الموضوع: ممكن نفكر مع بعض شوية في مصر

رغم اني مش مضار من وجود مبارك او نظامه
فانا والحمد لله انعم بحياة كريمة ووظيفة جيدة ومستوي اجتماعي واقتصادي يكفل لي حياة معقولة جدا

الا انني اؤيد وبشدة خروج مبارك من السلطة بل ومحاكمته
ومن قبله العصابة التي اوصلت مصر الي هذه الحالة

لكننا الان امام مصلحة مصر

والله يا جماعة انا لا انتمي لاي حزب
لكن صوت العقل بيقول اييييييييييييييييييييه

التفكير في سيناريو ما بعد مبارك

مبارك باعته امريكا والغرب عموما وانقلبوا عليه
ولم يعد في امكانية ان قدر له البقاء لا اعتقال النشطاء كما قال البعض
ولا تزوير ولا تكريس اي وضع له او لنجله
لم يعد امامه الا الرحيييييييييييل

يبقي العقل يقول نتركه حتي ينهي فترة رئاسته او نحدد له مدة اقرب ولتكن المدة اللازمة لانهاء التعديلات الدستورية والتشريعية

علي فكرة انا بحكم عملي اؤكد لكم ان المسألة دي محتاجة فعلا شوية وقت
لان ليها اجراءات مينفعش تتعمل من غيرها

فكرتوا في تعديل الدستور بعد مبارك هيتم ازاي ؟
الاخ اللي بيقول حل مجلس الشعب - فكر الانتخابات الجديدة اللي عاوز يعملها تتعمل ازاي في ظروف زي اللي احنا فيها دي ؟
يا جماعة الناس اللي بتتكلم من غير وعي ومن غير ما تكون فاهمة
الناحية القانونية والاجرائية للمسائل اللي زي دي ليها اسلوب وطريقة ولازم تمر باجراءات معينة والا كانت باطلة
ده غير ان البلد لو تمت فيها انتخابات دلوقتي هتحصل حرب اهلية بين انصار المرشحين
دي حاجة
الحاجة التانية والاهم

فاكرين احمد نظيف من كام سنة لما كان في امريكا وقال ان الشعب المصري لم ينضج سياسيا بعد
وقامت الدنيا عليه ولم تقعد

انا ما كرهت في حياتي حكومة بقدر كراهيتي لاحمد نظيف وحكومته
لكن هو هنا كان عنده حق

اقولوكو ازاي

اظن كلنا عارفين ان انتخابات الشعب الاخيرة المزورة تم تزويرها ازاي

هيرد البعض من غير تفكير ويقول لي الحكومة والداخلية والحزب الوطني

لا يا سيدي
دول كان ليهم دور اه في اللي حصل
لكن الدور الاكبر لانصار المرشحين اللي مشيوا وراهم من غير تفكير
ملناش دعوة بالبلطجية المؤجرين
انا مش بتكلم عنهم هنا
اه كان ليهم دور كبير
لكن الناس نفسها اللي مشيت كل واحد وراء مرشحه بعصبية وتخلف
او طمعا في مصلحة يحققها له بعد ما ينجح
زي شقة او وظيفة او غيره

الناس دي هتتطلع تاني برضه ومن غير تفكير وراء نفس المرشحين
وتنجحهم في الا نتخابات الجديدة اللي عاوزين نعملها
انا عن نفسي اكاد اجزم ان عضوي الشعب في دائرتي وهما عن الحزب الوطني لو نزلوا الانتخابات الجديدة هينجحوا
مش عشان كويسين
لكن عشان اللي طلع وراهم ونجحهم اول مرة هيطلع وينجحهم تاني
ومن غير تفكييييييير


وبعدين اذا كنا الان امام ضررين اما استمرار مبارك لاشهر قليلة وضمان انتقال السلطة سلميا
واما حالة من الفوضي تاتي علي الاخضر واليابس في مصر

فطبيعي اننا نختار الضرر الاقل وهو استمراره

يا جماعة انا مقدر حالة اخواننا اللي في ميدان التحرير واللي منهم اللي اصيب او شاف الموت بعينه او مات فعلا احد اصدقائه او اقربائه في الايام الماضية وعارف ان ليه عذر يكمل ويرفض الحوار ويطالب برحيل مبارك الااااااان
مهو اللي ايده في الميه مش زي اللي ايده في النار
انا عارف كل ده وعازر الناس دي كلها

لكني عاوز اقول له حاجة :
حسني مبارك يستحق الحرق
لكن مصر لأ
اعوان مبارك يستحقوا اعدامهم في ميادين عامة
لكن مصر لأ
الفاسدين والحرامية من رجال الاعمال يستحقوا قطع ايديهم وحرقهم بجاز وسخ
لكن مصر لأ

في حاجة كمان بالنسبة لاخواننا اللي بيطحنوا في بعض في ميدان التحرير
ولا اتحدث عن شخص يدافع عن نفسه ضد هجوم البلطجية لكن عن اناس كل منهم يتحيز لرأيه ومصر علي المضي قدما فيما هو فيه
تذكر قول الرسول عليه الصلاة والسلام " اذا التقي المسلمان بسيفيهما فالقاتل والمقتول في النار "

اخواني لا نملك لمصر الان سوي الدعاااااااااااء
فحتي البدلاء المطروحين لمبارك كلهم اسوأ من بعض

عمر سليمان والبرادعي والاحزاب المنفصلة عن الشعب منذ سنوات وتأتي اليوم محاولة سرقة ثورة الشباب فيخرج السيد البدوي رئيس حزب الوفد ويقول ان لولا حزب الوفد ما قامت هذه الثورة
طب ليه يا حاج سيد
لان لولا اشتراك الوفد في الانتخابات الاخيرة ما كان فضح التزوير ولولا فضح التزوير ما كان هيخرج الشباب
طبعا انا لو كان ادامي الراجل ده وهو بيقول الكلام ده كنت رديت عليه باشارة من صباعي الاوسط يعملها كل المصريين
مصحوبة بكلمة استهجان شعبية عارفينها كلنا

حتي الاخوان - رغم اني لا اصدق ما يقال عنهم واعتقد ان من بينهم اناس جيدون جدا - لكنهم فشلوا في الوصول للشارع كغيرهم ولا يصلحون

يا رب سلم ونعدي الازمة دي علي خير
وايا كانت النتائج ما يجيش اليوم اللي نقول فيه ياريت اللي جري ما كان

ياااااااااااااااارب