الموضوع: ايه اللى اتسرق واتحرق واتقلب عندك فى منطقتك ومحافظتك...

المشاركة الأصلية كتبت بواسطة i_am_legend

والطبنجة الميرى...........ب200 جنيه!!!!!!!!!!!!!!!!!!!!!!!

والله اسعارهم حلوة...........

امانة عليك تشتري لي طبنجة ووالله هدفع لك تمنها اول ما نتقابل الضعف او الضعفين المهم تشتري لي واحدة
من النهاردة لازم كل واحد يبقي فيه في بيته طبنجة علشان اي كلب يفكر يقرب من بيته يخرمه

المشاركة الأصلية كتبت بواسطة نور القمر

فرح بنت عمي كان المفروض الاتنين اللي فات في مينا بلاس
رايحين يوم السبت نفرش شقتها خطيبها قالنا ارجعوا الاوتيل خلاص كل سنة وانتم طيبين حتى اللمض اتسرقت
وبالتالي العروسة والعريس فرحهم اتأجل لاجل غير مسمى والاوتيل معندوش استعداد يرجع الفلوس المدفوعة بالكامل مقدما
والله انا بحمد ربنا الف حمد وشكر ليك يارب
عشان اليوم ده كنت عايزة انزل المول اكمل شوية حاجات استعداد للفرح ومنزلتش واجلتها للسبت وبعدين بنت عمي اتصلت قالت نفرش السبت قلت طيب بعد الفرش انزل
طبعا كل مولات الهرم اتنهبت والفنادق والمحلات وقسم الطالبية معرفش قسم الهرم اخباره ايه
انا مشوفتش بنفسي بس كل اللي خرج قال كدة

المشاركة الأصلية كتبت بواسطة karim fathy

شارع الهرم .. اللى انا متاكد منة ان كل الكازينوهات بقت على الارض - موبيل شوب - راديو شاك - رينج - راية - ومحلات ملابس - فندق اوروبا كانو طالعين شايلين المراتب و المخدات و خلو على الارض لدرجة انهم شالو الالمونتال من الشبابيك وولعو فى الفندق فى الاخر و سمعت انة حصل اغتصاب للبنات اللى كانو جوة بس مش متاكد - صيدليات بقت على الارض .. دة اللى انا شوفتو بعينى فى ناس بتقول التوحيد والنور و دارى و محلات تانية

المشاركة الأصلية كتبت بواسطة karim fathy

ولعوا فيييية دة كان لسة بيتعمل بيتهيئلى

المشاركة الأصلية كتبت بواسطة نور القمر

قسم الطالية كان قسم العمرانية في الاول
فلو فيه شغل هايبقى تجديد
محدش عنده فكرة مستشفى الهرم اخبارها ايه

قسم الطالبية اللى هو قسم العمرانية سابقا وكان بيتجدد اتحرق واتسرق كل اللى فيه حتي البوكسات اللى كانت فيه سرقوا الاول الكاوتشات بتاعتها وبعدين ولعوا فيها
مستشفي الهرم اخر مرة شفتها امبارح كانت سليمة
بقية شارع الهرم الله يرحمه كله

المشاركة الأصلية كتبت بواسطة karim fathy

بتهيئلى مجرلهاش حاجة انا والله قلبى فعلا على الشباب او الناس الى كانو شغالين فى المحلات دى زمنهم عوطلية يعنى بدل ما كان نص الشعب عاطل بقى كل الشعب

متزعليش اوي البلد كله بقت عواطلية والحمد لله

المشاركة الأصلية كتبت بواسطة yoko

الحمد لله النزهة الجديدة ولا حالة سرقة واحده لا محلات ولا بيوت

كل مصر بتحقد عليكم يا باشا