يا جماعة هل مرور ابيس لسة سليم ولا اتدمر برضه ؟ ولو سليم اشتغل ولا لسة ؟
عرض للطباعة
يا جماعة هل مرور ابيس لسة سليم ولا اتدمر برضه ؟ ولو سليم اشتغل ولا لسة ؟
يا شباب
مرور البساتين اتحرق
وانا روحت كده في الفاساكونيا
معيش رخصة عربية (منتهية ومسحوبة من شهر 8 اللي فات)
معايا شهادة بيانات (منتهية برضه بقالها 3 شهور)
انا غيرت الموتور بتاع العربية - والافراج بتاعو في بورسعيد (وطبعا بورسعيد كل سنة وانت طيب وزغرطي ياللي منتيش غرمانة)
يعني تقريبا انا لو وقفت في لجنة هيسحبوا العربية وانا تحتها تقريبا
ده غير طبعا لو فكرت اروح المرور البديل (عين الصيرة) ويعرفوا كمان ان اصلا ملف العربية الاصلي كان تبع المعادي و ...........
سوووري يا جماعة ..... انا هننجت وقطعت شحن
يا خرابي عاللي ها يجرالي ....... يا خرابي
مرور السويس اتحرق فى الملفات كلها
مرور بين السريات بالجيزة شغال لانه جنب شغلى وبشوفه كل يوم
مرور عبود شغال عادى ما فيهوش اى حاجة
حد رايح مرور مدينة نصر يوم السبت؟ أنا حروح أجيب شهادة بيانات ومخالفات وبعدين أطلع على مرور الشروق.. حد قال جاي؟
طب ومرور العجمي بالاسكندرية اخباره ايه ؟؟
انا النهاردة كنت فى مرور محرم بك وطبعا المرور كلة اتحرق والنيابة اتحرقت بالكامل مفيهاش ولا ورقة وكان فى ظابط عميد هناك قالى مبروووك انت كدة اخدت براءة فى معارضة المخالفات لان كل حاجة اتحرقت وقالى روح مرور ابيس هات ورقة من وكيل النيابة من هناك علشان يدينى رخصة جديدة روحت مرور ابيس قالولى تعال يوم الثلاثاء علشان القاضى مش هنا
( حاسس ان كل حاجة زى ما هيا ولا فى اى تحسن فى التعامل ولا اى حاجة حتى العسكرى اللى واقف على الباب بتاع وكلاء النيابة بيكلمك من طرف مناخيرة )
كنت النهاردة فى مرور محرم بك المنظر رهيب اكتر من الحرب الاهلية دمار شامل ورماد وزجاج مكسر كانوا بيرفعوا الانقاض
الموظفات كانوا واقفين على البوابات اثبتوا حضور ومشيوا
رحت لوكيل النيابة قلت له ان رخصة عربيتى انتهت قالى روح مرور ابيس اللى فى سموحة خد رخصة مؤقتة من وكيل النيابة روحت لاقيت زحام شديد ودخلت لوكيل النيابة قالى مين قال الكلام ده ارجع محرم بك فيه اكيد حد هايفيدك احنا هنا ما لناش دعوة
رجعت محرم بيه كان العمل على قدم وساق لرفع الانقاض روحت تانى لوكيل النيابة اللى واقف فى الشارع بيتفقد الخسائر قالى روح للظابط اللى فى الادارة
والظابط قالى تعالى السبت هانشتغل مع انى لا اعتقد ابدا
يارب تعدى على خير ان شاء الله
بارك الله فيك يا ابو صلاح :)
يا جماعة انا اتصلت النهاردة بمرور عين الصيرة علشان مرور البساتين اتحرق اللي انا تابع لية
سبحان الله الراجل رد عليا من اول رنه وتحت امرك وسيادتك وبكل ادب واحترام قالي على كل حاجة
[justify]
يعني هوة كان لازم يتولع فيهم عشان يعرفوا ان الله حق
بس بصراحة نبقى غلطانين لو سكتنا على حقوقنا تاني هما فاكرين انهم بيلووا دراعنا ومش هيخلصولنا مصالحنا مع ان احنا اصحاب حق مش بنشحت منهم بل بالعكس هما اللي شحاتين علشان بياخدوا فلوسنا غصب عننا بدون رضانا
طبعا مرور المقطم عندنا ودع بالسلامة
زوجي سأل ضابط المرور اللي كان في الاشارة بتاعة المقطم صلاح سالم قال له تروح مرور عين الصيرة وكل حاجة موجودة فيه ما عدا النيابة وانا مش محتاجاها طبعا علشان بارخص جديد وطبعا فرحت جدا لما عديت من على مرور البساتين لقيته متفحم لانه من ابشع وحدات المرور .. وفي شوية ناس شغالة فيه حسبي الله ونعم الوكيل .. لما كنت باروح مع زوجي نرخص عربيته كنا بنتعذب .. مرور عين الصيرة ارحم شوية
بس زوجي المبجل بيقول انهم بدأوا يصلحوا مرور المقطم وانا شايف اننا نستنى عشان ما ندوخش مابين المرور دة ودة لما نيجي نجدد والمخالفات والملف ووجع القلب دة
مع الاخذ في الاعتبار اني مش مستعجلة على سواقة العربية لانها اول عربية ليا اسوقها ولسة ما تمكنتش من السواقة اوي و مش هاتحرك بيها خارج المقطم في الوقت الحالي الا لما اتمكن
انتوا رأيكوا ايه .. ارخص عين الصيرة وللا استنى
[/justify]
لو مش مستعجلة والعربية في الامان -بتبات في مكان امان عشان مش معلقة نمر- يبقا استني شوية افضل عشان فعلا متدوخوش لما تيجوا تجددوها تاني
طيب بالنسبة لتجديد رخصة القيادة في التجمع
ميعاد تجديد رخصة اختي قرب و بفكر اروح معاها بكرة حد يعرف عنو حاجة؟!!
