الموضوع: مين في ميدان التحرير

المشاركة الأصلية كتبت بواسطة hossaam

طيب يا دكتور محمد علشان يبقى كلامنا موضوعي...المشاكل دي من جانب مين بالضبط...اذا كان قصدك من جانب الاخوان يبقى علشان يكون كلامنا علمي ..ممكن حضرتك تجيبلنا مصدر من كتب اومراجع الاخوان المعتمدة
بتقول ان افكارهم اافكار تصادمية مع المسيحيين او غير المسيحيين...بجد علشان نستفيد كلنا ونفهم
وانا عن نفسي هابحث في الموضوع ده...

ملحوظة: لازم زي ما دكتور احمد قال نفرق بين السلفيين وبين الاخوان وبين المعروف من الاسلام بالضرورة

يا حسام بيه من اهم المشاكل اللي هتحصل مشكلة المادة التانية من الدستور وهي التي تنص على ان الشريعة الاسلامية المصدر الرئيسي للتشريع والتي يطالب المسيحيين بالغائها لو وافق الاخوان على ذلك هايبقوا كدابين ادامالشعب لانهم بيقولوا دولة اسلامية والقران دستورنا وده يخليهم يفقدوا جزء كبير من شعبيتهم ولو رفضوا يبقي هيدخلوا في صراع مع المسيحيين والامر ميخلاش من كنيستين تلاتة تفجرهم جهات اجنبية فعلا ووقتها الاتهام هايبقي موجه للاخوان ويتطرف بعض المسيحيين في مصر وهم موجودين بالفعل علشان منضحكش على بعض ويتفجر مسجدين من جهات اجنبية بردو لكن الطرفين هايتهموا بعض وتبدا العمليات الانتقامية وتولع البلد وتتقسم
اما افكارهم التصادمية مع اي شخص لا ينتمي للجماعة فده مؤكد من سلوكياتهم لما بيسيطروا فعلا على مكان ما وانا كنت كتبت عن 3 مواقف لسلوكهم لما سيطروا علي نقابة المحامين ونادي اعضاء هيئة التدريسي بجامعة القاهرة وفي اضراب اساتذة الجامعات بالاضافة لملاحظات شخصية عن سلوكهم داخل الجامعات سواء طلاب او اساتذة
والسلفيين حتي الان يبتعدون عن السياسة لكن في ظل المتغيرات الاخيرة لن يكون هناك احد في مصر بعيد عن السياسة

المشاركة الأصلية كتبت بواسطة a.saad

الاخوانية مش تهمة
لكن بعد ما هيمسكوا مش هتشوف الهوا اصلا
شوف ايه اللى حصل فى الجزائر زمان وانت تعرف ليه بعترض عليهم

طبعا مش تهمة هما تيار موجود في مصر بالفعل زيهم زي اي تيار وبيزيدوا عنهم كمان انهم منظمين جدا والطاعة عندهم لاقصي درجة لكن المهم انهم يتعاملوا مع بقية الفئات والمواطنين باعتراف متبادل ولكن للاسف في هذه النقطة بالذات هم والحزب الوطني سواء الكل يتعامل بمنطق استبعاد الاخر ولا يعترف باي فرد من خارجه ولا باي راي معارض له