الموضوع: الإخوان المسلمين و حكم مصر

المشاركة الأصلية كتبت بواسطة funnymickey

انا اتعاملت معاهم من خلال الدين
كنا بنقرأ قرءان ونتعلم تجويد مع بعض الشباب منهم
وهما في الجانب ده حلوين اوي

الجانب السياسي بقي فكرهم عجيب
ومتعرفش هما عاوزين ايه
معارضه علي طول الخط
عبد الناصر - السادات - مبارك
معارضه
حماس في فلسطين
معارضه

ليه معرفش
عاوزين ايه
بردو معرفش
عاوزين يوصلوا للحكم ولا لا
بردو معرفش

موقفهم غامض جدا ومتعرفش هما عاوزين ايه
بس اللي انا متأكد منه

ان الناس دي مش بلطجيه ولا همج ولا اسلوبهم التخريب ولا العدوان
مظاهراتهم كلها سلميه
واللي اعرفه ان كان ليهم دور كبير اوي في قيام ثوره 23 يوليو
وبعد كده عبد الناصر حلق لهم

الله اعلم الكلام ده حقيقي ولا لا
لاني شفته في الجزيره
وانتو عارفينهم
ساعات بينزل عليهم وحي التأليف ويدوها

استاذ صبحي ليس من مصلحة مصر الان وفي هذة الاوقات العصيبة
ان نتناول مثل هذه المواضيع
يجب الا يشتت ذهننا جميعا عما يحدث الان

المشاركة الأصلية كتبت بواسطة dr-mohamed

لا يا استاذي الفاضل لان ما يحدث الان في التحرير وما سيحدث في الايام والشهور والسنوات القادمة هو الاجابة على هذا السؤال
وماذا يحدث الان في التحرير ولماذا لم يتم تقديم حلول حقيقية
وساعتها هيبان مين اللي هيرجع البيت ومين بيعمل بلبلة
الموجودن الان في التحرير ناس مصريين ليهم مطالب وسقف مطالب لم يتم تقديمة حتى الان
يتضمن الموجودين ناس عاديين وشباب من اللي اشتركو من اول يوم وناس اتجرات وخرجت وحست ان ليها دور لازم تكملة وناس ليه طمع في السلطة وفيه اخوان
كل دول الان بيجتمعو على مجموعة مطالب وسيبك من الشعارات اللي بتترفع
ولو اتحققت المطالب دي ساعتها هيبان كل واحد ليه اجندة خاصة غير اجندة كل المصريين وساعتها هيتكشف
وخوفك ان تستمر الفوضى لن يحدث لان ساعتها زي ما قولتلك بعد تحقيق المطالب المشروعة سيظهر من ينظر الى مصالحه الخاصة وسيتم تحجيمة من كل الناس
وبعدين هو احنا بنتكلم على كفر الهنادوة كلو هيتخانق ويقول عايز ابقى عمدة
دي دولة المفروض هيتعمل ليها دستور جديد ده لوتم واللي عايز يحكم يتقدم للانتخابات
انا عايز اعتراض منطقى مش خوف وخلاص
اما التعويم والتعتيم لحين انتهاء الامور ونرجع نقول ايه اللى حصل الفترة اللى فاتت يبقي متاخر اوي
ومش لسة هانصنف الكل بدا يصنف التاني واي حد معارض لحد يبقي عميل وخاين وبيفتت القضية او عميل للحكومة وقابض من الامن
ايوه بلاش تصنيف دلوقتى وتشتيت الجهد
في مطالب لجميع الموجودين في التحرير وانا عارف جيدا انا بتكلم ازاي لو اتحققت 75 % من الموجودين هيروحو هتقولى والباقي هخلينى معاك لو فرضنا ان الباقى من اللي في التحرير اخوان ساعتها لازم ينساقو للامر الواقع والا هيبو مفضوحين اوى انهم مش عايز اسقرار بعد ما اتحققت المطالب
نيجي بقى للمطالب ودي اللي اتمنى تناقشنى فيه مش فزاعة من اللي جاي وخلاص
1-اعطاء امر فورا بحل مجلسي الشعب والشور
2-عمل هيئة من خبراء القانون متفق عليها ودول موجودين لتعديل الدستور
3-اعطاء جميع صلاحيات رئيس الجمهورية الى نائبة حتى انتهاء فترة الرئاسة وعمل التعديلات اللازمة اللي تضمن تكافؤ فرص الجميع فى الترشح وضمان نزاهة الانتخابات
4-بقاء الرئيس وبلاش رحيلة اوشنقة زي ما الناس بتقول ولاكن بعد تسليم صلاحياتة الى نائبة يظل بصفة صورية ودي تضمنله بقاء مدتة بكرامة
لو فيه حاجة غلط فى المطالب اللي فوق ناقشة بدون الرعب غير المبرر
وبعدين هتقول لا الناس دى مش هتمشى وعايزة وعايزة
ارد عليك واقولك اذا كان دلوقتى وبدون تقديم شيئ يذكر وفيه ناس كتير بتطالب بفض الاعتصام فما بالك لو تم تفيذ هذة الاجراءات
انا اعرف ناس كتير لو وصلو لهذة الطلبات هيرجعو فورا
بس تنفيذ مش وعود لا يتم تفيذة ولعب على مشاعر الناس وخلاص



