الموضوع: الإخوان المسلمين و حكم مصر

المشاركة الأصلية كتبت بواسطة mahmoudysf

وماذا يحدث الان في التحرير ولماذا لم يتم تقديم حلول حقيقية
وساعتها هيبان مين اللي هيرجع البيت ومين بيعمل بلبلة

ما يحدث في التحرير الان هو وجود قلة من شباب 25 يناير وناس منهم بتلف على القنوات انهم الزعماء رغم ان الحركة فعلا مالهاش زعيم واغلبية من الاخوان وبلاش نضحك على نفسنا وننكر
ودلوقت دعوة لمظاهرة مليونية يوم الاحد والثلاثاء والجمعة يعني وقف حال مستمر والاسبوع اللى بعده تبق سبت واتنين واربعاء وجمعة
الرحمة بالبلد وبالناس
شوف مشاركات اعضاء كتير هنا بقت بتأن وبترفض بشكل عنيف وحاد استمرار التظاهر لانهم متضررين جدا
وايه الحلول الحقيقية المطلوبة ؟ لو فيه اتفاق على حلول قابلة للتطبيق انا اول واحد موافق انما شوية عيال يقولوا مطالب لا يمكن تتطبق ويقولوا وكمان بعد كدة مش هنرجع بيوتنا هنفكر هنعمل ايه يبقي استفزاز بجد



الموجودن الان في التحرير ناس مصريين ليهم مطالب وسقف مطالب لم يتم تقديمة حتى الان

لا مفيش سقف مطالب نهائي يا سيدي الفاضل
كل يوم مطالب جديدة
لغاية امبارح كان رحيل الرئيس
النهاردة بيقولوا ده الحد الادني من مطالبنا وبعد كدة فيه مطالب تانية زي اقالة النائب ورئيس الجمهورية وحل المجلسين والغاء الدستور وعمل دستور جديد
طيب وبعد كدة هترجعوا البيوت
لا هنبقي نفكر
لا كدة استفزاز بجد


يتضمن الموجودين ناس عاديين وشباب من اللي اشتركو من اول يوم وناس اتجرات وخرجت وحست ان ليها دور لازم تكملة وناس ليه طمع في السلطة وفيه اخوان
كل دول الان بيجتمعو على مجموعة مطالب وسيبك من الشعارات اللي بتترفع
ولو اتحققت المطالب دي ساعتها هيبان كل واحد ليه اجندة خاصة غير اجندة كل المصريين وساعتها هيتكشف
وخوفك ان تستمر الفوضى لن يحدث لان ساعتها زي ما قولتلك بعد تحقيق المطالب المشروعة سيظهر من ينظر الى مصالحه الخاصة وسيتم تحجيمة من كل الناس
وبعدين هو احنا بنتكلم على كفر الهنادوة كلو هيتخانق ويقول عايز ابقى عمدة
دي دولة المفروض هيتعمل ليها دستور جديد ده لوتم واللي عايز يحكم يتقدم للانتخابات
انا عايز اعتراض منطقى مش خوف وخلاص

بص حضرتك وانزل ميدان التحرير وشوف هل دول اللى بيمثلوا الشعب المصري كله فعلا ؟
هل دول شباب 25 يناير او حتي بيمثلوا اغلبية فيها زي ما كانوا هما بس الموجودين وقت الضرب الحقيقي ؟؟؟؟؟؟؟؟؟


اما التعويم والتعتيم لحين انتهاء الامور ونرجع نقول ايه اللى حصل الفترة اللى فاتت يبقي متاخر اوي
ومش لسة هانصنف الكل بدا يصنف التاني واي حد معارض لحد يبقي عميل وخاين وبيفتت القضية او عميل للحكومة وقابض من الامن

ايوه بلاش تصنيف دلوقتى وتشتيت الجهد

ايوة كدة دي اهم حاجة كلنا هدفنا مصلحة البلد وبس

في مطالب لجميع الموجودين في التحرير وانا عارف جيدا انا بتكلم ازاي لو اتحققت 75 % من الموجودين هيروحو هتقولى والباقي هخلينى معاك لو فرضنا ان الباقى من اللي في التحرير اخوان ساعتها لازم ينساقو للامر الواقع والا هيبو مفضوحين اوى انهم مش عايز اسقرار بعد ما اتحققت المطالب
نيجي بقى للمطالب ودي اللي اتمنى تناقشنى فيه مش فزاعة من اللي جاي وخلاص
1-اعطاء امر فورا بحل مجلسي الشعب والشوري
2-عمل هيئة من خبراء القانون متفق عليها ودول موجودين لتعديل الدستور

