل امبارح سيتم التحقيق فيه
سامحوني يا اخوة بس حاسس اني عاوز اجيب اللي في بطني
انا عندي فكرة...مع ان ده مش تفكيري...لان مبارك دلوقتي بيحارب عشان الاسباب :
1- المصلحة المالية..يكمل لم فلوس ويحافظ علي اللي لمه...طمع
2- التوريث
3- الانتقام
4- عدم التعرض للمحاكمة والاتهام
احنا ممكن نوجهله خطاب...الشعب يوجه خطاب الي الرئيس مبارك
ما يريده الشعب هو استقرار البلاد...وعلي ذلك يتوجه الشعب المصري للرئيس مبارك ولكل دول العالم بتعهد بعدم التعرض له ولا توجيه اي اتهامات له بخصوص اي قضايا مالية او انسانية او سياسية و ذلك اذا اعلن مبارك تنحيه عن الرئاسة وترك السلطة وترك القصر الجمهوري والسفر خارج البلاد اذا اراد وفض الحكومة و اعلان رئيس المحكمة الدستورية العليا رئيسا مؤقتا للبلاد والذي بدوره يتعهد بالجلوس مع ممثلي الانتفاضة والاجتماع علي حكومة مؤقته ايضا لا ينتمي اعضاؤها لاي حزب او تجمع ولكن من مواطني الشعب المخلصين
واعلان فض مجلسي الشعب والشوري و واستعداد البلاد لخوض انتخابات نزيهه تحت اشراف القضاء العادل بعد الاجتماع لتغيير الدستور لمصلحة المواطن المصري
انا مش عارف ايه الترتيب اللي المفروض نمشي بيه في تغيير السلطة بس خطاب زي ده هيبدا يخلي مبارك يفكر تاني ونرمي الكرة في ملعبه ونشوفه هيعمل بيها ايه
ايه رايكم....الي عنده اضافات او تعليقات يقولها ضروري
و الله يا جماعه اللي اعرفه و يتفق عليه العقلاء , انه لما يكون مطالب شعبيه اتفق انها مطالب مشروعه و تم التعبير عنها من جانب قوي من الشباب الواعي بغض النظر عن الوسيله التي جمعتهم علي هدف واحد المهم انه لولا انها اهداف مشروعه و عادله لم تكن لتتحقق , و يتفق العقلاء ايضا ان تحقق حجم هذه المطالب في زمن وجيز هو مكسب سياسي كبير لمن يعي هذا و انه من ذلك التاريخ ستنمو قوي سياسيه واعيه تستطيع مراقبه اداء الحكومات و اسقاطها ان ارادت , و انه لن يجرؤ اي سياسي مهما بلغ من الذكاء و المهاره علي التلاعب بآمال الشعب مره اخري بعد حدوث ذلك .
لكن ما يحدث الآن هو الخروج و التعدي علي نظام الدوله العام , و محاوله فرض الرأي بالقوه و الاتصال بقوي خارجيه لمحاوله الحصول علي التأييد الخارجي , و تشويه صوره مصر خارجيا , يكفي ان اشرف السعد طالع علي الجزيره و يقوم بتوجيه احد المعتصميين و يقول له عايز تقول ايه للرئيس اوباما عشان يتدخل ؟؟؟!!! ده ينفع؟؟ ده اسمه استقواء خارجي و خيانه الدوله و طبعا كلنا عارفين مين اشرف السعد و مين الشباب اللي كان بيكلمهم في الميدان .
كفي ذلك. لأن السيناريو القادم شيء مرعب لن يتحمله احد , و احب اقول للناس اللي عايزيين مبارك يترك الحكم دلوقتي , انتم نسيتم جورج دبليو بوش لما طلعت مظاهرات مليونيه عديده تريد اسقاطه من الحكم بسبب حرب العراق و انتشار البطاله هل مشي في وقتها و لا مشي في وقت الانتخابات ؟؟؟؟
اعتقد انه من الواضح جدا النوايا الحقيقيه لمن يعتصمون الآن و انهم الآن في مأزق حقيقي , لأنهم ببساطه هم من لا يريدون ان تنفض الجموع من حولهم عشان يتوهوا فيها عملا بمبدأ ( الكثره ستره) , و يريدون ان يضغطوا
بمبدأ سياسه النفس الطويل عملا بورقه محاوله استثاره المزيد من الجموع ممن يتضررون من الوضع الحالي و من توقف حال البلاد و ادي لخسارتهم .
