الموضوع: إعتقال الصحفيين والمراسلين اليوم .... ليس له إلا معنى واحد ... مجزرة متوقعة

المشاركة الأصلية كتبت بواسطة hondaman

تعالى كدة نفكر بالمنطق والعقل ونبعد عن التكهنات ... الشرطة لما نزلت لشوارع مصر تانى انتشرت ولسة بتنتشر فى كل حتة الا ميدان التحرير مفيش هناك غير الجيش . الناس اللى هناك هما اللى قدرو يمشو الشرطة وخلهوها تنسحب وبعد كدة طلع الامر بالانسحاب ( ونبعد عن الحوار دة عشان دة مش موضوعنا دلوقتى ) الجيش واجه حجات كتير كفيلة انهم تخليهم يضربو نار بس اكتفو بضرب طلقات تحذيرية وصل الامر ان الناس حدفت عليهم ازايز الملتلوف ومتقولش ان دول من النظام عشان انت مروحتش هناك ومتعرفش ومحدش يعرف دة غير ان من حق الجيش قانونى انو يضرب نار لان فى حظر تجوال لكنة متسامح مع الناس هناك وواخد أمر بكدة تسمع بقا ان بيقبضو على الاغلاميين وخلافة مهو لسة فى قناة بى بى سى المزيعة رندا ابو العزم كانت عاملة تقرير عن رحلتها من مكتب القناة لحد البيت بتاعها بالفيديو ولو شفتو هتعرف ان مفيش الكلام دة بدليل اكبر ان القنوات الفضائية التانية لسة بتصور عدا الجزيرة فلو قبضو على حد مش هتشوف بث مباشر ولو قبضو على حد اكيد يبقو الناس اللى كانت بتولعها

الجيش امبارح ضرب نار وبكثافة على المؤيدين ممن كانوا يضربون المعارضين بالنار
الجيش اتحرق له في اول يوم اللى هو يوم الجمعة وقبل 10 مساء حاملة جنود وعربيتين وصورهم عندي بالفيديو ومحدش يقول محصلش وعساكر الجيش فيه منهم ناس انضربت اول يوم ومحدش يقول محصلش لان الفيديو عندي بردو
وبرغم كدة الجيش ما زال ماشي على شعرة معاوية لانه ممكن يقلبها مجزرة في اي لجظة ووممكن تتقلب غصب عنه في اي لحظة
ارجوكم لا تدفعوا الجيش لان يصبح جيش فعلا
وبعدين القنوات اللى بيقولوا اتمنعت دي كلها ازاي يتزيع لغاية دلوقت ولايف كمان مش نشغل عقلنا شوية
ورندا ابو العزم اللى بتولع الناس دي وبتقول المساواة والحرية الوخبز وووو مش هي اللى كانت لابسة الفرو اللى مفبش واحد من اللى في المنتدي كلهم يقدر يشتريه رغم ان فيه ناس اغنيا
نشغل عقلنا الاول واحنا بنسمع علشان نفرز الغث من السمين

المشاركة الأصلية كتبت بواسطة hussein

الشيخ الغزالي:
فإذا احتدمت المعركة بين الحق والباطل حتى بلغت ذروتها، وقذف كل فريق بآخر ما لديه ليكسبها، فهناك ساعة حرجة يبلغ الباطل فيها ذروة قوته، ويبلغ الحق فيها أقصى محنته، والثبات في هذه الساعة الشديدة هو نقطة التحول، والامتحان الحاسم لإ...يمان المؤمنين سيبدأ عندها، فإذا ثبت تحول كل شئ عندها لمصلحته، وهنا يب...دأ الحق طريقه صاعداً، وي...بدأ الباطل طريقه نازلاً، وتقرر باسم الله النهاية المرتقبة

خد بالك الشيخ الغزالي كان بيقول الكلام ده في اي سياق
وبيتكلم عن مين
المصرييين دلوقت منقسمين جزء مع وجزء ضد ومنقدرش ننكر ده واللى ينكره يبقي بيعاند وخلاص
والطرفين ليس منهم احد على باطل كل واحد بيدافع عن اللى شايفه صواب

المشاركة الأصلية كتبت بواسطة tito17182

والله أنا أعرف ناس هناك إنهردة هندسة وطب وتجارة انجلش
ناس مثقفة جداً ملهاش دعوة بأي حاجة ولا اخوان ولا من المريخ ولا أي حاجة
والله أنا بحلف أرجوكم يرات نعملهوم أي حاجة قبل المدبحة
اه اه اه
يارب أنكزهوم يارب
اللهم أني أشكو إليك ضعفي
يارب ساعدهم يارب انقذهم

طيب بدل ما انت قاعد روح قولهم يرحموا نفسهم والبلد ويروحوا