أنا كمان رخصتي خلصت في أول فبراير وكنت مرخص في مرور مدينة نصر بس دلوقتي أنا سمعت ان ممكن أجدد في مرور الشروق علشان أنا ساكن في التجمع. بص بيتهيألي لو رحت حيطلبوا شهادة بيانات ومخالفات تتجاب من مرور مدينة نصر. واللي أنا سمعته ان النيابه مش شغاله خالص علشان الكمبيوتر عطلان فبيتهيألي لو رحت مش حعرف أجيب شهادة مخالفات. لو تحب نروح مرور الشروق نسأل بكره الصبح قوللي
يا جماعه التجديد من غير مخلفات انا رحت المرور وجددت من غير دفع مخلفات دفعت الضريبه والتأمين الاجباري واخدت تصريح 3 شهور لحين ما النيابه تشتغل وكان كل الناس هناك بتقول الظروف دي ملهاش دعوه لو وقفت في كمين هيعاملك على انك مخالف وماشي من غير رخصه دا كمان بيقولو لو المرور اللى انت تابع ليه مش شغال ممكن تدفع الضريبه في البوسطه عشان محدش يتكلم معاك او يدفعك غرامه لما تيجي تجدد
أخبار مرور الوايلي ايه يا جماعة ؟؟؟؟؟؟
مرور مدينة نصر شغال عادي بس النيابة شغالة من 9 صباحا لحد الساعة 12 ظهرا
رحت الساعة 12 و 10 دقائق قالولي قفلنا مقدرتش اتكلم بصراحة علشان الورقة اللي حاطينها في مكان واضح جدا و الكلام مفسر نفسه
مرور البساتيت اتصلح لانة اتحرق
حد يعرف مرور الدراسه اتحرق ولا شغال ولا ايه؟؟ -- لانى عاوز اروح هناك ومتردد ليكون اتحرق
انا عندي مرمر <<دلع مرور الزقازيق شغال زي القرد
مرور اوسييييييييييييييييييم شغال ومكانة فين اصلا؟؟؟؟؟؟؟؟؟؟
مرور ابيس (في الاسكندرية) شغال .... والاخوة التابعين لمرور (طوسون) حاليا يجب التوجه لمرور (ابيس)
مرور العجمى شغال ولكن بتاخد تصريح سير مؤقت ومفيش نمر جديدة
تنويه للمتعاملين مع مرور السلام
لازمتروح بدري تكون اول واحد واقف قدام باب المرور قبل ما يفتح اصلا ليه بقى ؟
كل شباك سواء تجديد اونقل ملكية يقبل 40 شخص فقط
بياخد 40 بطاقة من الناس اللي واقفة وبعد كده يستنوا لغاية لما ينده عليهم
الملاحظات :
اسلوب تعامل افضل بكتير سواء كان من الموظفين او ظباط الشرطة
بس بجد الناس مش عايز تتغير مصرين على نفس التصرفات القديمة من تزاحم حول الشباك واستفسارات فارغة ومحاولة تقديم رشاوي
لو هتروح هناك مرور السلام لو خلصت مرحلة واحدة في اليوم يبقى تروح على طول لانك مش هتعرف تعمل حاجة بعد كده
النايبة قافلة يعني مفيش مخالفات وبتاخد ورقة كارتون كبيرة اسمها تصريح مؤقت 3 شهور وترجع تاني تعيد نفس الموضوع
نفسي بقى مرور السلام ده يتقسم ويتعمل مرور تاني امتى الحلم ده يتحقق؟
أنا أخيراً خلصت النهارده المخالفات من مرور مدينة نصر وبعد كده طلعت على مرور الشروق وخلصت واستلمت الرخصه. التعمال في مرور مدينة نصر كان أحسن بكتير من مرور الشروق.. يا رب مرور الشروق يتظبط ..بس ده حيبقى أزحم من أي مرور تاني لأن بيصب فيه سكان الرحاب + القطامية كلها + العبور + الشروق.. ازاه كده؟؟!!! أنا نزلت الصبح الساعه 9 وخلصت الحوارات دي الساعه 1.
يا جماعة مرور اوسيم مكانة فين وشغال ولا لا؟؟؟؟؟؟؟؟؟