انا كنت بفكر فيكو

**azmeralda** · 03-02-2011 09:46 AM

انا كنت قلقانة عليكو جدا
طبعا قلقانة على كل اعضاء المنتدى
وانتو بالأخص لكو معزة خاصة عندى اتمنى تكونوا جميعا واسركو وعربياتكو بخير
وخاصة الناس اللى لسه شارية عربيات ربنا يهنيهم بيها امين
ويحافظ لكل واحد فى مصر على شرفه واهله وممتلكاته

لو ممكن كل واحد من قسم فيات يطمننا عليه ولو يعرف حد مدخلش النت لسه يطمننا عليه وجزاكم الله خيرا

**yoko** · 03-02-2011 03:26 PM

الحمد لله الدنيا تمام عندي

**damasry** · 03-02-2011 05:33 PM

الحمدلله بخير وشكرا على السؤال

وياريت فعلا حضرتك تطمنينا عليكى

**kik** · 03-02-2011 11:01 PM

الحمد لله و ربنا يسترها مع الجميع و الواحد كان لسة شاري الايفو قبل الموضوع دة بيومين :-(

**heshamzaky** · 03-02-2011 11:11 PM

المشاركة الأصلية كتبت بواسطة yoko

الحمد لله الدنيا تمام عندي

أزيك يا أحمد باشا عامل أية . الحمد لله الدنيا هنا تمام التمام و بجد شوفت ناس عندها كم من الغباء غير طبيعى أنت عارف البيت عندى طبعا الناس دخلت العربيات فى مكان واسع بين العمارات باركنج كبير كدة أمام مكان المقابلة الى أنت حضرتها بالظبط و سدو المدخل بالطوب و الحجارة قولت لهم من فضلكم سيبو فرامل اليد و مور العربية و بلاش عربيات تسد المدخل علشان لو لا قدر الله حدث حريق يمكن أنقاذ السيارات مش تعشق العربية و تشد فرامل اليد و يكون فية سهولة لعملية الاخلاء و تكون سريعة و الحمد لله السكان تفهمو الموضوع بصدر رحب و كلة ظبط مع بعضة حتى أماكن و اتجاهات الخروج السريع شمالا و يمينا لعدم أعاقة الحركة . تقدر تقول كدة زى شغل الدفاع المدنى فى الطوارىء تم الاتفاق علية . و طفايات الحريق فى البيوت مش فى العربيات

**zago** · 03-02-2011 11:40 PM

الحمد لله بخير
عندي بس حظر تجول ومحبوس عند ابويا
ومعرفش حد من الجيران هنا ومبنزلش حراسه العبط اللي عملينها
لو كنت في الهرم كان زمان الدنيا مانجه
يلا الحمد لله
انشاء الله الازمه تعدي على خير

**ahmadmidop** · 04-02-2011 04:35 AM

الحمد لله كله تماااام والامن مستتب ومحصل اي مشااااكل وبنسهر في الشارع لحد 6 الصبح حراسة بقى :) ....

**AHMED REFAT** · 04-02-2011 04:46 AM

الحمد لله الذى لا يحمد على مكروه سواه .. انا والحمد لله فى فضل ونعمة من الله عز وجل رغم الاسى والحزن الذى امتلك كل اوصالى على حبيبى ام الدنيا .. ولكن لنا الله .. وطبعا علشان لسه ما استلمتش والله اعلم ها استلم امتى بقى