دعوه لمقاطعه فودافون

**eng/muhamad** · 03-02-2011 01:19 PM

انا يا جماعه بجد نفسى كلنا نقاطع فودافون
كانت اول شبكه و اكتر شبكه فصلت الشبكه يوم الجمعه
ان كان معايا خطين فودافون فاصل تماما و اتصالات شغال زى الفل
الشبكه الوحيده اللى اعلنت ده و بكل بجاحه ان فى اوامر حكوميه بقطع الشبكه
و اعتقد ان الشركات اللى زى دى ملهاش علاقه بالسياسه و المفروض لا تعترف بالاوامر الحكوميه دى
اشمعن موبينيل و اتصالات كانو شغالين
و اخيرا كمل فودافون حمل دعم للرئيس عن طريق الرسائل
انا جاتلى المسدج دى امبارح

رسالة من فودافون ,

الراسل : Egypt Lovers

نص الرسالة : مظاهرة حاشدة تبدأ ظهر الأربعاء من ميدان مصطفى محمود بالمهندسين لتأييد الرئيس مبارك
انا قررت اقاطع فودافون و هحول رقمى بنفس الرقم لشبكه تانيه مش هقول اسمها عشان مفيش حد يقول ان انا بشجع شبكه ضد اخرى
ياريت كل واحد يقول رايه فى موقف فودافون و يقول هغير رقمه و لا لأ

**hossaam** · 03-02-2011 01:24 PM

فعلا....اكتر حاجة استفزتني رسالة المشاركة في مظاهرات تأييد لمبارك
المفروض انها جهة مستقلة ....مش اداة من ادوات الدعاية للنظام...فعلا الفلوس مالهاش دين

انا ان شاء الله ناوي الغي رقم فودافن اللي معايا..ولو اني على يقين ان كلهم في الهوا سوا...مصااااااالح وبس

**Mohamed_Ayman** · 03-02-2011 01:32 PM

فى دمياط فودافون الوحيدة اللى قطعت الخدمة برضه ... وكمان ارسلت الرساله بتاعت Egypt lovers.
موبينيل قعت خدمة الرسائل فقط .. وأرسلت رساله شكر من الجيش المصرى على موقف الشباب.

**أحمد كمال** · 03-02-2011 01:37 PM

مع اني مش من مصلحتي اللي هاقوله ده بس احب اقول لك الاتي احقاقا للحق لا اكثر و لا اقل منعا للبلبلة ..... البلد مش ناقصة مقاطعات اقتصادية و خراب اقتصادي و خراب بيوت و قطع ارزاق موظفين خااااااااااااااااااالص ..............

1- موضوع اعلان الاوامر ده شغل علاقات عامة مش اكتر ..... ال 3 شبكات اتقفلوا و اتفتحوا في نفس الوقت تقريبا

ماتنساش ان ساويرس برضه في التليفزيون قال دي اوامر سيادية و ما نقدرش نعمل فيها حاجة و عقد الرخصة ممكن يتلغي و قال كمان "انا باتكلم عن ال 3 شركات مش موبينيل بس"

2- مين قال لك ان فيه شبكات اشتغلت و شبكات وقعت؟ كله كان مش شغال

3- موضوع عدم الاستجابة للاوامر الحكومية معناه الغاء رخصة التشغيل في مصر ....... و ما تنساش ان مفيش شركة محمول في مصر عندها اكتفاء ذاتي عن الحكومة 100% ..... يعني فيه خطوط ربط من المصرية للاتصالات بين المكاتب و الفروع و المحطات ..... فيه خطوط ربط دولية - برضه عن طريق المصرية للاتصالات - للاتصال الدولي بالخارج و استقبال الاتصال الدولي من الخارج ..... فيه خطوط ربط دولية برضه عشان الانترنت ..... كل ده مصدره الحكومة و لو انت ما سمعتش الكلام الحكومة هتقطعهم عنك في دقايق ! بس مع فرق انك هتترمي في الشارع

4- اخيرا و ليس اخرا اي رسالة بتتبعت حاليا من اي شبكة من ال 3 مصدرها الحكومة و ليس الشركة .... و برضه للاسباب اعلاه الشركات لازم تنصاع للاوامر

**Dr.lancer** · 03-02-2011 01:46 PM

يا جماعة جميع الشركات قطعت الخدمة و رجعتها مع بعض. وكذلك شركات النت كلها. بلاش نعاتب حد عن حد كلهم كانوا مجبرين من قبل هذا النظام الديكتاتورى

**eng/muhamad** · 03-02-2011 01:51 PM

انا كتاكد من اللى بقوله انا كان معايا خطين يوم الجمعه
فودافون مش شغال و اتصالات شغاااااااااااااال و اصحابى كان معاهم موبينيل شغال

**Mohammmed** · 03-02-2011 01:55 PM

مفيش فايدة احنا كدا نسيب الموضوع نفسه ونتكلم فى حاجة تانية
طيب ايه رأيكم ان اتصالات كانت هى اللى واقفة معايا وفودافون شغالة
وبعدين كلهم قطعوواا !!!!

**Jato.33** · 03-02-2011 01:56 PM

ممكن يكون الإنقطاع لم يكن في نفس الدقيقة وخصوصاً إن الشركات كلها مش على كوبس واحد أو فيشة واحدة يعني

لو فصلت بينهم ربع ساعة أو حتى ساعة وفي الأخر كله قطع مش موضوع وبعدين معتقدش أي شبكة إخبارية بتنهش فينا من ساعة البلد ما ولعت معلقتش على الخبر ده خالص وخصوصاً إنهم بينشروا أي كلام حتى لو كذب

يبقى إزاي الموضوع ده محدش إلتفت له غير حضرتك

وبعدين يمكن حضرتك مكونتش عارف تفرق بين إنقطاع الشبكة وبين إستمرار الإرسال وخصوصاً أنها كانت بتدي إشارة لإمكانية الإتصال بالطوارئ أو sos على الشبكة عندي

برجاء التأكد من صحة الخبر قبل نشرة لله مش عشان حسني ولا حد

**drmsadek1979** · 03-02-2011 01:57 PM

علشان تبقوا عارفين احنا اتسرقنا ن الشركات دي الفترة الي فاتت عيني عينك

-

الموضوع: دعوه لمقاطعه فودافون

LinkBack

أدوات الموضوع

عرض

دعوه لمقاطعه فودافون - انشر الموضوع فى :

-

-

-

-

-

المواضيع المتشابهه

اخر فضائح فودافون ( من سلسله فضائح فودافون معي)

دعوه لمقاطعه الجرائد والقنوات الحكوميه

دعوه لمقاطعه مباره الجزائر ومصر

دعوه للخير .. :(

دعوه عامه

الكلمات الدلالية لهذا الموضوع

المفضلات

المفضلات

ضوابط المشاركة