رجاء سرعه ادراك الموقف , و انا بقول ذلك و انا وانا شاب عادي في اواخر العشرين مش راجل كهل و اقسم بالله العلي العظيم اني لا انتمي لأي توجه سياسي او اؤيد افكار حزب ما لاني ببساطه لا احترم اي حزب سياسي في مصر فكلهم هدفهم الزعامات سواء وطني او غيره من الأحزاب و اللي بيحصل دلوقتي هو عباره عن اتفاق و تصفيه حسابات بين جميع احزاب المعارضه المشروعه و الغير مشروعه ضد الوطني ممثلا في مبارك و استغلوا تردي الحاله الاقتصاديه و غياب العداله الاجتماعيه و غباء الشرطه في الكثير من الأحيان في التعامل السليم مع المواقف و خروج جهاز امن الدوله عن اطاره المرسوم له و اصبح يتدخل فيما لا يعنيه مما ادي لرصد الكثير من حالات اختراق القانون و استغلتها قوي المعارضه و بالتنسيق مع القوي الخارجيه و بدعم منها علي شحن جموع الشعب بشتي الوسائل و السبل للحصول علي ما يريدون .
و بالنظر لما خسرته مصر في فتره حظر التجول و الذي يتجاوز المليارات و الذي لم يحلم به الد اعداء مصر و قد قدموه لهم , و هم الآن خائفين من وقت الحساب لأنه ببساطه سيتم محاكمتهم بالقانون العسكري الذي تخضع له البلاد الآن و سيحاكمون كخونه للوطن و لن تقف لمساندتهم اي دوله ممن يلجأون لها .
يجب ان نفيق يا جماعه و ندرك ما حققناه من مكاسب شرعيه , و ان مصر تولد من جديد و ينبغي ان يتم دعمها بكافه الجهود المخلصه للنهوض بها , لان اللي بيحصل دلوقتي ده يعتبر حرب علي مصر تدار بحنكه شديده وبدعم اجهزه مخابرتيه . اتقوا الله يا جماعه و عودوا لدياركم واثقين من انفسكم قادرين علي التغيير حاملين الأمانه و شرف النضال الحقيقي لما آمنتم به و حققتموه بسواعدكم البناءه طامعين في غد افضل و اتركوا الخونه و المندسين ليواجهوا مصيرهم المحتوم .
سيدي المحترم
معركة الإبل هي تلخيص لما كان قبل 25 يناير و ما بعد 25 يناير
الصراع كان بين الجمل و الحمار vs تويتر و فيس بوك
أناس قادمون من عصر أبو لهب و أناس قادمون من عصر ال أي باد
العالم كله متجه حاليا إلى المستقبل و لا يمكن إيقاف عجلة الزمن ..
حاجة تكسف..
الجديد بقه علىالعربية والي بي سي ...حملة اعتقالات للمراسلين عن طريق اقتحام غرفهم في الفنادق..
تقريبا عاوزين يوقفوا التغطية الحيةولو لساعات يعملوا مذبحة ويفضوا الليلة
ربنا يستر على الناس اللي في الميدان بجد...الناس دول عاملين ضغط رهيب واحراج للحكومة امام الاعلام العالمي
يا جماعة...التليفزيون المصري بيعمل جريمة بشعة بقالها كام يوكم وبدأت تتركز من امبارح
عاوز يولع بجد في البلد...
بيشحنوا الناس ضد المتظاهرين باتهامهم انهم خونة عملاء تابعين لجهات اجنبية معادية
العيال البلطجية وحتى كتير من الناس العاديين عاوزين يفتكوا بالمعارضين لمبارك
العيال مسكوا مراسل يوناني وقتلوه من الضرب على اساس انه تبع المخططالاجنبي
الله يخرب بيوتهم...النظام فقد صوابه فعليا
هو ده الى عاوزينه يا ابو صلاح ووصلو ليه انه يزرعو الرعب فى قلوب المصرين
الى بيحصل دى حرب ضد الشعب اولا والثوره ثانيا عشان الشعب هو الى يحارب الثوره بحثا عن لقمه العيش والامان الى هما السبب فى غيابه
تقدر تقوللى الشرطه منزلتش الشارع ليه ؟ بالرغم من اختيار حكومه جديده ولا الوزير الجديد مش قادر عليهم
تقدر تقوللى اشمعنى السجون هى الى كانت مستهدفه مش المعتقلات ؟
تقدر تقوللى هما ملغوش حظر التجوال ليه لحد دلوقتى ؟
تقدر تقوللى ليه نائب الرئيس انهارده رابط نزول الشرطه فى الشارع ورجوع الامان بفض الاعتصامات اولا ؟