الإخوان المسلمين و حكم مصر

**MaZaGAngeE** · 03-02-2011 04:17 AM

سؤال في بال ناس كتير جدا . . . هل سيحكم الإخوان المسلمون مصر ؟ . . . .الإجابة لأ . . ليه ؟ لأن الإخوان جماعة عندها أجندة مختلفة عن أجندة الأحزاب اللي دي فرصة العمر ليهم للوزارة . . لكن فيما يخص الإخوان الموضوع مختلف . لوجود اسرائيل على الحدود و قناة السويس ‎ )معبر التجارة العالمية) . . كمان لوجود اتفاقيات و معاهدات دولية مرفوضة عقيديا عند الإخوان و بالتالي . شكل الحكومة المطلوبة من وجهة نظر الإخوان حكومة مدنية و نظام حكم ديموقراطي مشابه للنموذج التركي . لكنهم يرفضون النموذج الإيراني

**MaZaGAngeE** · 04-02-2011 03:22 PM

كل المشاهدات دي بدون تعليق . . ياترى ليه !

**mahmoudysf** · 04-02-2011 03:29 PM

وادي واحد تعيلق عشان متزعلش
وبالمناسبة انا مش من الاخوان احسن بقينا نتصنف بناءا على ارانا وانا كمان على خلاف على كتير من افكارهم
الاخوان او غير اخوان دول مصريين زيهم زي اي حزب واي فصيل
وكل الفصائل الان بما فيه الاخوان بيطالبو بتعديل الدستور
لكي ياتى الرئيس بانتخابات نزيهة عن طريق صندوق الانتخابات
اذن الشعب هو اللي هيختار من يمثلة
ومن ياتى الى الرئاسة بالانتخابالنزيهه يجب احترامه من الجميع اي كان توجهاتة
ارجو الجميع يفهم ذلك

**cayman69300** · 04-02-2011 03:32 PM

المشاركة الأصلية كتبت بواسطة mahmoudysf

وادي واحد تعيلق عشان متزعلش
وبالمناسبة انا مش من الاخوان احسن بقينا نتصنف بناءا على ارانا وانا كمان على خلاف على كتير من افكارهم
الاخوان او غير اخوان دول مصريين زيهم زي اي حزب واي فصيل
وكل الفصائل الان بما فيه الاخوان بيطالبو بتعديل الدستور
لكي ياتى الرئيس بانتخابات نزيهة عن طريق صندوق الانتخابات
اذن الشعب هو اللي هيختار من يمثلة
ومن ياتى الى الرئاسة بالانتخابالنزيهه يجب احترامه من الجميع اي كان توجهاتة
ارجو الجميع يفهم ذلك

الله يفتح عليك

**Amro_ON** · 04-02-2011 03:38 PM

في بعبع اسمه اخوان ... النظام بيخوف الغرب بيه و عاونا نخاف برده منه ... اولا الاخوان عددهم مش كتير باعتراف الاخوان نفسهم قدرتهم التنظيميه هيا الي مخلياهم كتير ....دا غير في ناس كتير معارضا فكرهم حتى في سلفيين كتير أوي في مصر بتعارض منهج الاخوان

لو فيوم الاخوان قالوا عاوزين نحكم البلد هتكون نهايتهم

**mahmoudysf** · 04-02-2011 03:43 PM

المشاركة الأصلية كتبت بواسطة theprofessiona

في بعبع اسمه اخوان ... النظام بيخوف الغرب بيه و عاونا نخاف برده منه ... اولا الاخوان عددهم مش كتير باعتراف الاخوان نفسهم قدرتهم التنظيميه هيا الي مخلياهم كتير ....دا غير في ناس كتير معارضا فكرهم حتى في سلفيين كتير أوي في مصر بتعارض منهج الاخوان

لو فيوم الاخوان قالوا عاوزين نحكم البلد هتكون نهايتهم

اذن المطلوب حجمهم الطبيعي هما او غيرهم يتعرف من خلال قناة واحدة فقط
وهي صندوق الانتخاباتالنزيهههههههههه ههههههههه

**نور القمر** · 04-02-2011 03:46 PM

انا كنت عايزة حالا اعمل موضوع اسأل لو فرضا الاخوان مسكوا الحكم
عايزة الناس المثقفة في المنتدى واللي قرأوا عن الاخوان ودرسوا سياستهم يعرفونا ايه اسلوبهم او سياستهم المتوقعة لو مسكوا الحكم
ياريت يكون في نقاط
يعني ممكن نتكلم على الوزارات المختلفة سياستها في التعامل مع الشعب هتكون ازاي

**madyyuri** · 04-02-2011 04:01 PM

الكل شغال يقول الأخوان .....الأخوان ....... الأخوان ............. الأخوان

نفسي أفهم بجد، هما الأخوان ليه وحشين؟

علي فكره انا انتمي لحزب الأغلبية في مصر

حزب المشي جنب الحيطة

**FunnyMickey** · 04-02-2011 04:03 PM

انا اتعاملت معاهم من خلال الدين
كنا بنقرأ قرءان ونتعلم تجويد مع بعض الشباب منهم
وهما في الجانب ده حلوين اوي

الجانب السياسي بقي فكرهم عجيب
ومتعرفش هما عاوزين ايه
معارضه علي طول الخط
عبد الناصر - السادات - مبارك
معارضه
حماس في فلسطين
معارضه

ليه معرفش
عاوزين ايه
بردو معرفش
عاوزين يوصلوا للحكم ولا لا
بردو معرفش

موقفهم غامض جدا ومتعرفش هما عاوزين ايه
بس اللي انا متأكد منه

ان الناس دي مش بلطجيه ولا همج ولا اسلوبهم التخريب ولا العدوان
مظاهراتهم كلها سلميه
واللي اعرفه ان كان ليهم دور كبير اوي في قيام ثوره 23 يوليو
وبعد كده عبد الناصر حلق لهم

الله اعلم الكلام ده حقيقي ولا لا
لاني شفته في الجزيره
وانتو عارفينهم
ساعات بينزل عليهم وحي التأليف ويدوها