الموضوع: الى كل من يطلبون انتهاء التظاهر كفاية لو سمتحو

هو حضرتك عاوز تغير رأى الناس بالعافيه ؟؟
وهو حضرتك فاكر ان مبارك لما يرحل مصر هتتحول للمدينه الفاضله ؟؟
الحرامى حرامى و النصاب نصاب و المرتشى مرتشى ..والفتاى بيفتى ...كله زى الزفت
ااااااااه فى امل كل ده يتصلح
بس رحيل مبارك مش هو الى هيصلحه
او بمعنى اصح رحيل مبارك دلوقت مش هو الى هيصلحه بالعكس بقاؤه لحد انتهاء الفتره بتاعه افضل ..
وبعدين مستحملينو 30 سنه قفشت اوى على الكام شهر دول !!
انت مصرى وانا مصرى
نفسى ابطل ادفع رشاوى عشان مصلحتى الى هى من حقى تمشى
ونفسى اتعلم تعليم كويس
واعلم ولادى تعليم كويس
نفسى اعيش فى بلد نضيفه
وناس نضيفه
نفسى نبقى من احسن دول العالم
المشكله فى طريقه الوصول بقى للهدف ده ...
هل رحيل مبارك هيحل الازمه ؟
مين هيمسك مكانه ؟
هيعجب الناس !!
تثقو فيه على اساس ايه ؟
على الاقل احنا عارفين مبارك و عارفين نظامه
خلينا معاه لحد ما يخلص فترته ..ويبقى فى وقت نشوف رئيس محترم مش فريق التدمير الوطنى المتاح حاليا و عاوز يمسك البلد
والله فى كلمه فى زورى بس مش هقولها

المشاركة الأصلية كتبت بواسطة khaled ayman

على الاقل احنا عارفين مبارك و عارفين نظامه
خلينا معاه لحد ما يخلص فترته ..ويبقى فى وقت نشوف رئيس محترم مش فريق التدمير الوطنى المتاح حاليا و عاوز يمسك البلد
والله فى كلمه فى زورى بس مش هقولها

فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ

المشاركة الأصلية كتبت بواسطة mahmoudysf

يا جماعة النظام اللي انتو وثقتو في كلامة
كل ما يفعله على الارض يؤكد عكس كلامة
وادعى الى عدم الثقة فيهم حتى الان
ارجو استخدام البصيرة اذا لم نستطع ان نرى بالبصر

تصدق وانا فى التحرير مسكنا واحد معاه كارنيه داخلية وكان بيتكلم عربى مكسر اصلا

ساعتها سألت نفسى سؤال ..... هو اصلا لو حد بتاع داخلية هيشيل الكارنية ليه من اساسه وهو عارف ان الناس بتفتش فى الكارنيهات

صدقنى فيه مؤامرة بتحصل دلوقتى علشان يخلوا الناس ينزلوا من تانى ويخربوا البلد

بس بقول ان كل الشباب الفاهمين وشباب 25 يناير اللى هما اصل الدعوة .... اعلنوا رجوعهم بيوتهم وانتظار تحقيق مطالبهم

وياعم لو مطالبنا متحققتش .... يبقى ننزل تانى ... هو احنا ورانا حاجة

المشاركة الأصلية كتبت بواسطة khaled ayman

هو حضرتك عاوز تغير رأى الناس بالعافيه ؟؟
لا طبعا بس حاسس ان فيه اتجاه من البعض للتاثير بان كغاية المكتسبات اللي خدناها حتى الان
مع العلم والتاكيد بان كلنا يهمنا فى الاول والاخر مصلحة البلد وان ما تم تقديمة لا يتناسب مع حجم الحدث
وهو حضرتك فاكر ان مبارك لما يرحل مصر هتتحول للمدينه الفاضله ؟؟
الحرامى حرامى و النصاب نصاب و المرتشى مرتشى ..والفتاى بيفتى ...كله زى الزفت
ااااااااه فى امل كل ده يتصلح
بس رحيل مبارك مش هو الى هيصلحه
او بمعنى اصح رحيل مبارك دلوقت مش هو الى هيصلحه بالعكس بقاؤه لحد انتهاء الفتره بتاعه افضل ..
انا متفق معاك انو ممكن يكمل فترته
ولاكن على اي اساس
ما الذي تم تقديمة على الارض حتى الان
هناك حرب تكسير عظام الان منظمة مدبرة لقهر المتظاهرين
ما الذي حرك كل هؤلاء المجاميع بطريقة خبيثة لضرب المتظاهرين
كيف اثق فيمن يحاول تحويل البلد الى حرب اهلية
وعلى فكرة اي مكتسب بتاخدة وبتفرح بيه نتيجة لتواجد المتظاهرين
ما هي الاجراءات المحددة الواضحة
عايز نفكر بالعقل وليس بالعواطف
وبعدين مستحملينو 30 سنه قفشت اوى على الكام شهر دول !!
انت مصرى وانا مصرى
نفسى ابطل ادفع رشاوى عشان مصلحتى الى هى من حقى تمشى
ونفسى اتعلم تعليم كويس
واعلم ولادى تعليم كويس
نفسى اعيش فى بلد نضيفه
وناس نضيفه
نفسى نبقى من احسن دول العالم
المشكله فى طريقه الوصول بقى للهدف ده ...
هل رحيل مبارك هيحل الازمه ؟
مين هيمسك مكانه ؟
هيعجب الناس !!
تثقو فيه على اساس ايه ؟
على الاقل احنا عارفين مبارك و عارفين نظامه
خلينا معاه لحد ما يخلص فترته ..ويبقى فى وقت نشوف رئيس محترم مش فريق التدمير الوطنى المتاح حاليا و عاوز يمسك البلد
والله فى كلمه فى زورى بس مش هقولها

كلنا نريد الاصلاح بلا شك
ولاكن لماذا وجود صفوت الشريف حتى الان
لماذا وجود فتحي سرور حتى الان
لماذا لم يحل مجلس الشعب والشورى حتى الان
لماذا لم يتم تكليف هيئة تاسيسة من شرفاء القضاء ممن يتفق عليهم الجميع من الناس بتغيير الدستور حتى الان
لماذا تم دهس بعض المتظاهرين اليوم تحت عجلات سيارت الشرطة اليوم نعم اليوم
لماذا لم يظهر ويقول اننى مكمل حتى تكملة فترة ولايتى مع اعطاء نائب الرئيس كل السلطات
لتهيئة البلد لفترة قادمة مع تنفيذ كل ماسبق
ارجو اعمال العقل
مش عايزين نقول اي
مفيش ثورة شريفة مش هتيجي بالساهل
ولماذا دائما نحن من يجب ان ننتظر بدون ما نرى رد فعل من يحكم البلد في حقن دماء شعبة
هناك امور تحث ارجو ات تقراها بتروي بعيدا عن العواطف

طيب ممكن حضرتك تشرحلنا الى هيحصل بعد ما مبارك يقول "سلام عليكم"
مين يمسك ؟
هل الاخوان المسلمين مش هيحاولو ياخدو الحكم "بالقوه"
هل البلطجيه هيروحو بيوتهم ؟
حضرتك فكرت وضع الناس الى فى الشارع ايه !!
كل واحد نايم فى الشارع يحرس بيته ..واهله فوق مرعوبين
الناس الى فى التحرير دول بيعملو ايه بالظبط ؟
يا ريت شرح لما سوف يحدث بعد تنحى الرئيس مبارك