الموضوع: سياره الهيئه السياسيه التى قتلت 20 فرد فى جمعه الغضب

كفايه تسخين ايه فايده انى اشوف المناظر دى دلوقتى عايزين نهدا شويه يعنى لو مشى دلوقتى حتيجى ملايكه تحكمنا ما هى نفس المناظر

يمهل و لا يهمل

وسيعلم الذين ظلموا اي منقلب ينقلبون

المواضيع دية يعني مش ممكن الأعضاء مشكورين يأخروها شوية لحد ما الفتنة تنطفي في البلد

حرام يعني مش معقول عمالين نتكلم من الصبح على إن البلد والعة ومش ناقصة

حرام كدة هيا مش بلدكوا ولا إيه

دلوقتي مشروع قرار في الكونجرس يدعو مبارك لتسليم السلطة لحكومة تجمع كل الأطياف

وبكرة قرار في مجلس الامن لتطبيق عقوبات على مصر وهتتحول إلى عراق جديد أو سودان مفكك أو أسوأ من ذلك

أي واحد يتقي الله ومش وقته خالص المواضيع دية الناس لسه مولعة

يا ابن ال--------
ربنا يحرقك و ينتقم منك ده انت لو ماشى وسط قطيع حيوانات مش هتعمل كده

المشاركة الأصلية كتبت بواسطة m.mosaad

ياريت بلاش مزايدة علي وطنية الناس

اللي قدموه الشهداء الايام اللي فاتت و اللي قدروا يخلوا النظام يستسلم و يتنازل عن حاجات كتير مكناش نحلم بيها و الله اللي ممكن يحصل بكرة هيخلي الدماء ديه تروح هدر

هنبقي زي الدبه اللي قتلت صاحبها و قلبت بلدها

و الله لو مبارك بكرة استجاب و مشي و اتنحي محدش هيطلع سليم من ميدان التحرير من ايد الناس اللي هتنزل من بيوتها و الغضب عميها و ربنا يسترها جداااااا علي كل اللي في ميدان التحرير من نفسهم قبل غيرهم

مصر فيها ناس غلابه كتير مش لاقيه تاكل و مع ذلك لسة عايشة في العهد الماضي و الريس بالنسبة ليها هو الفرعون و الحاكم و الامر الناهي و لو طلع بكرة في موقف ضعف و اعلن استقالته هيحصل ما لا يحمد عقباه و مش هيبقي من البلطجيه لا دة هيبقي من كل الناس

الله يكرمكم بلاش فتنه و بلاش مزايدة علي وطنيه الناس و بلاش تضيعوا المكاسب اللي حققناها اللي هتضيع كلها في فرحه الناس باستقالته و غضبهم علي اللي في ميدان التحرير و محاولات درأ الفتنه

بلاش تهدوا المعبد علي اللي فيه بدعوي اصلاحه

+1
الله يفتح عليك