واسرائيل متدخلش مصر لية!!!!
قلق توتر لخبطه صداع احباط وكل الحاجات السلبية الى فى الدنيا وبعد ما قريت موضع الاخت الى كانت فى المظاهرات هيه واهلها كان فى اخر الموضوع ان اسرائيل نشرت قواتها على الحدود. طب لية؟ متقوليش علشان مصر بعتت كام مدرعة علشان تحكم الامن فى شمال سيناء حتى لو ان ده من ضمن نصوص معاهده السلام الى معاهم.بس متقنعنيش ان ده مكنش متفق علية مع اسرائيل علشان الوضع الحرج للشرطه فى شمال سيناء وسيطرة البدو على الموقف هناك ....بس احنا ايه الى يضمن لنا ان لو الموقف خرج عن السيطرة وحصلت فى مصر حالة من الفوضى زى ما شفنا النهارده ان اسرائيل تستغل الفرصة وتدخل اراضينا بدعوى حماية حدودها مع مصر وتختلق اى موضوع مانتو عارفينهم مبيغلبوش ونلاقى نفسنا فى يوم وليله رجعنا 50 سنة ورا...لازم نحط فى دماغنا كل الاحتمالات وان فى ناس متربصة بينا وعايزين ينتهزو فرصة زى دى .مش عايزين نديهم الفرصة لازم ناخد بالنا ونبقى حكماء فى تصرفاتنا