لو انت تقصد اللي في شارع العجمي
ومكتوب عليه مرور الدخيلة
احب ابشرك انه تقريبا بقى كوم رماد
كنت معدي قدامه ساعة لما كان بيتحرق
عرض للطباعة
كنت النهاردة فى مرور محرم بك المنظر رهيب اكتر من الحرب الاهلية دمار شامل ورماد وزجاج مكسر كانوا بيرفعوا الانقاض
الموظفات كانوا واقفين على البوابات اثبتوا حضور ومشيوا
رحت لوكيل النيابة قلت له ان رخصة عربيتى انتهت قالى روح مرور ابيس اللى فى سموحة خد رخصة مؤقتة من وكيل النيابة روحت لاقيت زحام شديد ودخلت لوكيل النيابة قالى مين قال الكلام ده ارجع محرم بك فيه اكيد حد هايفيدك احنا هنا ما لناش دعوة
رجعت محرم بيه كان العمل على قدم وساق لرفع الانقاض روحت تانى لوكيل النيابة اللى واقف فى الشارع بيتفقد الخسائر قالى روح للظابط اللى فى الادارة
والظابط قالى تعالى السبت هانشتغل مع انى لا اعتقد ابدا
يارب تعدى على خير ان شاء الله
بارك الله فيك يا ابو صلاح :)
يا جماعة انا اتصلت النهاردة بمرور عين الصيرة علشان مرور البساتين اتحرق اللي انا تابع لية
سبحان الله الراجل رد عليا من اول رنه وتحت امرك وسيادتك وبكل ادب واحترام قالي على كل حاجة
[justify]
يعني هوة كان لازم يتولع فيهم عشان يعرفوا ان الله حق
بس بصراحة نبقى غلطانين لو سكتنا على حقوقنا تاني هما فاكرين انهم بيلووا دراعنا ومش هيخلصولنا مصالحنا مع ان احنا اصحاب حق مش بنشحت منهم بل بالعكس هما اللي شحاتين علشان بياخدوا فلوسنا غصب عننا بدون رضانا
طبعا مرور المقطم عندنا ودع بالسلامة
زوجي سأل ضابط المرور اللي كان في الاشارة بتاعة المقطم صلاح سالم قال له تروح مرور عين الصيرة وكل حاجة موجودة فيه ما عدا النيابة وانا مش محتاجاها طبعا علشان بارخص جديد وطبعا فرحت جدا لما عديت من على مرور البساتين لقيته متفحم لانه من ابشع وحدات المرور .. وفي شوية ناس شغالة فيه حسبي الله ونعم الوكيل .. لما كنت باروح مع زوجي نرخص عربيته كنا بنتعذب .. مرور عين الصيرة ارحم شوية
بس زوجي المبجل بيقول انهم بدأوا يصلحوا مرور المقطم وانا شايف اننا نستنى عشان ما ندوخش مابين المرور دة ودة لما نيجي نجدد والمخالفات والملف ووجع القلب دة
مع الاخذ في الاعتبار اني مش مستعجلة على سواقة العربية لانها اول عربية ليا اسوقها ولسة ما تمكنتش من السواقة اوي و مش هاتحرك بيها خارج المقطم في الوقت الحالي الا لما اتمكن
انتوا رأيكوا ايه .. ارخص عين الصيرة وللا استنى
[/justify]
لو مش مستعجلة والعربية في الامان -بتبات في مكان امان عشان مش معلقة نمر- يبقا استني شوية افضل عشان فعلا متدوخوش لما تيجوا تجددوها تاني