الموضوع: فيديو: بشع لجرائم سيارة شرطة وهي تدهس الناس بشكل مروع

المشاركة الأصلية كتبت بواسطة razini89

ده سواق من بتوع الليموزين فى المطار جاي يقول للناس انتو طفشتوا السياح وقطعتوا عشنا (زى بتوع الجمال كده )
حسبى الله ونعم الوكيل

ولسة وناس كتير تانية هاتتقلب على الثورة
معظم الشعب المصري يهمه الاول المعيشة وبعد كدة الحرية والديمقراطية
ولو قطعت عنهم لقمة العيش هايتقلبوا ضدك وبعنف
والكل دلوقت بيحمل شباب التحرير المسؤلية الا نسبة من المؤيدين لهم من البداية اللى فاهمين ليه تمت الثورة وحتي دول بدا يحصل انشقاق بينهم
ربنا يستر واصرارهم على الاستمرار ميضيعش كل المكاسب ونوصل لحكم ديكتاتوري مرعب

المشاركة الأصلية كتبت بواسطة osoliman88

علشان تقارن بين ما يروج له التليفزيون المصري وبين الحقيقة، وأنا أؤكد لك أن ما خفي كان أعظم ، وسترى بنفسك حجم الجرم الذي وقع على هؤلاء الشباب من هذا النظام الفاجر

الكل يعرف ان التليفزيون المصري لا يعرض اكثر من 1% من الحقيقة والتليفزيونات الخاصة تعرض اقل من 10% مما يحدث والخنزيرة والعبرية تعرض اكثر من 50000 % مما يحدث وتعرض امور وتخفي امور

المشاركة الأصلية كتبت بواسطة mfarag

يعنى الناس اللى بطير فى الهواء مش مهم - انما المهم لماذا عرض الان
طيب حضرتك كنت عايزة يتعرض امتى و النت اساس كان مقفول
موقفش حضرتك الجريمة البشعة اللى عملها مبارك واعوانة
و اللى مفروض نديهم فرصة تانية
اذا كان عملوا كدة عينى عينك و سط الشارع فى النهار
تفتكر هيعملوا اية بشويش فى هدوء بعد ما الناس تهدى خلال ال 6 شهور
حسبنا الله ونعم الوكيل

ناس كتير هنا كانت موجودة وشافت مناظر زي دي واصعب من يد لكن دلوقت احنا في مررحلة التقاط الانفاس وليس عرض الفيديوهات والا كان كريم عرض البلاوي اللى عنده وانا كمان عرضت الكوارث اللى عندي واذا كان فيه ناس بتجيب مشاهد من النت احنا المشاهد اللي عندنا لايف من وسط الاحداث وفيها فيديوهات لو اتعرضت على الخنزيرة او العبرية هاتدفع مبالغ طائلة لشرائها لانها تصور لحظات حساسة جدا لم يصورها احد الا انا منها ما جري في المتحف المصري فعلا لكن بلدي عندي اهم من الدنيا وما فيها
وقتها بعد ما الدولة تستقر مش واحنا في مرحلة كارثية زي اللى احنا فيها