اتفق تمام و اعلن انهم لا يمثلوني انا ايضا ولا اسرتي او عائلتي, و اضيف انهم بدايتهم غير مبشرة بالمرة, فهم لا يستمعون لاحد و يعتبرون ان اتباعهم و مريديهم فقط هم كل الشعب المصري... مثلهم مثل الحزب اللا-وطني..
.
عرض للطباعة
الجيش لو كان إتدخل كان هايتقال في العالم كله إن الجيش المصري إبتدى يضرب في الشعب ... وشيل بقى بعد الخبر ده ... مافيش دولة مش هاتدخل في شوننا الداخلية
خصوصا إن التراشق كان بين الطرفين .. أنا معاك إن في طرف إبتدى وهو المدعى إنه من أنصار مبارك ... ولكن التراشق طوال الوقت بعد كده كان من الطرفين ولو الجيش إتدخل كان لازم يفرض سيطرته على الطرفين وده اللى كان هايتفسر بإنه إعتداء ومش بعيد تطلع الفضائيات تقول إعتداء عنيف كمان وأخرى تقول الجيش يبدأ في فض المتظاهرين السلميين بالقوة ...
بالإضافة لإن الجيش عدده اللى واقف في الميدان يادوب على قد حراسة المتحف المصري لو ساب المتحف وراح يفض الإشتباك هايكون المتحف بدون حراسة والأعداد المشاغبة كان عددها كبير ماكانش هاينفع معاها إلا الأمن المركزي اللى لو إتدخل كانت هاتبقى حرب تانية
أنا معاك كان في تقصير من وجود الأجهزة الأمنية .. بس أي تدخل أمني برضه كان هايتفسر نفس التفسير
بارك الله فيك
وجزاك خيرا - من افضل ما قراءت حتى الان
إذا راجعت تاريخ بقية الأحزاب المصرية وجماعة الإخوان المسلمين وحتى الحزب الحاكم الغير وطني وكذلك حركات الشباب الواعي التي قادت الثورة في البداية والذي جعلنا نفخر جميعا بهم ... ستعرف من هو الذي ظل طوال عمره لم يستمع الى آراء الآخرين وبقى متمسكا برأيه فقط ... وظل مؤمنا بأن آراء الآخرين خاطئة بنسبة 100 %
وهنا ستعرف من هم الأشخاص الماكثون في ميدان التحرير الآن وما هي أغراضهم والى من ينتمون
ماتقولها صريحة يا ايمن بيه
خايف ليه تقول ان جماعة الاخوان المسلمين هم المسيطرين على الموقف الان في التحرير
وانهم لن يعودوا الا بعد رحيل مبارك وبعدها عمر سليمان وبعده احمد شفيق
وبعد ان يتولي احدهم او احد الموالين لهم او من يوافق على كل شروطهم الحكم
مش عايزين بعد ما كنا بنخاف من مبارك نخاف دلوقت من جماعة الاخوان او غيرهم
ياباشا أنا مش خايف أقولها ولا حاجة
ولكن أنا حبيت الناس تصل لها بعقلها ... بناء على المعطيات اللى كلنا عارفينها بس مش عايزين نقتنع برضه ... عشان الناس في الآخر تقتنع من نفسها وبعقلها إن دي الحقيقة ومش أنا اللى قايلها ... عشان لما بقولها بلساني ماحدش بيصدقني
وللعلم بقية الأحزاب برضه واقفة في ميدان التحرير من إتصالات من ناس لسة واقفة هناك وبيحاولا يقنعوا الناس هناك ولكنهم قلة لايمكن ذكرهم
أؤيدك... بس بدل ما احنا قاعدين نكلم في نفسنا هنا, عايزين نفكر مع لعض في طريقة توصل للعالم ان اللي في ميدان التحرير لا يمثلوا كل شعب مصر ولا حتي الغالبية منه, محتاجين نحرج الحكومات اللي بتلعب معانا امام شعوبهم... لو سكتنا هيطلع علينا اللي يخطف البلد لصالحه هو كمان و نرجع نعيد الفيلم من اول و جديد كمان 50 سنة...
.
كلام سليم ومنطقى جدا
خاصة لانى كنت مستغرب جدا من موقف امريكا بعد ما الاوضاع هدأت ودانت الامور كثيرا لمبارك