السلام عليكم ورحمة الله وبركاته
لو سمحتم يا جماعة الخير لو حد عنده اي معلومات عن طريق القاهرة الاسكندرية الصحراوي يفيدنا هل السفر فيه امان الان ام هناك عقبات ؟؟؟
و جزاكم الله خيرا
عرض للطباعة
السلام عليكم ورحمة الله وبركاته
لو سمحتم يا جماعة الخير لو حد عنده اي معلومات عن طريق القاهرة الاسكندرية الصحراوي يفيدنا هل السفر فيه امان الان ام هناك عقبات ؟؟؟
و جزاكم الله خيرا
والدى كان جاى من طريق مصر الفيوم الصحراوى يوم الاثنين
بيقول الكارتة مفيهاش حد
والتفتيش اللى فى كومشين مش موجود
والطريق فاضى خالص
معرفش اية اخبار مصر اسكندرية
شكرا اخي الكريم على المعلومة
في انتظار تأكيد عن القاهرة الاسكندرية الصحراوي
السلام عليكم اولا ليا قريبى سافر مطروح يوم الثلاثاء ومفيش حاجه فى الطريق وربنا يسطرها علينا
طيب طريق الغردقة القاهرة الصحراوى
محدش يعرف حاجة انا نازل بعد بكرة ومش عارف اية الاحوال ؟!!!؟
انا رجعت من العريش الى القاهره يوم الاربعاء الماضى 2/2/20100
من العريش الى كوبرى السلام
مفيش فيه ولا لجنه واحد كل الكماين فيها بدو بس ناس كويسه
بعد ما تخلص اخر كمين فى شمال سيناء هتلاقى كمين جيش فيه تفتش شخصى وللسياره وبعدها لغايه الكوبرى فيه حوالى خمس كماين جيش وطبعا تفتيش الكوبرى بعد ما تخلص الكوبرى فيه تفتيش برضو
من كوبرى السلام الى الاسماعليه مفيش فيه اى حاجه خالص
من الاسماعليه لغايه القاهره فيه كماين جيش بالهبل واغلبها فيها تفتيش
نصيحه محدش يمشى على طريق القنطره العريش اليومين دول علشان مش امان خالص
طيب معلش يا جماعه حد يعرف حاجه عن طريق الصعيد الصحراوى الغربى ( القاهره/اسيوط) اللى بيمر بالفيوم وبنى سويف والمنيا؟؟
ياريت لو حد يعرف الصحراوي الغربي اخباره يعرفنا هل امان ولا في قلق
طب يا جماعه بعد عوده الهدوء تدريجياً للبلد اخبار طريق مصر اسكندرية الصحراوي ايه
تحياتي
انا سافرت من القاهرة للاسكندرية يوم السبت 5\2 العصر و رجعت يوم الاحد 6\2 صباحا
الحمد لله الطريق ماشي طبيعي جدا مافيهوش اي قلق
يوجد فقط بعض الزحام عند البوابات نتيجة التفتيش من الجيش