وما هي مصلحة مصر الان في هذه الاوقات العصيبة ؟؟؟؟؟؟؟؟

شوف الطلبات اللي فوق كويس وانت تعرف ايه مصلحة مصر
مش معقول بعد كل المخاض ده والمولود يكون فار

زي ما كانت الحكومة بتقول مصر مش تونس هقولك مصر مش تركيا لاسباب كتيرة جدا تتعلق بطبيعة المجتمع التركي ونظام الحكم السائد فيها منذا ايام مصطفي كمال وسلطة الجيش وانفتاح الجماعات الاسلامية هناك



والله العظيم كلام غير صحيح يا مزجانجي ومن تجارب
مش بكدب طبعا لا سمح الله بس كلامك ممكن يكون مستقي من كلام بعض اعضاء الاخوان المحترمين او من الدعاية المختلفة

انا هقول 3 تجارب فعلية
الاولى في انتخابات نقابة المحامين كان يراس النقابة الله يرحمه احمد الخواجة رجل النظام والتوازن بين الجميع ثم رحل وبعدا توالى عدم مجالس ومنها مجلس سامح عاشور رئيس للنقابة لكن المجلس معظمه اخوان وطبعا انتخابات حرة ونزيهة وبصندوق الانتخابات وفعلا ده صح
لكن هل علشان هما الاغلبية ؟
لا طبعا النقابة بها حوالى نصف مليون عضو والاخوان منهم لا يزيدوا عن 40 الف عضو لكن
ال40 الف عضو كلهم بيروحوا يصوتوا بجانب عدة الاف اخري متعاطفة معهم والاغلبية صامتة فيكسب الاخوان الانتخابات
المهم الاخوان كسبوا الانتخابات وكانت النتيجة تعين موظفين جدد في كل النقابة العامة في القاهرة كلهم من التابعين للاخوان - اقامة مؤتمرات في الغردقة يحضرها الف عضو كلهم من الاخوان لاسبوع على نفقة النقابة - العلاج والله من اصعب ما يكون انك تكون غير منتمي لهم وتقدر تاخد العلاج بتاع النقابة - رحلات الحج والعمرة المدعمة لا يطلع فيها الا الاخوان
طيب المحامين العاديين استفادوا ايه ؟؟؟؟؟؟؟

التجربة التانية:
في 23 مارس من عامين كان هناك اضراب لاساتذة الجامعات المصرية من اجل مطالب متعلقة باصلاح التعليم ومنع تدخل امن الدولة في الجامعات وانتخابات حرة لاتحاد الطلاب
الطبيعي ان يكون الاخوان في مقدمة الصفوف لان كلها مطالب ديمقراطية
للاسف ولسوء الحظ كانت هناك محاكمة لقادة الاخوان ومنهم خيرت الشاطروكان الحكم سيصدر فيها يوم 26 مارس
فوجئنا في جامعتي وعرفت انه ما حدث في باقي الجامعات ان الاخوان رفضوا المشاركة في الاضراب ومنعوا الاعضاء من المشاركة وحين حاولت معرفة السبب من احد قياداتهم في جامعتي كان الرد ان عندنا محاكمة كمان يومين ومش عايزين نعمل مشاكل مع الدولة
واتضح ان هناك صفقة ستتم مقابل عدم مشاركتهم
المقلب ان بعد ما رفضوا المشاركة معانا الحكومة رجعت في كلامها وسجنت قياداتهم

التجربة التالتة
انتخابات نادي اعضاء هيئة التدريس بجامعة القاهرة
الاعضاء حوالي 20 الف عضو المنتمين للاخوان منهم حوالي الفين تقريبا
حضر الانتخابات حوالي 800 منهم تقريبا 500 من الاخوان لكن كل واحد منهم معاه توكيلات من 3 او 4 اعضاء ووفق النظام من حقه ينتخب بدالهم
النتيجة دكتور عبد الجليل مصطفي وهو من الناس المحترمة جدا ومنظم اضراب 23 مارس وهو المنسق لحركة كفاية حصل على اقل من 400 صوت والمجلس كله اخوان والحكومة حلت المجلس وعينت مجلس بديل


ده عن التجارب السابقة والاحتكاك الفعلي مع اخواننا في جماعة الاخوان كجماعة وليس كافراد
كافراد الكثيرين ممن احتكيت بيهم من جماعة الاخوان من الناس المحترمة لاقصي درجة لكنهم ايا كانت درجة تعليمهم اوثقافتهم لا يكون لهم اي راي عند اصدار اي اوامر من الجماعة