الله ينور عليك كدة بدات تقولي خطوات ونشوف تنفع فعلا زي ما بتتقال ولا لا
اللجنة المقترحة دي مبدئيا محدش هايتفق عليها لدرجة ان خبير دستوري زي الدكتور ابراهيم درويش يجي عيل زي عصام سلطان يتهجم عليه
بعد ما تتشكل هاتعمل الدستور خلال مدة اد ايه ؟؟؟؟؟؟ وخد بالك لازم يبقي دستور مفيهوش مشاكل وسليم
مشكلة تانية بخصوص المادة التانية من الدستور وتنص على ان الشريعة الاسلامية المصدر الرئيسي للتشريع هل ستبقي ام ستلغي ؟
ولو ابقيت من يضمن لك ان المسيحيين في مصر وعددهم بالتقريب 8 مليون لن يخرجوا الي ميدان التحرير حتي يتم الغائها اولا
وان الغيت من يضمن لك ان الاخوان المسلمين وعددهم حوالي مليون لن يخرجوا لميدان التحرير حتي يتم الابقاء عليها ؟؟؟؟؟؟؟؟
يبقي دخلنا في حالة فوضي لن تنتهي ابدا
وكل مواد الدستور فيها مشاكل بنفس الطريقة ولو مش مصدقني اقرا كتب دكتور يحي الجمل وجابر جاد وعاطف البنا وابراهيم درويش ودول كبار فقهاء القانون الدستوري في مصر الان

3-اعطاء جميع صلاحيات رئيس الجمهورية الى نائبة حتى انتهاء فترة الرئاسة وعمل التعديلات اللازمة اللي تضمن تكافؤ فرص الجميع فى الترشح وضمان نزاهة الانتخابات

على اي اساس سيعطيه الصلاحيات ؟
على اساس الدستور الملغي ؟ سيكون ذلك غير صحيح وبالتالي اي عمل يقوم به سيكون باطل
طيب على اساس الدستور الجديد الذي لم يتم وضعه بعد ؟ كيف يقوم بعمله بناء على دستور غير موجود ؟؟؟؟؟؟؟


4-بقاء الرئيس وبلاش رحيلة اوشنقة زي ما الناس بتقول ولاكن بعد تسليم صلاحياتة الى نائبة يظل بصفة صورية ودي تضمنله بقاء مدتة بكرامة

لو حضرتك ركزت كدة شوية وقريت التصريحات بتاعة الفترة الاخيرة والاعمال اللي بدات تتم فعلا هتلاقي ان ده الواقع الفعلي الموجود دلوقت
الرئيس فعلا مجمد ولا يتخذ اي قرارات وكل الامور في يد الجيش والنائب
لكن كما صرح النائب ورئيس الوزارة ولم ينتبه الناس اما لانه لم يكن كلام صريح - ولا يمكن يتقال بشكل صريح لانه يبقي انقلاب- او لان الناس مش عايزة تاخد بالها ان بقاء الرئيس ضرروي من اجل الاصلاحات التشريعية
و ده مربط الفرس ان لازم التعديلات الدستورية تتم بشكل لا يجعلها باطلة فيما بعد وندخل في حلقة مفرغة
وعلى فكرة انا معجب جدا بجملتك الاخيرة بشكل لا تتخيله يا ريت الناس المعارضة تفكر زيك كدة

لو فيه حاجة غلط فى المطالب اللي فوق ناقشة بدون الرعب غير المبرر
وبعدين هتقول لا الناس دى مش هتمشى وعايزة وعايزة
ارد عليك واقولك اذا كان دلوقتى وبدون تقديم شيئ يذكر وفيه ناس كتير بتطالب بفض الاعتصام فما بالك لو تم تفيذ هذة الاجراءات
انا اعرف ناس كتير لو وصلو لهذة الطلبات هيرجعو فورا
بس تنفيذ مش وعود لا يتم تفيذة ولعب على مشاعر الناس وخلاص

ناقشتك فيها من غير رعب ولو اني خايف الشهور الجاية وفي ظل حكم مختلف منقدرش نعمل مناقشة زي دي
نفسي حد من الناس المتفائلة يبعت لي شحنة تفاؤل
ويا سيدي الفاضل اسمع تصريحاتهم لمحطات التليفزيون المختلفة عربية وخاصة مصرية هتلاقي ان الموجودين في التحرير دلوقت بيفكروا بطريقة مختلفة تماما عن كلامك ومصممين على عزل الكل وبعد كدة يفكروا يعمل ايه و دي فوضي وتخريب بمعني الكلمة


وما هي مصلحة مصر الان في هذه الاوقات العصيبة ؟؟؟؟؟؟؟؟

شوف الطلبات اللي فوق كويس وانت تعرف ايه مصلحة مصر
مش معقول بعد كل المخاض ده والمولود يكون فار

