الموضوع: الى كل من يطلبون انتهاء التظاهر كفاية لو سمتحو

المشاركة الأصلية كتبت بواسطة everlasting

فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ

رجاء شخصي بلاش نستعمل القران في الازمة دي لان لو جبت لي اية ممكن اجيب لك عشرة تايد رايي
وممكن اجيب لك فتاوي لا حصرلها في عدم جواز الخروج عن الحاكم
احنا بنتكلم في وضع حالي بلاش نتحاكم بالدين والا الطرفين هايخسروا

المشاركة الأصلية كتبت بواسطة mr_7oda

تصدق وانا فى التحرير مسكنا واحد معاه كارنيه داخلية وكان بيتكلم عربى مكسر اصلا

ساعتها سألت نفسى سؤال ..... هو اصلا لو حد بتاع داخلية هيشيل الكارنية ليه من اساسه وهو عارف ان الناس بتفتش فى الكارنيهات

صدقنى فيه مؤامرة بتحصل دلوقتى علشان يخلوا الناس ينزلوا من تانى ويخربوا البلد

بس بقول ان كل الشباب الفاهمين وشباب 25 يناير اللى هما اصل الدعوة .... اعلنوا رجوعهم بيوتهم وانتظار تحقيق مطالبهم

وياعم لو مطالبنا متحققتش .... يبقى ننزل تانى ... هو احنا ورانا حاجة

يا حودة معظم الناس اللى بيطالبوا بالنزول بكرة واستمرار البقاء في التحرير منزلش اصلا اي مظاهرة في حياته

المشاركة الأصلية كتبت بواسطة a7med_pharma

يعني الأيادي الخفية
أجرت ناس ..وإديتهم كارنيهات موزرة..وقالتلهم روحوا إضربوا الناس ...وخلوا الناس تمسككوا
ولما تتمسكوا ..طلعوا الكارنيهات المزورة؟؟؟
وهما عارفين إن الي هيتمسك في الهوجة والفوضى دي ...مش بعيد الناس تدبحه وتعلقه في الميدان
صح كلامي؟
طيب
والمطالب كانت بإسقاط الفرعون ... وليس الكهنة
والمطلب ده لسه ماتحققش...وأنا عارف إنه صعب يتحقق
علشان فرعون شايف نفسه بطل على الرغم من كل شئ ...ومش عاوز ملاحقة الانتربول ..وعاوز التاريخ(ياعيني ياقلبي)يفتكره إن البطل القائد الهمام الباسل الواعد المقدام العظيم...
وسواء خرج دلوقتي..أو بعد حين
فسيعريه التاريـــــــــــــــخ

احمد يا فارما فيه حاجات كتير اوي مش هنعرفها دلوقت ويمكن منعرفهاش خالص
لكن المؤكد ان فيه جهات كتير جدا بتلعب في الداخل سواء اجنبية او محلية
وكارنيهات الشرطة ولبسهم وسلاحهم بقة موجود مع الجميع وخصوصا البلطجية والمسجلين خطر ودول مستحيل يتظاهروا لمصلحة الحكومة دلوقت لكن من السهل على الجميع شرائهم من اول رجال الاعمال لغاية الجماعات

المشاركة الأصلية كتبت بواسطة ashouhdy

!!!!
الرئيس لسة موجود
قانون الظوارئ لسة موجود
المجلسيين لسة موجودين
......... اية بقى اللى اتغير غير شوية الكهنة --الحكومة سابقا--
والله انا مش عارف التفكير بيوصل للناس لفين .. . الطرق على الحديد وهو سخن افضل حل ... مش لما يبرد ويزداد قوة ومتانة

1- الريس لسة موجود لكنه مجمد تماما وكل الاعمال الان في يد عمر سليمان واحمد شفيق
2- قانون الطوارئ يعلق في ظل حظر التجول وتطبق القوانين العسكرية بدليل ان كل المقبوض عليهم تحقق معهم النيابة العسكرية
3- لو تم حل المجلسين الان لحدثت كارثة لانه لابد من اجراء انتخابات جديدة وانت عارف لو حصلت انتخابات في الظروف الحالية الان وفورا هايحصل ايه طبعا مجازر بين انصار المرشحين المختلفين والحل الحالي هو الصحيح ان محكمة النقض تفصل في صحة العضويات وعددها 400 عضوية يعني اكتر من تلتين اعضاء المجلس ومتهيالي مش هايبقوا حزب وطني ووقتها يقدروا يعملوا التغييرات الدستورية والتشريعية المطلوبة
والطرق الان ليس علي الحديد وانما على البلد بكل ما فيها ومن فيها
واذا كان خرج امبارح شوية حرامية على ناس قابضة على امن زي ما الناس بتقول بعد كام يوم الناس العاديين هما اللى هينزلوا ميدان التحرير يفتكوا بالمتظاهرين

المشاركة الأصلية كتبت بواسطة ashouhdy

تنحى مبارك عن السلطة وتسليمها للنائب الأن هو افضل حل فى نظرى الأن لأنهاء حالة الفوضى اللى فى البلد
نيجى للحكومة الانتقالية والرئيس المؤقت
عمر سليمان مع الحكومة الجديدة و المفروض بعد النظر فى الطعون المقدمة فى المجلسيين وتعديل مواد الدستور و فى الفترة الرئاسية الانتخابية القادمة يتم انتخاب رئيس جديد منتخب فى انتخابات حرة نزيهة ...
وعلى فكرة البلد مش حتهدى غير لما مبارك يتنحى
اية مشكلتكم لما يتنحى الان ما فى نائب رئيس حيمسك وفى حكومة ماسكة !! بس المهم استئصال رأس الأفعى

يا سيدي لو ده الحل كنت اول واحد هوافق عليه لكن حتي لو تم اللى في التحرير مش هيتحركوا لان اللى بيحركوهم دلوقت هيقولوا لازم يتحاكم ويعدم وهكذا سندخل في سلسلة طويلة من الطلبات كل ما يتم تنفيذ طلب يطلع طلب جديد

المشاركة الأصلية كتبت بواسطة mahmoudysf

انا نفسي اعرف فعلا
الايادي الخفية دي مين سمح ليها بتواجد ده لو فيه ايادي خفية
بس هي بالنسبة لقطاع كبير ايادي معلومة للجميع

الايادي الخفية كتير لكن معظمها كان مختبئ في الجحور ومعظم اللى في الداخل سبق وعمل صفقات مع الحكومة واستفاد منها ودلوفت بيدفعوا الشباب للصدام لاخر درجة للوصول الي اهداهم حتي لو على جثث الشباب الانقياء المتبقين من متظاهري يوم 25