معركة الإبل...ماذا بعد؟؟؟!!
بغض النظر عما ستحمله الساعات القادمة وبغض النظر عن تنحي الرئيس او استمراره 6 شهور او حتى الى ان يشاء الله فانه و
مما لا شك فيه ان صورة الرئيس مبارك اصبحت مش ولا بد في عيون الناس حول العالم
كل الاجراءات التي تم التعامل بها مع المظاهرات منذبدايتها وحتى هذه اللحظة...تثير مزيج من
الاستنكار والاستغراب واحيانا ايضا الضحك...والضحك الشديد
بداية بقمع الوقفة السلمية في الميدان في فجر يوم 26 يناير
ثم اغلاق المواقع الاجتماعية
قطع الانترنت والتليفون المحمول
تجاهل مصطنع وبطء في الاستجابة والتحدث الى الشعب
سقوط مئات القتلى والاف الجرحى اما بيد الشرطة في زيها الرسمي او المدني او بيد البلطجية
استخدام الطائرات المقاتلة اف 16 وهليكوبتر على ارتفاع منخفض ومخيف من اجل ترويع الناس في الميدان
ثم جاءت اطرف الاشياء وهي استخدام البلطجية بالابل والخيل وعربات الكارو في مشهد فكرني بالافلام التاريخية
يا ترى ماهي الخطوة التالية؟؟
http://i376.photobucket.com/albums/o...ge-570x377.jpg
الناس مش عايزة تسيب ميدان التحرير وتمشي ليه؟ حد يفهمني
دلوقتي في خرب طاحنة في ميدان التحرير وصلت ل 4 قتلى و 1500 مصاب
عايز اعرف الناس دي د تعمل ايه هناك سواء مؤيد او معارض
في ايه اغلى من الحياة يستاهل ان الناس دي تحافظ عليه
انا عنا بسال كل واحد مؤيد او معارض ليه انت موجود في ميدان التحرير لحد دلوقتي ؟
مستني طوبة تيجي في دماغك ؟
مستني مولوتوف ييجي يولع فيك؟
مستنى الفريق التاني يأسرك ويوسعك ضربا حتى الموت؟
مستنى تصاب اصابة بالغة فلا تجد من يسعفك فتظل معك عاهة طوال حياتك او تموت متأثرا بجراحك؟
لو مت في هذه المواجهة هل تعتقد بأنك ستكون شهيد أم منتحر أم ماذا؟
معلش يا جماعة دماغي هتنفجرمخي هيقف من التفكير
حالنا واقف
الشهر خلص ومفيش فلوس ومقبضناش
ولما نرجع يا ترى الشغل هيرجع مستقر تاني ولا ايه؟
انا شغال في شركة دعاية واعلان لما الوضع يستقر يا ترى هنلاقي شغل بعد الخراب ده
حسبي الله ونعم الوكيل