نقطة تانية مهمة جدا
بدون اي زعل وكلنا هنا اخوات والمفروض ناس مثقفة وبيننا درجة من الاحترام الكافي
هل سيقبل المسيحيين في مصر وجود حكومة على راسها الاخوان او يحكمها الاخوان من وراء الستار ؟؟؟؟؟؟؟؟؟
حين حدثت كارثة القديسين في الاسكندرية راي الجميع كيف احتقن الوضع العام حتي هنا
لو حدثت حادثة مماثلة وكان الاخوان في الحكم
ماذا سيحدث وماذا سيكون رد فعل المسيحيين في مصر
الن تنهال علينا الاتهامات الخارجية باضطهاد وقتل المسيحيين في الشوارع ؟؟
اذا كانت الاتهامات تنهال في ظل عدم وجود تعمد بالفعل من لااغلبية العظمي ما بالنا لو كان الحكم للاخوان؟
هل سينصبح سودان اخري نحارب بعضنا البعض لسنوات حتي تقسم مصر في النهاية ؟
هل سنصيح لبنان اخري لكل طائفة منطقة خاصة بها لا يدخلها ابناء الطائفة الاخري ونعيش في صراع دائم ؟
هل سنصبح ايران اخري حيث يعدم اي معارض لنظام الحكم ولو حتي معارض بالصوت ؟؟؟؟؟؟؟

هل سيقبل الاخوان تعديل الدستور وحذف ما ينص على ان الشريعة الاسلامية المصدر الاساسي للتشريع ؟
لو قبلوا خسروا شعبيتهم وخالفوا مبادئهم
لو رفضوا سندخل في احتجاجات مسيحية مماثلة خاصة ان المسيحيين 8 مليون تقريبا في مصر ويمكنهم ان يحتلوا ميدان التحرير هم ايضا

هل عرفتم الايام السوداء التي تنتظرنا

لا ارفض المنتمين لجماعة الاخوان كاشخاص
لا ارفض جماعة الاخوان كتنظيم سياسي

وتحليلي هذا للمتوقع في ظل حكم الاخوان لان السؤال كان عنهم
اما باقي المتواجدين على الساحة الان فكل منهم له ما يشابه ويمكن اكتر كمان

اما تعليقي عليك فيما فوق فيما يخص الاخوان ومن الواضح انك تعرف عنهم تفاصيل اكتر منى
لاكن هرد عليك في نقاط مححدددة
1- انا لااعرف سياسة الاخوان كجماعة ولا ازعم لان بيتهايالي صعب تعرف هما بيفكرو في ايه اللي لو كنت تعرف حد فيهم شخصيا ومش اي حد كمان
اما على مستوى الافراد ففانا اعرف منهم حوالى 5 او 6 عن قرب لم اجد سلوك مشين فى تصرفات اي منهم بل بالعكس قمة الثقافة والاحترام ومساعدة الناس وده اللي شايفه والله اعلم بالنوايا
2-ذكرت ان اعضاء نقابة المحامين نصف مليون عضو وان الاخوان 40 الف عضو ونجح الاخوان هل زورو الانتخابات هل انقضو بالشوم والملتوف واحتلو النقابة انت نفسك رديت وقلت بالانتخابات سبحان الله يبقى تلومهم ولا تلوم النصف مليون اللي تقاعسو وسابوهم ينجحو وبعدين خليهم نجحو واستاثرو بالخمات لاعضاء الاخوان فقط هل هما ورثو النقابة على طول ولا فيه انتخابات تانية ساعتها الناس تحدشد وتنتخب حد غيرهم وساعتها هينكشفو محدش ينتخبهم تانى
مش كدة ولا اية
نفس الكلام ينطبق على انتخابات اعضاء هيئة التدريس الناس تقاعست وهما نجحو يبقى هما برضة لا يلامو
وبعدين كل اللي فات بياكدة وجهة نظري انهم ما بينقضوش على حاجة هما بيدخلو الانتخابات منظمين وغيره العكس
يبقى لو فيه دستور سليم للانتخابات الرئاسية وهما اتقدمو ساعتها هيبان حجمهم الاحقيقي لان ساعتها محدش هيتقاعس عن التصويت في انتخابات الرئاسة
ولو الناس تقاعست يبقى دى مش مشكلة الاخوان
مشكلتك انك اختزلت المظاهره في يوم 25 و28 وكان كان الهدف هو المظاهرة في حد ذاته
مش اية المطلوب من وراء المظاهرة
وما زلت اكرر هناك كثير جدا وهم الاغلبية موجودين في ميدان التحرير لا يملكون اى اجندات ولاكن عايزين خطوات محدة مش يضحك عليهم بشوية قرارات ونرجع للعصور الباءدة تانى