سؤال بسيط : أين السيد جمال مبارك رئيس لجنة السياسات بالحزب الحاكم ؟؟ مكن حد يجاوبني
انا مستغرب جدا ان السيد جمال مبارك لم يظهر بتاتا خلال الأزمة اللي كلنا عشناها و ما زلنا بنعيشها و المرحلة الصعبة الي بلدنا بتمر بيها من صراعات طاحنة ممكن تاخدنا لسكه ربنا لا يكتبها علي البلد
هل هو في مصر معانا ولا سافر برا و لا فين بالظبط ؟؟؟؟؟
انا واحد من الناس كنت متوقع انه يطلع علينا بخطاب يعلن فيه عن ارائه فيما يحدث خصوصا و انه ابن رئيس الجمهورية الحالي و انه رئيس لحنة السياسات في الحزب الوطني اللي بيحكم مصر و انه من ضمن الشخصيات اللي كانت مرشحة بقوة لرئاسة الحكم في مصر خلال الفترة القادمة و الي يمكن كان من ضمن اهم الأسباب التي دعت الي قيام الثورة و طبعا دا غير انه مواطن مصري عادي له كل الحقوق كأي مواطن مصري آخر قبل اي شئ تاني
معقوله انه ما يطلعش ابدا و يتكلم مع الشعب و مع الشباب اللي هو كان مرشح بقوة انه يبقي رئيس له
طيب لما الشخص اللي كان مرشح من ضمن الشخصيات اللي مممكن تحكم اليلد ا يختفي في احرج الأوقات بالشكل دا هل من الممكن اننا نثق فيه و ننتخبه لرئاستنا خلال الفتره القادمة
انا مش عارف اقول ايه بصراحة
كان نفسي يطلع و يتكلم علي الأقل لتحسين صورته امامنا يمكن نستشعر فيه حاجات مشفنهاش قبل كدا
لو فاكرين ازمة ماتش الجزائر في تصفيات كأس العالم و كأس امم افريقيا 2010 و الحضور الكبير اللي حرص أ/جمال مبارك عليه و تواجده مع الجمهور في الإستاد
فين الكلام دا دلوقتي هل اللي احنا فيه لا يرقي لأهمية ماتش الجزائر و كرة القدم
معقوله الكلام دا
مش كان من الأولي بيه أنه كان يبقي موجود معانا في اللحظات العصيبة دي عشان علي الأقل يكسب تعاطفنا و نعرف كان ازاي هيتصرف في الأزمات و تبقي تجربة لنحكم بيها علي طريقة تفكيره و اتخاه للقرارات في الظروف الصعبه
انا مش ضد ترشيح جمال مبارك للرئاسة و لكن بشرط انه يدخل انتخابات نزيهه و طبعا بعد تعديل الدستور لإتاحة الفرصة لأي مواطن انه يترشح و تحت اشراف قضائي كامل و نزيه علي العملية الإنتخابية
انا مستعد جدا اني اصوت لجمال مبارك بكل صدق بس لما احس انه فعلا يستحق صوتي و لما احس فعلا انه هيعالج كل سلبيات الحزب الوطني و يقضي علي الفساد الموجود به حاليا و لما احس فعلا انه بيحب مصر و تهمه مصحلتها قبل اي شئ تاني في حياته و انه هيحكم بالعدل و مش هيراعي غير ربنا في حكمه للبلد
بكرر سؤال مرة تاني : فين رئيس لجنة السياسات في الحزب الوطني اللي بيحكمنا حتي هذه اللحظة ؟؟
يا ريت لو حد يعوف يقوللي
