الموضوع: حد فسر كلام نائب الرئيس من شويه

فعلا كلامك سليم خدت بالى

يا جماعة مينفعش في الظروف إلي إحنا فيها دية ننتظر من الراجل إنه يصرح بوضوح ويصرخ بإنه هيحاسب حبيب العادلي على جرائمه

متنسوش إنه دلوقتي في وكرة الله يحرقه ولامم حواليه مساعدينه وظباطه وتحتيه جيش من عساكر الأمن المركزي وكلهم فاسدين

خايفين من الحساب بعد كده والجرجره على المحاكم

يقوم يقول هوا كده إنه هيبهدل الناس دية كلها

عشان يطلعوا يولعوا في البلد أكتر ما هي والعة

إنتوا مش واخدين بالكوا إن في ناس كتير من مصلحتها إن الدنيا تفضل مولعة عشان يفضلوا هما بعيد عن أي حساب

طيب ولما حسني يتنحى ويموت تفتكروا هيحصل إيه

هيفضلوا زي ما هما في ميدان التحرير ويقولوا لأ سليمان يمشي وبعدين شفيق يمشي وبعدين محدش يمسك البلد ويجي الإخوان يقولوا لأ للبرادعي ويقول الوفد لأ للإخوان وبدل ما يكون فيه مواجهات في التحرير تتحول إلى حرب أهلية ونتحول إلى عراق جديد أو سودان جديد

دلوقتي مشروع قرار بالكونجرس لدعوة مبارك لتسليم السلطة لحكومة تشمل كل الأطياف

وبكرة مشروع قرار بمجلس الأمن لفرض عقوبات على مصر

وبعدين تيجي أمريكا تحررنا ونتحول إلى عراق آخر أو سودان منقسم

حرام عليكوا

لما يبقى ميحصلش إلي إنتوا عايزينه نبقى ننزل تاني إيه المشكلة بس مش لازم دلوقتي مش لازم بكرة

كده خراب حرام عليكوا البلد هتضيع ونرجع نقول يا ريتنا

المشاركة الأصلية كتبت بواسطة baskota

ده عمر سليمان
هو حضرتك كنت منتظر منه ايه
لو كان نجح فى فى اى ملف من اللى كان ماسكهم قبل كده كان نفع دلوقتى
لو كان فيه خير ما كان رماه الطير
جايبلنا نائب رئيس عنده 75 سنة
حراااااام
رجاحة عقل اى انسان لا يمكن تكون فى السن ده بما يصلح لحكم بلد
عمر سليمان
خير خلف لخير سلف

حرام عليكي إلي إنتي بتقوليه ده

مش وقته خالص

الراجل مش لازم يمسك بعد حسني وحتى لو مسك ومعملش إلي إحنا عايزينه نبقى نثور تاني ونجيب حقنا وساعتها هنكون أقوى

وبعدين هوا إحنا من إمتا بنحل قضية بيه أو من غيره

حرام عليكوا حتبوظوا البلد كلها

متنفخوش في النار


أخروا الكلام ده شوية لما نشوف البلد دية هتروح فين أبعد من كده

المشاركة الأصلية كتبت بواسطة misoalex

طبعا الكلام كان يعتوى على الغاز كتيييير او بمعنى ادق كان بيهرب بالطريقه لكن حاجتين لازم ناخد بالنا منهم
وياريت الاداره متعملش دمج للموضوع لان الموضوع مهم

دلوقتى هو قال انهم بيعدلو فى الدستور لوضع متطلبات فى رئيس الجمهوريه القادم

يعنى ابشرو يا شعب مصر مش اى حد حيوصل لمجرد انه يرشح نفسه للرأسه مش للكرسى نفسه

والحاجه التانيه موقفه تجاه الى عملته الشرطه والداخليه
فعندما سئل من المزيع عن ماذا سيفعل مع الداخليه بالتحديد عندما توعد بـأن كل من اخطأ سيحاسب

فقال الشرطه كانت تؤدى عملها فى او اليوم (يوم 25 ) وكانت تتعامل مع الشعب كأخوه حتى زاد عدد المتظاهرين و معرفوش يسيطرو عليهم وقامو المتظاهرين بضربهم والتعدى عليهم !!!!!!!!!!!!!؟
واضطرو للرجوع لمعسكراتهم واماكنهم فهم ليسو مخطئين وكان لديهم اوامر بعدم الضرب بالرصاص

فهم ليسو مخطئين ولكن الحساب سيكون مع من امرهم بعدم الرجوع مره اخرى وتراجعهم


يعنى من الاخر منتظروش اى محاكمه عسكريه للشرطه الا بعض الجزائات ولفت النظر وخلافه فهم كانو يؤدو واجبهم كأخوه للشعب
والرصاص الى اتضرب بيه الناس واتوفو كان بونبونى وشوكلاته الى اخوانهم الشعب اداهلهم فى الصباح كما رأينا فى التلفزيون

وهو ربط بين رجوع الشرطه الشارع وعوده الامان وبين فض الاعتصامات لان الشرطه مش حتنزل االشارع غير بعد فض الاعتصامات

وايضا بانت نيته من المعتصمين فى الميدان والمعتقلين منذ يوم 25 حيث قال انهم سيفرج عنهم ان لم يوجه لهم اى اتهام (وطبعا قائمه الاتهامات موجوده فى انتظارهم والمحاضر معموله من دلوقتى )


خلاص كده نيه كل واحد بانت وكل الى كنا بنقوله من مخاوف حصل وحكومه التنميه والاصلاح الجديده خلاص ابتدت عملها من امبارح وشفنا النتيجه كلنا على الفضائيات

وكل واحد عقله فى راسه يعرف خلاصه

ياريت الاداره متعملش دمج للموضوع عشان فيه ناس فرحانه بالخطاب الى اتقال من قليل

كلام سليم
واكتر حاجة لفتت نظري خلي بالكو
المذيع سالو عن الشرطة واذا كانت متورطة
رد عمر سليمان
انا اقدر جهاز الشرطة
وكان يقوم بعملة على اكمل وجه بدون اطلاق طلقة واحدة
ولاكن بعد تعدي المتظاهرين ليلا على الشرطة التى تحميهم
قاموا بالفاع عن نفسهم
هههههههههههههههههه ضحكة بمرارة
هو بيتكلم عن شرطة غير اللي شفناها ومتظاهرين غيراللي شوفناهم

حتى عمر سليمان المصرى الوطنى الصادق المحترم للنخاع لم يسلم من الافتراءات
ربنا يصلح الحال

الناس بقت عايزه تقول حاجه و تتعمل فى نفس الوقت
و نفس الوقت مش عاجبها اى حاجه

الفوضى بتعم كل حاجه :(