الموضوع: أخبار جديدة بالنسبة للألوان و التسليم

عديت بالأمس على أبو غالي النزهة للسؤال عن مواعيد التسليم و الألوان و عن سبب التأخير في التسليم في شهر 5، و كانت النتيجة كالآتي:

1- بالنسبة للألوان: أبو الفتوح ينتج جميع الألوان ما عدا اللون العسلي (التحفة) و اللون الأزرق الزهري (تحفة بردة) !!!!!!!!!!
و قالولي إن عادي في اللون الأحمر و إنهم سلموا 6 عربيات باللون ده حتى الآن
العربية العسلي اللي الناس شافتها في اسكندرية و القاهرة، هي كانت عربيتين فقط للعرض واحدة للإسكندرية و احدة للقاهرة و اتباعوا

2- بالنسبة لمواعيد التسليم: فالسبب إن أبو الفتوح قرر في أول شهر 5 إن مافيش عربية تنزل من غير التأكد إن مافيهاش أي عيب ممكن يكون ظهر مع أي حد (دبة أو حكة في الدركسيون أو خشونة في الفتيس أو سخونية) (و طبعا مش كل ده ظهر مع بعضة في كل عربية) بس ده من واقع مردود الناس من بعض العربيات على التوكيل في الصيانة (زي ما حصل في اللانوس أول ما نزلت).

المهم، حبيت أشارك ده مع الأخوة هنا (بالنسبة للألوان و التسليم)

رأيي الشخصي:
التوكيل ده محترم يا جماعة و زي ما قلنا قبل كدة بيدافع عن مكانة في السوق (و ده مكان مش شوية خالص)، و هما مش ناس غشيمة و لا أول مرة يشتغلوا في تقفيل العربيات علشان يجيبوا عربية عارفين إنها هاتخسرهم، و كمان يدي عليها ضمان 100000 KM أو 3 سنين، و العربية فعلا في خلال سنة أخري إن شاء الله هايكون ليها اسم و وضع تاني خالص ( و الأيام بيننا).