اما تعليقي عليك فيما فوق فيما يخص الاخوان ومن الواضح انك تعرف عنهم تفاصيل اكتر منى
لاكن هرد عليك في نقاط مححدددة
1- انا لااعرف سياسة الاخوان كجماعة ولا ازعم لان بيتهايالي صعب تعرف هما بيفكرو في ايه اللي لو كنت تعرف حد فيهم شخصيا ومش اي حد كمان
اما على مستوى الافراد ففانا اعرف منهم حوالى 5 او 6 عن قرب لم اجد سلوك مشين فى تصرفات اي منهم بل بالعكس قمة الثقافة والاحترام ومساعدة الناس وده اللي شايفه والله اعلم بالنوايا

وانا كمان اعرف ناس كتير منهم وهما علي المستوي الشخصي ناس محترمة جدا والله وقمة في الاخلاق لكن عند الدخول في اي خلاف سياسي او فكري شوف رد الفعل بيبقي ايه ؟
جماعة الاخوان من طول معاناتها من الرفض من النظم الحاكمة هما كمان اصبحوا بيرفضوا وبعنف وبيضطهدوا اي حد مخالف ليهم في الراي ده طبعا بجانب الطاعة العمياء لاوامر الجماعة بدون اي تفكير فيها ولا يجرؤ عضو منهم على مخالفتها والا اصبح اخ ضال وربنا يهديه زي ما قالوا عن حسن مالك وهو من قيادات الجماعة لما اختلف مع بعض قياداتها


2-ذكرت ان اعضاء نقابة المحامين نصف مليون عضو وان الاخوان 40 الف عضو ونجح الاخوان هل زورو الانتخابات هل انقضو بالشوم والملتوف واحتلو النقابة انت نفسك رديت وقلت بالانتخابات سبحان الله يبقى تلومهم ولا تلوم النصف مليون اللي تقاعسو وسابوهم ينجحو وبعدين خليهم نجحو واستاثرو بالخمات لاعضاء الاخوان فقط هل هما ورثو النقابة على طول ولا فيه انتخابات تانية ساعتها الناس تحدشد وتنتخب حد غيرهم وساعتها هينكشفو محدش ينتخبهم تانى
مش كدة ولا اية
نفس الكلام ينطبق على انتخابات اعضاء هيئة التدريس الناس تقاعست وهما نجحو يبقى هما برضة لا يلامو
وبعدين كل اللي فات بياكدة وجهة نظري انهم ما بينقضوش على حاجة هما بيدخلو الانتخابات منظمين وغيره العكس
يبقى لو فيه دستور سليم للانتخابات الرئاسية وهما اتقدمو ساعتها هيبان حجمهم الاحقيقي لان ساعتها محدش هيتقاعس عن التصويت في انتخابات الرئاسة
ولو الناس تقاعست يبقى دى مش مشكلة الاخوان
مشكلتك انك اختزلت المظاهره في يوم 25 و28 وكان كان الهدف هو المظاهرة في حد ذاته
مش اية المطلوب من وراء المظاهرة
وما زلت اكرر هناك كثير جدا وهم الاغلبية موجودين في ميدان التحرير لا يملكون اى اجندات ولاكن عايزين خطوات محدة مش يضحك عليهم بشوية قرارات ونرجع للعصور الباءدة تانى

الله ينور عليك وهايفضل ده الوضع في اي انتخابات مقبلة وخلينا واضحين مع بعض الناس بردو مش هتنزل تنتخب واللى هينزلوا هما بتوع كل مرة كل ما في الامر ان بلطجية الحزب الوطني هايبقوا بلطجية لافراد بجانب ان الباقيين هايبقي ليهم بلطجية والشرطة مش هتتدخل في الانتخابات وبردو الاخوان هيفوزوا بالاغلبية وهيمارسوا نفس السياسة ضد الاخرين
والهدف طبعا لم يكن التظاهر لكن اهداف المظاهرات لما بدات 25 مش هي الاهداف اللى بيطالبوا بيها دلوقت
واختلف معاك الاغلبية الموجودة في ميدان التحرير الان ليست هي الاغلبية التي كانت تتظاهر والتي دفعت الدم فعلا
وخطوات محددة ايه اذا كان اللى بيتكلموا منهم مش عارفين هما عايزين ايه وسقف مطالبهم بيزيد يوم بعد يوم ولما يتسئلوا عن اخر مطالبهم يقولوا وقتها نبقي نقعد مع بعض ونتفق
طب مين اللى هيقعدوا مع بعض اذا كانوا مش عارفين يختاروا مجموعة منهم تتكلم باسمهم وكل واحد فيهم بيعرف يجري عل ىقناة خاصة بيعمل نفسه زعيم الحركة زيهم زي الىل جايين يركبوا الموجة

المشاركة الأصلية كتبت بواسطة khaled_nowaihy

اليوم السابع | الإخوان: مقعد رئاسة مصر ليس هدفنا الآن